رسالة للست عبير

السلام عليكم

ازيكم يا شباب...كل سنة وانتم طيبين...كلها ايام قليلة ويقبل علينا شهر الرحمات

اللهم بلغنا رمضان وبارك لنا في شعبان

رجاء من الاخوة والاخوات شحن بطارايات الهمم والاستعداد الجيد لأستقبال الشهر الكريم....وياريت كلنا نبعد عن النت بحلوه وبمره ونكرس الوقت ونسخره للطاعة بعيدا عن اي شئ قد يؤثر علي الاستفادة بكل دقيقة من دقائق هذا الشهر الكريم

أسأل الله الكريم أن يرزقنا النية الصالحة والعمل المقبول إن شاء الله

نبدأ بقي موضوعنا

الناهرده الصبح طبعاً الواحد قايم مفتح عينه براحته...أجازة بقي

والحاجة بتصحي فيا بقالها ساعة....يا ابني قوم تعبتني...وطبعا أنا مكسل ومش عاوز أفتح عنيا...بس أول ما جابت سيرة الفطار

تسللت هذه الكلمة الي اذني ومنها الي تلافيف المخ باحثة عن مكان مفتاح الحواس الخمسة وبسرعة البرق ضغطت كلمة الافطار علي المفتاح وبدأت شاشات العرض في العمل...

وأضاءت شاشاة عرض البصر صورة للأكل اللذيذ وبعدها شاشاة حاسة الشم تعرض الروائح الذكية...ثم السمع ثم التذوق ثم اللمس و انطلق جرس الانذار ليوقظ كل خلية من خلايا جسدي الكسول

وانتفضت من علي سريري مسرعاً الي الحمام ابغي دشا سريعا

وانا أمني نفسي بما لذ وطاب من أصناف الطعام الجميل (هشوفه فين تاني )...وبدأت في تناول الافطار

وبجانبي كوباً ساخنا من الشاي واخر بارداً من اللبن (شوفوا العز)...ولكني شعرت بأن هناك شيئاً ينقصني...(شايفين الطمع)...ولم أدري ما هذا الشئ الا مع صوت بائع الجرائد وهو يصيح بأعلي صوته معلناً عن جرائده الطازجة في الصباح وكأنه علم اني محتاج للجريدة بجانب الشاي والافطار حتي تكتمل صورة الانتخة

وجبت الجرنان اللي مبفحتهوش غير عشان اخبار الرياضة اللي بتحرق دمي عشان كلها بتبقي متحيزة للأهلي...عشان كدا بطلت اقرأ اي حاجة في الجرنان ...بس إحساس انه يكون جنبي هو دا المطلوب

المهم لفت نظري في الجريدة خبر بيقول:

عبير صبري تتخلي عن حجابها من أجل أكل العيش

اللي ملفت في الخبر انه مكتوب بالخط العريض كدا وكأن اللي كتبه شمتان أو فرحان أو عاوز يقول ان مصر كسبت يا رجالة

يعني علي ما أعتقد اننا لو كسبنا المغرب اللي معقدانا الخبر مش هيتكتب بالطريقة ديه

من قبلها كنت سمعت من حوارات الناس انهم زعلانين عشان عبير صبري شالت حتة القماشة اللي كانت ربطاها علي رسها

طيب تعالوا كدا نرجع لفترة قليلة من الزمن وهي بداية إتجاه عبير صبري للحجاب..

كان في حوار مع محاور رزل اوي شبه ابو جلمبوا ديما بيحب يعمل حوارات مع الممثلات والمطربات اللي بيقلعوا هدومهم عشان يفرح بيهم...وبرضو بيجيب الناس اللي لبسوا الحجاب عشان يضحك الناس عليهم...طبعاً الغلط بيبقي من اللي بيستجيب لدعوة الفسل دا ويجي يعمل معاه حوار

حكوا لي إن عبير صبري قد وصفت الحجاب الشرعي لهذا الارجوز وحوارته بثقة وعزيمة وإيمانيات عالية..

بسم الله ماشاء الله....يهدي من يشاء الي صراط مستقيم

والله حاجة جميلة...والناس فرحت أوي بالموضوع...ماشي حاجة جميلة وشئ مفرح

جت الست عبير صبري رويدا رويدا وبدأت التنازل عن الحجاب الشرعي حتة حتة....استربتيس يعني

والله يا جماعة انا لا بتابع تلفزيون ولا برامج حوارية ولا أي حاجة...الكلام دا بسمعه من الناس ..يعني انا مشفتش بعنيا بصراحة أي حاجة

اللي سمعتوا انها بدأت في العودة الي الميك أب...ثم نزعت الطرحة الطويلة واستبدلتها بربطة الخدامين وفي النهاية قررت أن الدين في القلب وليس في الظاهر

العلم في الراس مش في الكراس يعني

وكل هذا من أجل أكل العيش...وإن محدش ليه دعوة بحياتها الشخصية تعمل اللي هي تعمله

ماشي...محدش فعلا ليه دعوة بحياتك يا ست عبير

بس عاوز أقولك حاجة

أكل العيش هو اللي رجعك فعلا للكلام دا؟؟

طيب إنتي لما ربنا أراد بيكي الخير ورحتي مجالس العلم معرفتيش أن فلوس الفن والتمثيل دي حرام؟؟

ومسمعتيش قول الله عز وجل في كتابه الكريم( ومن يتق الله يجعل له مخرجاً ويرزقه من حيث لا يحتسب )

وهل أكل العيش مش موجود غير في التمثيل بس يا أستاذة عبير

يا ست عبير

هل كل الناس اللي تحجبت واحتشمت ماتت من الجوع؟؟

جاوبي علي أسألتي بالله عليكي

طبعاً حجة ضعيفة أوي يا جماعة وأكيد معندهاش أي إجابة لأي سؤال من الأسئلة ديه

بس تعالوا بقي نشوف إيه اللي حصل للست عبير وبوجه عام نطبقه علي نفسنا

هنتخيل إن في قلب كل إنسان مسلم قنديل للأيمان...هذا القنديل يتوهج بنور الايمان عند إضاءته وشحن بطارياته بالطاعة وزكر الله

أضاء هذا القنديل بقوة في قلب عبير صبري عند بداية التزامها وإتجاهها الي الله عز وجل

ولكن خبأ نور القنديل في البعد عن الله رويدا رويدا...وبدأت تتنازل وتضعف مع ضعف هذا النور...حتي إنطفأ المصباح وعادت كما كانت

الكلام دا محصلش للإنسانة ديه وبس..

لا دا حصل لناس كتيرة جدا سواء مشاهير او غيره

تلاقي شاب التزم مرة واحدة وإتجه الي الله عز وجل ...وبعد فترة يبدأ في التخاذل والتراجع

تلاقي فلانة لبست الحجاب أو النقاب..وبعد فترة برضو تبدأ في التراجع مرة تانية

لهذا كانت دعوة رسول الله صلي الله عليه وسلم

اللهم يا مقلب القلوب ثبت قلبي علي دينك

أنا مش بهاجم عبير صبري أو غيرها...إحنا عاوزين نعرف ايه اللي حصل والغلط فين؟؟

معقولة بعد مذاق حلاوة الايمان نرجع تاني لمرارة الخذلان

معقولة بعد العفة والطهر أرجع تاني للرذيلة والفواحش

انرد علي اعقابنا بعد إذ هدانا الله

لازم يا جماعة نجدد الايمان ديماً في قلوبنا ونتابع ضوء القنديل

إذا بدأ في الضعف نلحقه ونشحنه....الكلام دا في وقت خطير اوي ووقت مهم اوي

رمضان مقبل علي الابواب

بالله عليكم محدش يضيع فيه دقيقة ونستعد من دلوقتي

لازم نستعد عشان منجيش اول يومين تلاتة حلوين اوي وبعد كدا نقعد جنب الفوازير والمسلسلات

اما بخصوص الست عبير فعاوز اقولكم حاجة

إن شاء الله هترجع تاني للحجاب....ولو اراد الله وقدر لنا البقاء هفكركم بكدا

اللهم يا مقلب القلوب ثبت قلبي علي دينك

كوكتيل

السلام عليكم ورحمة الله وبركاته

مدرستي

من أجمل ايام حياتي كانت فترة الثانوية العامة...عديت جنب المدرسة الناهرده وافتكرت الايام ديه...وضحكت علي مواقف جميلة...

يا ريت الزمن كان وقف عندها وممشيش

هبقي مؤدب

اوعدكم المرة اللي جاية إن لو حد شتمني هروح أتأسفله وهبوس ايدي شعر ودقن اني اتشتمت

عشان ابقي مؤدب ومبقاش همجي ..وهبطل ردح

مفروس

امبارح كملت 4 شهور بالتمام والكمال في الجيش واترقيت ومرتبي زاد 3 جنيه...يعني واد كسيب والفلوس بتجري في ايده...وممكن دلوقتي افكر اني اتجوز وأفتح بيت...أو افتح علبة سلمون

خبر سعيد

الصول مصطفي اتنقل وراح سرية تاينة (الله يكون في عونهم)....يا بركة دعاء الوالدين

مفيش احساس

واحد صاحبي قرفان ومخنوق اوي وعاوز يسيب البلد ويمشي عشان خدمة شبكات الموبيل بقت زي الزفت

امال لو دخل الجيش و اتحرم من ابسط حقوقه الضرورية كإنسان ومدخلش الحمام لمدة يومين هيعمل ايه؟؟

معلش بكره اكيد احسن

طيب هو بكره دا هيجي امته؟؟؟

----------------------------------------------------

حوار

فلان خطب الاسبوع اللي فات

بجد والله....ربنا يباركله يارب

والله شئ جميل لما الواحد يحس ان صحابه عقلوا كدا وفكروا في الاستقرار

اه طبعاً....

طيب واحنا ...مش المفروض نعمل كدا؟

نعمل ايه يعني؟؟

نبدا بقي نفكر في الخطوبة والزواج...وكدا يعني

طيب فكر هو حد ماسكك

طيب ما انا بفكر اهوه...وانت فكرت؟؟

انت شكل عندك فراغ عاطفي ومخك بدء يفوت

وانت شكلك عديم العاطفة والشمس لحست دماغك

الصول يصرخ بأعلي صوته

اقف ثاااااابت يا طالب يا منحل انت وهو وبطل كلام يا عديم الانضباط

الاتنين بأعلي صوتهم

تماااااااااام يا فندم

صفة غريبة اوي وجديدة...(عديم العاطفة)...مش مشكلة مش هتفرق معايا كتير

----------------------------------------

صورة

وكمان صورة

------------------------------------------------

النهاية

أري الدنيا لمن هي في يديه ...عذابً كل ما كثرت لديه

تهين المكرمين لها بصغر... وتكرم كل من هانت عليه

جميلة اوي...تحب تسمعها؟؟

هنــــــــــــــــــــــــــــــــــا

----------------------------------------------

تاجات...مش تاج واحد

السلام عليكم

طبعا التاجات بسم الله ماشاء الله شغالة زي الفل

وكان عليا تاجين من زمان لمهند ورينا

قلنا نجمع كله وننزله مرة واحدة عشان نبقي خلصنا اللي علينا

نبدا بالتاج المشترك بين مهند ورينا

--------------------------------------------------------------------

إنسان مستعد تضحي بحياتك – ركز فى كلمة حياتك – عشانه؟

اي عربي مسلم معتدي عليه من قبل اي حد غير مسلم
______________________

ما هو اسم اجمل كتاب كتبه بشر قراته ومحتفظ به حتي الان؟

لطائف المعارف....وهذا الحبيب يا محب...الرحيق المختوم...صفة الصفوة
_______________________
اسم كتاب كتبه بشر برضة- انت متعلق بيه وبتقرأه كل فترة؟

هذا الحبيب يا محب لفضيلة الشيخ ابو بكر الجزائري
____________________________
اهم جهاز منزلى انت متعلق بيه او بتستخدمه كتير؟

مكنة تحميص التوس مع انها مش عندنا ولا عمري شفتها غير في افلام الكرتون بس ...ولا عمري اكلت توست اساسا هو اسمه توست صحيح كدا والا انا غلطان؟
_____________________________
مكان تحس بالراحة عندما تدخله؟

المسجد اللي تحت البيت اللي فتحت عيني عليه من 21 سنة
______________________________

شىء تحس بالراحة النفسية عندما تنظر اليه؟
الصول مصطفي الساعة 5,30 الصبح علي الريق كدا قبل ما اغسل وشي
______________________________

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

منطقة انتهاء ترعة الاسماعيلية والتقائها بقناة السويس الصورة الاولي اللي في الموضوع بتاع الرحيل

بحب المكان دا اوي وليا فيه زكريات كتيرة منها المر ومنها الحلو

________________________________
اجمل مدينة زرتها داخل مصر ؟

رفح المصرية
_________________________________
أجمل مكان طبيعي رأيته داخل مصر ؟

برضو مزارع الفاكهة الطبيعية اللي في رفح المصرية واد ايه المكان دا جميل وتحس فيه براحة غريبة وحب مع انها كانت اول زيارة ليا فيه
__________________________________
شخصية كارتونية بتحبها
القذافي
__________________________________
نوع هاتفك المحمول؟
سامسنوج n620
__________________________________
سرعة بروسيسور جهازك؟

1200
___________________________________
تقريباحجم ذاكرة –هارد- جهازك
80

___________________________________

المساحة التى تشغلها المواد الاسلاميةعلى جهازك؟

تقريبا معرفش....بس ممكن توصل لنص المساحة
___________________________________
أهم هدف انت واضعه لحياتك الآن؟

مش عارف
___________________________________
صفات فتاة الأحلام بالنسبة لك؟

هي فين الاحلام اساسا...كلها كوبيس يا معلمين
____________________________________

صف ما يأتى
شعورك لما بتسمع كلمة مصر ؟

بنت جميلة صغيرة شعرها نازل علي عنيها لبسا فستات اخضر قاعدة جنب حط اديها علي خدها دمعيتها في عنيها نفسي اجري عليها واخدها بالحض وامسح دمعيتها
_____________________________________
شعورك لما بتسمع كلام عن اليهود؟
بشم ريحة وحشة
_____________________________________
شعورك لما بتشوف ظابط شرطة؟
المحترم فيهم بيؤدي عمله...ربنا يكرمه ويكون في عونه واللي مش محترم ياخد بالجزمة طبعاً
_____________________________________
شعورك لما بتشوف الكناس العجوز فى الطريق؟

فعلا ببقي عاوز اخد منه المكنسة واكنس بداله واريحه....وبسأل الله ان يرزقني التواضع ويوسع له في رزقه ويبارك له فيه
______________________________________
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

اتمني له الخير والاخلاص في القول والعمل واتمني ان تطوي الايام حتي اعود الي لحيتي وجلبابي مرة اخري
______________________________________
احساس يراودك فى اشارة مرور مغلقة بسبب مسئول كبير؟

لو الوقت هيطول هنزل اشتري حاجة ساقعة وايس كريم
------------------------------
بمرر التاااااااج دا لمين لمين
مش لحد خالص
------------------------------------------------
التاج بتاع مهند بقي

---------------------

انت ليه اخترت الاسم الغريب ده؟
هتلاقي الاجابة في التاج اللي بعده

------------------------------------------------

لو تقدر ترجع الزمن مره واحده,تعمل لموقف ماundo ,ايه الموقف اللي حتختار تشطبه من حياتك؟
ولا حاجة طبعاً....ما أخطأك ما كان ليصيبك وما اصابك ما كان ليخطأك

ـــــــــــــــــــــــــــــــــــــــــــــــــــــــــــــــــ

لو معاك طاقيه الاخفا,حتعمل بيها ايه؟

هغسلها

ــــــــــــــــــــــــــــــــــــــــــــــــــــــــــــــــــ

لو تقدر ترجع بالزمن ليوم واحد بس,لاي وقت او يوم,ترجع لامتي و فين؟

لا مبرجعش ابدا

ـــــــــــــــــــــــــــــــــــــــــــــــــــــــــــــــــــ

لو معاك مصباح علاء الدين,ايه التلات طلبات اللي حتطلبها من الجني؟

1- لما اخلص يسفرني اشتغل في ليبيا

2- هشتري رونالدو

3- اجيب عقد عمل في درفور للصول مصطفي

ـــــــــــــــــــــــــــــــــــــــــــــــــــــــــــــــــــــــــ

لو تقدر تعيش في شخصيه تانيه ليوم واحد,او حتى علي طول,تحب تعيش بدل مين؟

عمر بن الخطاب رضي الله عنه

ــــــــــــــــــــــــــــــــــــــــــــــــــــــــــــــــــــــــــ

سؤال شبه الاولاني,نفس قدره ترجيع الزمن,حاجه حتعملها و انت مش قادر تعملها و خايف من النتيجه بتاعتها,معاك القدره دي,فتقدر تعمل الحاجه دي و لو فشلت ببساطه تعمل ليهاundoو يا دار ما دخلك شر,ايه هي الحاجه دي؟

احط للصول مصطفي ملح انجليزي في الاكل ...بكمية كبيرة اوي................اوي

ــــــــــــــــــــــــــــــــــــــــــــــــــــــــــــــــــــــــــ

خمس حاجات محدش يعرفها عنك

1- عصبي

2- بحب ابقي لوحدي كتير اوي

3- بكتب اشعار وخواطر وبقطعها بعد ما بتخلص

4- بكره الصول مصطفي اوي

5- نفسي اشتري قرد صغير واحطه في البلكونة
بس خلاص...وكل عام وانتم بخير

----------------------------------

----------------------------------

ودا كان تاج من الاخت ما علينا

ما اسم مدونتك؟

الراقص مع الذئاب

ـــــــــــــــــــــــــــــــــــــــــــــــــــــــــــــــــ

لماذا اخترته.. وماهى نيتك من وراء اختياره ؟

دا اسم قصة جميلة اوي واتعملت فيلم ...بس مخترتش الاسم عشان الفيلم طبعاً....والنية من وراء اختياره هو اعجابي الشديد بالذئاب وحبي لهم
ــــــــــــــــــــــــــــــــــــــــــــــــــــــــــــــــــ
صورتك فى المدونه رمزيته

صورة ذئب....واضح اوي يعني...والاستاذة نادية طه اطلقت عليه اسم سيزر

ـــــــــــــــــــــــــــــــــــــــــــــــــــــــــــــــــ
هل فكرت فى اغلاق مدونتك والسبب؟

انا مودي متغير ديما يعني ممكن اقرر بكره اني اجيب عاليها واطيها واقفلها...انا فكرت مرة واحدة اني اتوقف عن الكتابة ...والحمد لله مطولتش ورجعت تاني

ــــــــــــــــــــــــــــــــــــــــــــــــــــــــــــــــــــ
حد قل ادبه فى التعليق .. ايه رد فعلك؟

كتيييييييييير....اصلي في معظم الاحوال بناقش امور شائكة وبيكون اسلوبي فيها هجومي فرد الفعل لازم هيبقي كدا وببقي متوقعه...ومش بتفرق معايا مدام اني عارف اني بتكلم صح

ـــــــــــــــــــــــــــــــــــــــــــــــــــــــــــــــ
اسوأ مدونه؟
ارجعوا للأرشيف وشوفوا مواضيع ضد التيار هتلاقوا ملخص للمدونات السيئة كلها..بس انا مش قايل اسامي مدونات...وبرضو موضوع مدونون مثليون

ـــــــــــــــــــــــــــــــــــــــــــــــــــــــــــــــ
هايحصل ايه للأيميل لما تموت؟
سؤال غريب اوي...مش هبقي فاضي افكر في الاميل

وبعدين انا ممتش قبل كدا عشان اعرف

ــــــــــــــــــــــــــــــــــــــــــــــــــــــــــــــــــ
اديت الباسبورد لحد قبل كده؟
استحالة

_____________________
اسمك ؟

محمد صابر

ــــــــــــــــــــــــــــــــــــــــــــــــــــــــــــــــــــــ
عمرك ؟
انا شاب لكن عمري الف عام....بس في الحكومة عندي 25 سنة و8 شهور وشوية ايام من تاريخ كتابة هذا البوست

ـــــــــــــــــــــــــــــــــــــــــــــــــــــــــــــــــــــــــــ
برجك ؟
مبعترفش بالحجات ديه بس لو مصممين يبقي الجدي

ــــــــــــــــــــــــــــــــــــــــــــــــــــــــــــــــــــــــ
مجال دراستك ؟
والله انا كنت من شهور مهندس اتصالات...وبعد شهور إن شاء الله هبقي ضابط في القوات الجوية...ودلوقتي طالب في كلية عسكرية....وبعد سنين مش عارف...يعني حكاية ملخبطة وانا تعبت من التفكير فيها

ــــــــــــــــــــــــــــــــــــــــــــــــــــــــــــــــــــــــ
السفر بالنسبه لك؟
تجديد وتهذيب وتعليم وإصلاح

ـــــــــــــــــــــــــــــــــــــــــــــــــــــــــــــــــــــــــ
المود بتاعك ؟
متقلب لدرجة لا توصف

ــــــــــــــــــــــــــــــــــــــــــــــــــــــــــــــــــــــــــ
وقت فراغك بتعمل فيه ايه ؟
بنام

ـــــــــــــــــــــــــــــــــــــــــــــــــــــــــــــــــــــــــ
الاكله المفضله؟
الجيش علمني احمد ربنا علي كل حاجة

ــــــــــــــــــــــــــــــــــــــــــــــــــــــــــــــــــــــــ
الصفات اللى اخذتها من ابي ؟
الحكمة وبعد النظر

ـــــــــــــــــــــــــــــــــــــــــــــــــــــــــــــــــــــــ
الصفات اللى اخذتها من ماما؟
الاندفاع وطيبة القلب

ـــــــــــــــــــــــــــــــــــــــــــــــــــــــــــــــــــــــــ
اكتر ست حاجات بكرهها ؟
النادي الاهلي
الصول مصطفي
النفاق
التناحة والبرود
البرص - اللي بيمشي علي الحيطه
الاغاني

ـــــــــــــــــــــــــــــــــــــــــــــــــــــــــــــــــــــــــــــــ
لماذا دخلت عالم التدوين من الأساس ؟
اهو غلاسة

ــــــــــــــــــــــــــــــــــــــــــــــــــــــــــــــــــــــــــــــــ
أحلى جملة قيلت في وصف مدونتك؟

اي كلمة حلوة بدون نفاق او مجاملة

_________________________
التعليقات .. بالنسبه لك اهميتها؟
في موضوع كتبته كان اسمه الرحيل...كان قبل ما اروح الجيش بدقايق...وكنت هغيب 45 يوم...كنت مشتاق اوي اشوف التعليقات فيه ايه لما رجعت...وفرحت جدا بإن الناس منستنيش وفضلت تدخل المدونة في غيابي
بس بوجه عام التعليقات في بعض المواضيع بتبقي مهمة اوي عشان معرفة رد فعل الناس هيكون ايه...وعشان فتح باب للنقاش

ـــــــــــــــــــــــــــــــــــــــــــــــــــــــــــــــــــــــــــــــــــ
احلى بوست كتبتيه؟
الابتسامة...انا بحب البوست دا اوي عشان غير حجات كتيرة ادام عنيا

ـــــــــــــــــــــــــــــــــــــــــــــــــــــــــــــــــــــــــــــــــــــ
افضل مدونه قرأتها ؟
اي مدونة كتبت فيهر رد وشكرت صاحبها

ـــــــــــــــــــــــــــــــــــــــــــــــــــــــــــــــــــــــــــــــــــــ
افضل بوست قرأته ؟
كتير جدا

ـــــــــــــــــــــــــــــــــــــــــــــــــــــــــــــــــــــــــــــــــــ
الشغل بالنسبه لك ؟
بحبه اوي

ـــــــــــــــــــــــــــــــــــــــــــــــــــــــــــــــــــــــــــــــــــــ
الانترنت بالنسبه لك ؟
متنفس لحجات كتيرة اوي...وبرضو اختلاط بالناس وثقافتهم المختلفة....بالاضافة ان تقريبا بقي عندي شئ اساسي في حجات كتيرة زي معرفة الاخبار والابحاث

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في النهاية بقول لكل الناس اللي بعتتلي تاجات حراااااااااام عليكم

دا انا غلبان

وانا مش هبعت التاج دا لأي حد...بس اللي عاوز اي تاج من عندي يتفضل ويخده

كيف السبيل الي البر؟؟

السلام عليكم ورحمة الله وبركاته

ازيكم يا شباب...انا عارف والله إن الحر عامل عاميله

والناس كلها زهقانة ومحدش ليه نفس يعمل اي حاجة

بس بجد بالنسبة للي انا بشوفه الحر دا ولا حاجة

ومستغرب جدا من الناس اللي بتقول انهم هيموتوا من الحر

مع إنهم تحت مراوح وتكييفات وبيشربوا مية ساقعة وكل شوية يخدوا شاور

عشان كدا لازم نبص للي من هو في وضع اسوء من الوضع اللي احنا فيه عشان نعرف نقول الحمد لله

اصل احنا مبقناش بنقول الحمد لله كتير

ولو قلناها بنقولها من غير ما نحسها

معلش كانت مقدمة صغيرة عشان نفتكر جزء صغير من نعمة ربنا علينا وإن الحر اللي احنا فيه زي منبه صغير ينبهنا للنعيم اللي احنا عايشين فيه ومش حاسيين ولابنشكر ربنا

وعشان نفتكر كمان حر جهنم....يقول الله عز وجل في كتابه الكريم

فَرِحَ الْمُخَلَّفُونَ بِمَقْعَدِهِمْ خِلافَ رَسُولِ اللَّهِ وَكَرِهُوا أَنْ يُجَاهِدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ وَقَالُوا لا تَنْفِرُوا فِي الْحَرِّ قُلْ نَارُ جَهَنَّمَ أَشَدُّ حَرًّا لَوْ كَانُوا يَفْقَهُونَ

يارب لك الحمد كما ينبغي لجلال وجهك وعظيم سلطانك

نيجي بقي لموضوعنا

وهو هيكون عن آية في كتاب الله عز وجل هنحاول إنننا نطبقها

يقول الله عز وجل في كتابه الكريم

لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ وَمَا تُنْفِقُوا مِنْ شَيْءٍ فَإِنَّ اللَّهَ بِهِ عَلِيم

لما ربنا يكرمك كدا وتنوي ان تخرج صدقة لفقير هل بتفكر انك تروح تشتري مثلا تفاح او مانجو او اي فاكهة محترمة كدا من اللي احنا بنحبها؟؟؟

ايوة سعات والله بفكر اني اعمل كدا

طيب لو هتعملعا هل بتروح تجيب الفاكهة ديه من احسن المحلات وباغلي الاسعار؟؟

اممممممممم

طبعا محدش هيجاوب....الا من رحم ربي

يعني ممكن في ناس تكون بتعمل كدا بالفعل

بس تعالوا نتكلم بقي بموضوعية اكتر وبصراحة....احنا مش بنعمل كدا ولا عمرنا فكرنا في الموضوع دا

الفقير ملوش غير انه ياكل عيش بطعم المسامير وعدس وفول واي حاجة تسد الجوع وخلاص

وبكدا يبقي احنا عملنا اللي علينا

احنا هنقطع نفسنا يعني

هو كيلوا رز علي نص كيلوا عدس علي كيلو فول وشوية بقوليات وحطهم في كيس كبير وارميها لأهله

هو طايل

دا كمان هيجري وراك يبوس ايدك وانت تقوله استغفر الله استغفر الله وتعمل نفسك تقي وراجل خير وتركب عربيتك والسبحة في ايدك وتمشي

وسعتها بقي تحس انك دخلت الجنة واتربعت فيها...دا انت بتتصدق علي الفقراء وبتعمل خير

ماشي يا عم...والله دا شئ جميل جدا...وياريت كلنا نعمل الكلام دا

بس تعالوا نزود حاجة بسيطة في الكيس اللي مليان طعام اولي

يعني نزود حاجة كدا الراجل دا مكنش يتوقعها ولا عمره يفكر فيها

هات معاك مثلا دستة جاتوه ....كيلوا تفاح امريكاني...كيلوا مكسرات....

هات ياعم ايس كريم كدا وحجات ساقعة

يا جماعة والله دي حاجة جميلة اوي

الراجل دا هو وأسرته وأولاده نفسهم فعلا يتعرفوا علي الحجات ديه

هو كل الفلوس اللي في ايده بيشتري بيها ما يكفي لسد احتياجاته الاولية

بس اولاده ميعرفوش كدا

تخيل كدا مدي فرحة اولاده وانت جايبلهم تفاح او جاتوه

الم تعلم ان من احب الاعمال الي الله هو إدخال سرور علي مسلم؟؟

أو كما قال صلي الله عليه وسلم

بذمتك مش دا إدخال سرور علي مسلم؟؟

يا جماعة بلاش نختار الحاجة اللي احنا مش بنحبها وننفقها او نرميها للفقير

يقول الله عز وجل في كتابه الكريم

يَا أَيُّهَا الَّذِينَ آمَنُوا أَنْفِقُوا مِنْ طَيِّبَاتِ مَا كَسَبْتُمْ وَمِمَّا أَخْرَجْنَا لَكُمْ مِنَ الأَرْضِ وَلا تَيَمَّمُوا الْخَبِيثَ مِنْهُ تُنْفِقُونَ وَلَسْتُمْ بِآخِذِيهِ إِلا أَنْ تُغْمِضُوا فِيهِ وَاعْلَمُوا أَنَّ اللَّهَ غَنِيٌّ حَمِيدٌ

الموضوع دا مش هيتغير غير لما تغير نظرتك للفقير وتعرف انه احسن منك

مش قصدي طبعا الناس اللي بيلفوا في الشوارع ويمتهنوا مهنة التسول

لا...انا قصدي علي الناس اللي مقفول عليهم ابواب ولا يعلم ما بداخلها الا الله

يحسبهم الجاهل اغنياء من التعفف

يقول الله عز وجل

لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْبًا فِي الأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلُونَ النَّاسَ إِلْحَافًا وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ

تيجوا نتفق يا جماعة علي إننا هنعمل الموضوع دا؟؟؟

هننزل نشتري اي حاجة من اللي احنا بنحبها ونروح ندور علي فقير يستحق ونهديه هذه الحاجة؟؟

صعبة ...والا الفلوس معانا مقصرة؟؟

معلش تعالوا ندوس علي نفسنا ونعمل الموضوع دا....ونستمتع بفرحة وبسمة علي وجه ابتلي بالفقر

كما ابتليت انت بالغني

اللهم اجعل عملنا خالصاً لوجهك ولا تجعل لأحد فيه نصيبا

وجزاكم الله خيرا

البحر

السلام عليكم

منذ فترة ولم اكتب موضوع بهدوء...من ايام خلف التلال وتحت ضوء القمر

وها انا قد قررت أن اختلي بنفسي

وجلسة علي شاطئ البحر

علي كورنيش الاسماعيلية الجديد المطل علي بحيرة التمساح الهادئة

في منتصف الليل...وكأني في ساعة ذروة

تختلط اصوات الناس في مزيج جميل مبهج...فها هو صريخ الاطفال وبكائهم

وها هو زوج يعنف زوجته علي إهمالها لترك الطفل

وينادي بائع الشاي ليلفت نظر الناس ويزكرهم بوجوده

ويضع جانبه كاسيت متهالك تخرج منه اصوات موسيقي صاخبة وكلمات غير مفهومة لا أدري إن كان صاحبها مطرب ام مطربة

ويتحرك بخفة ونشاط وابتسامة خفيفة بائع الفيشار بين جموع المواطنين علي الشاطئ

الكل سعيد ومبتهج....مستمتع بنفحات الهواء التي تمر علي استحياء مشفقة علي الناس تستأذن الحر الشديد والرطوبة في التخفيف عنهم

يجلس هذان الصديقان معا علي يميني يتهامسان ثم يقهقهان بصوت عالي بعد ان يطلق احدهما قفشة او مزحة خفيفة

ويجلس اعلي الشاطئ زوجان في سن ربيع العمر....ينظران في شرود الي البحر ثم تلتفت الزوجة من حين لآخر محدثة الزوج ببضعة كلمات..فينظر اليها ويتبادل معاها اطراف الحديث بمودة وحب قد اصلته السنين

ويأتي طفل جميل ممسكا بحجر ليلقيه في الماء معكرا صفوه ويبتسم ويقهقه لذلك...ومن الخلف تصيح امه عليه متوعده إياه بعقاب شديد بسبب التوجه دون إذن للشاطئ

واسمع خلف ظهري اقدام صغيرة خفيفة تهرول بسرعة مطلقة ضحكة خفيفة وصراخ المداعبة وإذا بطفلة تجري من والدها الذي يجري خلفها ويحمل اخوها الصغير ويهددها بعدم المجئ الي الشاطي في الغد ما دامت لا تسمع الكلام

واقصي شمال الكورنيش يتسلل شاب في مقتبل العشرينات...تبدوا علي وجهه علامات القلق وعدم الارتياح....ملتفتا يمينا ويسارا ناظرا حوله...جذبني حاله وتابعته خلسة بفضول...فإذا به ينزوي معطيا ظهره لنا ناظرا الي الصخور التي في اقصي اليسار....ثم يلتفت الينا مرة اخري وتبدو علي وجهه علامات الارتياح وهو ممسكا بحزام سرواله يشده علي وسطه ويحكم غلقه ويهندم ملابسه ويعود الي اصدقائه مرة اخري...مخلفا بقعة كبيرة من الماء كريه الرائحة علي الصخرة التي كان في مواجهتها

ولا يختلف حال من هم فوق صفحة الماء الجميل

مراكب الصيادين الصغيرة وعليها اصحابها تشتكي ايديهم تعب التجديف...وتأبي اعينهم الا ان تشارك الناس فرحتها وبهجتها

ويطغي علي تعبه فرحته برزق الله الكريم له من السمك الذي يتلاعب في الطاولات المخصصه لحفظه

ويقترب اخر من الشاطي يعرض بضاعته علي رواد الشاطي ويجملها ويتعالي صوت البيع والشراء بين الصيادين والمشتريين

وتذهب النساء لتشتري اصناف الاسماك الطازجة ويدفع الرجال المساكين دون اي مقاومة

اما تحت صفحة الماء الهادئة تقفز من حين لأخر احد الاسماك في رشاقة ودلال وكانها تنبه الجميع بان تحت الماء احتفالا اخر وبهجة اخري......وتقفز اخري وسط صراخ الاطفال الذين يفاجأهم المنظر فيصرخون منبهين بعضهم حالفين بأغلظ الايمان علي أنهم شاهدوا السمكة تقفز خارج الماء...وياتي من فاته المنظر متحسرا ناظرا الي الماء محدقا فيه لعله يفوز بهذا المنظر الذي لا يصدقه عقله الصغير

وكأن السمكة تشعر به وتأبي ان يمشي الطفل الا وقد شاهدها

فتخرج له قافزة برشاقة وبخفة ويصرخ الطفل مصفقاً علي فوزه بهذا المنظر الممتع

واجدني ابتسم معهم واضحك في نفسي...متمنيا العودة الي عالمهم والجري واللعب والقاء الاحجار في الماء....

ويمر الوقت دون اي ملل...وما زالت الحياة تدب علي الكورنيش وعلي شاطئ

ما أجمل التأمل في نعم الله عز وجل

وما أجمل البحر الذي يسلب الجالس امامه وكأنه مخلوق ذو قلب ينبض بحب من ينظر اليه

عجيب انت ايها البحر

ولكني احبك واحب الجلوس وحيدا علي شاطئك

انتهت

كلمتين وبس

الاجازة خلصت

مدونون مثليون ..بين قوسين....شواذ ولا مؤخذه

السلام عليكم ورحمة الله وبركاته

في البداية الموضوع دا عبارة عن

وثبة ذئب......خدوا بالكم عشان الحوار هيبقي قوي وعرض الموضوع هيبقي شديد في لهجته

وبعتزر للأخوات والاخوة اللي لسا عندهم حياء عن فتح الموضوع دا هنا...واحنا اتفقنا علي شعار المدونة النظيفة



شايفين عنوان البوست؟؟؟

طبعا الاسم حقير اوي ويقرف



صح؟؟


مش دي حاجة تقرف وحاجة مقززة؟؟


يعني انتم معايا إن الناس ديه محصلتش كلاب وقطط الشوارع


طيب ايه اللي حدفنا علي السيرة القذرة ديه وفتحنا موضوع زي دا ؟؟؟

عشان بكل بساطة الهوانم والبهوات فاتحين مدونات لنفسهم وبيشجعوا بعض


طبعا بيتكلموا عن الحرية وإزاي يمارسوا حياتهم بكل وضوح وعلاقتهم تظهر للنور

ها...اتفرستم والا لسا؟؟؟


لا وكمان اللي يحرق دمك كل واحد بيحكي قصة حبه مع نصه التاني


يعني مثلا لو راجل تلاقيه يقول حبيبي ولو بنت تقول حببتي


وتلاقيهم اتلموا علي بعض وجمعوا بعض وهات يا تشجيع في بعض...الطيور علي اشكالها تقع


والله انا مكنتش مصدق لما فتحت مدونة عن طريق لينك بعته ليا اخويا مهند وبياخد رأيي


وبدأت بقي اتفرج علي المهازل


قبل الكلام في اي حاجة خلينا نتفق إن الناس ديه مرضي ومحتاجين لعلاج


علاج نفسي بقي علاج بدني علاج بالاعشاب كي بالنار دي مش مشكلتنا


مشكلتنا في ايه اللي خلاهم يظهروا كدا مرة واحدة ويعترفوا بإنهم شواذ؟؟؟


من الدراسات النفسية ولو في حد هنا مختص او يعرف في علم النفس ممكن يفدنا في الموضوع دا


الدرسات بتقول إن الناس ديه وصلت لمرحلة عدم الاحساس بأي إهانة


اصله خلاص...وصل لقمة القذارة ممكن يستحمل اي إهانة بدون ما تسببله اي الم نفسي او جرح


يعني موضوع زي دا لو قراءه مش هيأثر فيه حاجة ولا هيضيف ولا هينقص


من بعض مواضيعهم واحد بيقول انه كان حاسس بالذنب ومش عارف يوفق بين دينه وميوله


وكان معذب نفسه اوي ومحير نفسه


بس بعد ما عمل اللي هو عاوزه استريح نفسيا وهيستمر في اللي هو فيه


طيب نكلمهم في الدين وفي حرام وفي حلال وازي كانت نهاية قوم لوط وايه هو عقاب اللي يعمل كدا


دي بعض الاحاديث الصحيحة التي جاءت في هذه الفعلة الشنيعة


ابن عباس روى عن النبي صَلَّى اللَّهُ عَلَيْهِ وَسَلَّمَ : ( من وجدتموه يعمل عمل قوم لوط فاقتلوا الفاعل والمفعول به ) رواه أهل السنن وصححه ابن حبان وغيره ، واحتج الإمام أحمد بهذا الحديث وإسناده على شرط البخاري




وقد ثبت عن خالد بن الوليد أنه وجد في بعض نواحي العرب رجلا ينكح كما تنكح المرأة ، فكتب إلى أبي بكر الصديق رضي الله عنه ، فاستشار أبو بكر الصديق الصحابة رضي الله عنهم ، فكان على بن أبي طالب أشدهم قولا فيه ، فقال : ما فعل هذا إلا أمة من الأمم واحدة وقد علمتم ما فعل الله بها . أرى أن يحرق بالنار ، فكتب أبو بكر إلى خالد فحرقه .
وقال عبد الله بن عباس : ينظر أعلى ما في القرية فيرمى اللوطي منها منكسا ثم يتبع بالحجارة .

عَنِ ابْنِ عَبَّاسٍ رضي الله عنهما أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ : ( لَعَنَ اللَّهُ مَنْ عَمِلَ عَمَلَ قَوْمِ لُوطٍ ، لَعَنَ اللَّهُ مَنْ عَمِلَ عَمَلَ قَوْمِ لُوطٍ ، ثَلاثًا ) وحسنه شعيب الأرنؤوط في تحقيق المسند .

دا بعض من قول الدين بتعنا فيهم يا جماعة

يمكن النصوص ديه مش مهمة بالنسبله اد ما هي مهمة لمن يقف مساندا لهم ومدافعا عنهم متشدقاً بسماحة الدين

معرفش بقي الدين المسيحي قال ايه في الوضع دا عشان في واحد اسمه جورج رافع لواء الشواذ كان داخل يتكلم في الدين....يعني شاذ ومش مسلم وبيتكلم في الدين....ماعلينا...كفاية انه متنيل علي عينه وبيعمل اللي بيعمله...هشتم في ايه بس

خلوا بالكم...محدش قال اننا نصاحبهم...ولا نقف جنبهم ولا حتي ننصحهم....كل النصوص جت ببترهم من المجتمع

واللي يتعرف انه بيعمل كدا عقابه يكون كدا

ها...اقتنعتم والا لسا؟؟؟

لسا بتقولوا حرام...والدين سماحة والاسلام مش كدا وهتكره الناس في الدين يا محمد ....

ولازم نقف جنبهم وندعوهم بالموعظة الحسنة

زي كدا اسلوب تحقيق السلام العادل والشامل في المنطقة

طيب تعاولوا نتكلم كمان ويا تقنعني يا اقنعك

و ناخد بعض من كلام الناس ديه ونشوف دماغهم...وهل ممكن فيهم إصلاح والا لا

دا جزء من واحد معرفش ملته ايه بس طبعا فخور انه شاذ

((مازلنا نعيش فى مجتمع منغلق يهيم فى الميثيولوجيا ويلصقها بالدين ،يحرم الحلال،ويحل المحرمات...يعبث بمقدرات ألآخرين متخذآ أشياء غريبه سندآ له ولعبثه،مره باسم الدين وما جاء فى إصحاحاته أو سوره ومره بإسم ألأخلاق والفضيله والحقيقه أنها مقحمات لتدعيم وجهة نظره وصحة أفكاره))

واحدة تانية بتقول...

الناس اللي ممكن يكونواحد فيهم سمع ان المثلين لازم نقتلهم مع أن مفيش حاجة في القرإن بتقول كده زي برضة لما الناس بتسمع ان الزنا عقابة الرجم مع أن القران قال حاجة تانية خالص في سورة النور لكن إحنا عايشين على الدين السماعي و مالناش دعوة نقرا ليه؟ و لو قرأنا نفهم ليه؟ ليه وجع الدماغ؟

طبعا واضح إن معلومتها عن الدين زي معلوماتي عن طبيعة المناخ ونسبة المنجنيز علي كوكب اورانوس

وكملت كلمها وقالت :
انا شخصيا اشك ان الموضوع يكون له علاقة بالدين أصلا يعني عدم تقبل الجتمع لفكرة وجود إمرأة مثلية سببة عنصري سببه أن مجتمع ذكوري لن يسمح لإمراة ان تستغنى عن الفحولة دي كلها و الرجولة المرطرطة و مغرقة مصر (عفوا بس أنا بتريق و بسخر هنا) إزاي تترك إمراة كل هذا و تدور على إمراة اخرى او تحب إمراة أخرى
يعني السبب عنصرية و غيرة

قصدها إن احنا بنغير منهم عشان هما مثليين...استنوا لسا في كلام تاني

عشان مكنش سبب في نشر الفساد والرذيلة مكنتش عاوز أحط لينكات ولا هزكر اسامي الناس ديه

بس يمكن محدش يصدقني لما يقرأ الجزء اللي جاي دا...عشان كدا انا ضفته مع لينك الموضوع واللي عاوز يتفرج علي المهزلة يدخل الموضوع

يقول احد الشواذ:

الدين يلعب دور كبير فى كراهيه الانسان لجسده وتراجعه فى الحياه ونظرته الدايمه الى الموت والاخره الدين فى بلادنا يسلب الانسان بهجه الحياه فترى معظم المنقبات او الملتحيين تعلوهم كابه على وجوههم هذه الحرمان الذى يتعرض له الشخص المتدين يجعله يعمل فيما يعرف فى علم النفس بالاسقاط وهو محاربه كل من يراه امامه محب للحياهفمثلا ترى الشيوخ يحرمون الموسيقىويحرمون الغناءويحرمون نقريبا كل شىءوهذا لانه فى داخلهم يعانون من الحرمان وينتهجون المنهج الاسقاطى الذى اشرت اليه سابقا لكى يفسدوا حياه الاخرين فببساطه

الدين هوكراهيه الحياه +التفكير فى الموت والاخره =دين

ها؟؟؟لسا عاوزين تقفوا جنبهم تاني وبتقولوا نساعدهم؟؟؟

علي فكرة دي عينات بسيطة كدا وما خفي كان اعظم

وانت يا ابو حميد مالك بيهم؟؟بتدخل عندهم ليه....هما احرار يعملوا اللي هما عاوزينه

بصوا يا جمعة لو فتحنا كلمة حرية كدا وسبناها الدنيا هتبقي مردغة

يعني اي حد هيعمل اي حاجة في اي وقت وأي مكان

والاخوة الكرام اللي بيقولوا حرية عاوز اقولهم حاجة بسيطة اوي

عندنا كمسلمين....كمسلميييييييييين والله... موحدين بالله في حاجة اسمها الامر بالمعروف والنهي عن المنكر

حد فاكر الامر بالمعروف والنهي عن المنكر؟؟؟

لو حد بقي لسا فاكر يبقي اكيد مفيش حاجة منكرة زي الشذوذ الجنسي

والدليل في قول الله تعالي

أَإِنَّكُمْ لَتَأْتُونَ الرِّجَالَ وَتَقْطَعُونَ السَّبِيلَ وَتَأْتُونَ فِي نَادِيكُمُ الْمُنْكَرَ فَمَا كَانَ جَوَابَ قَوْمِهِ إِلا أَنْ قَالُوا ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ

لسا حد بيقاوح وبيقول حرية ؟؟

ناس بتجهر بالفاحشة وتفخر بها...ومش اي فاحشة...دا شذوذ

اقسم بالله انا مكسوف من نفسي وانا بتكلم وبقول الكلمة ديه

ومش عارف الموضوع دا هيتناقش ازاي وفي ناس معانا حيائها يمنعها من قرائة الموضوع لمجرد اسمه

ولله الحمد الخير لسا موجود...والحياء لسا موجود

وبقول لأي اخت (وبخص الاخوات الفضليات لشدة حيائهن) اعزروني علي طرح هذا الموضع

لازم يتناقش عشان بدأ يظهر وبدأوا يتجرأوا وصوتهم يعلي

نسيوا نفسهم واستخبوا تحت كلمة حرية.....غطاء منسوج من خيوط العنكبوت

مش هيفيدكم بحاجة....انتم لا زلتم وسوف تكونوا احقر الناس

والمصيبة التانية في مساندة ضعاف النفوس ليكم

تلاقي واحدة او واحد داخل يقول استمر يا فلان وملكش دعوة ....وتلاقيه متحمس اوي ليهم

وزي ما يكون منتخب مصر بيلاعب تونس وهو قاعد بيشجع مصر

طيب انت ربنا كرمك ونظفك من الرذيلة ومش زيهم...داخل تشجع فيهم وتساندهم ليه؟؟

قولولي انتم يا جماعة دا موقفه ايه؟؟

والا هو كان نفسه والظروف مسمحتش؟؟

في الاخر عاوز اقول للناس اللي قلتلي افترض ان ليك اخ او اخت او ابن او ابنة كدا هتعمل ايه؟؟

طبعا اللي قال كدا احد الشواذ عندما كنت اوبخه

هرد عليه وهقوله البيئة والاسرة والدين اللي اهلينا ربونا عليهم وإن شاء الله احنا هنربي اولادنا عليهم هيمنعوا القذارة ديه

لو بصيتوا في مجتمعكم وتربيتكم هتلاقوا الخلل واضح

واهم سبب في الخلل دا هو ان مفيش دين...دا طبعا الملاحظ في كل حوارتكم

غير بقي التربية والعادات والتقاليد...وانت فتحت عنيك لقيت اهلك بيعملوا ايه..وبلاش ازود..فكل لبيب بالاشارة يفهم

اقعد كدا مع نفسك وشوف انت بقيت كدا ازي؟؟؟

مش صدفة ولا حاجة....

الحمد لله الذي عافانا مما ابتلاكم به وفضلنا عليكم وعلي كثير ممن خلق تفضيلا

للمرة التالتة بعتزر علي طرح موضوع مثل هذا في مدونة كل ضيوفها من الاشخاص المحترمين

ويارتني ما عرفت اكتب تاني

السلام عليكم ورحمة الله وبركاته

في الاول وقبل كل شئ احب اشكر كل الناس اللي سألوا عليا

بجد اللي كان مزعلني في الحكاية هو بعدي عنكم

جزاكم الله خيرا جميعا

نيجي بقي ونتكلم زي زمان

عارفين انا مكنتش عارف اكتب ليه...القلم منكسرش ولا حجة...ولا مدونتي كانت زعلانة مني

طلع بقي ان اللي كان بيخليني اكتب هو

إني اتجول في الحياة الملكية بكل ما فيها من فواجع (والملكية هي

شئ بعيد عن الجيش)

يعني الكلام يتلخص في المثل الجميل

اللي بيقول: كان في جره وطلع لبره

لأول مرة اعرف إن أنا في رحمة ونعمة بقالي 3 شهور

أصحي بدري...أنام بدري ...أكل في مواعيد...محافظ علي لايقتي

يوم منظم جدا بصرف النظر بقي عن التعب والبهدلة والاصطباحة اللي زي الطين بوش الصول مصطفي

...ما علينا

بس لما نزلت الاجازة اللي كنت بحلم بيها وبتمناها والراحة والاكل والخروج والانتخة

عرفت حجات كتيرة كانت غايبة عني وظهرت

أولها إني كنت عايش في حاجة كدا زي النقاء الفكري

معرفش حاجة عن اللي بتحصل خارج سور الكلية....بمعني أقرب مفيش موضوع يستفز الواحد ويخليه يمسك ورقة وقلم ويكتب...

ودا اللي حصلي لما رجعت...فتحت الصفحة وأدور علي حاجة أكتبها...مفيش

أصلي مكنتش هنا...ومعرفش حاجة

طب دا انا كنت زمان مش برحم ونازل زن ورغي في الفاضي والمليان

دلوقتي بقيت أبيض...دي بقي حاجة وحشة والا حلوة؟؟

اعتقد بعد اللي شفته انها حاجة حلوة مش وحشة

الاجازة طويلة...ولازم بقي كدا أخرج وأشوف الدنيا

أهو حتة بقي أشوف الدنيا ديه حط أيدك عليها يا محترم ومتشلهاش.

هي ديه اللي كانت تايهة مني ومفتاح السر

نزلت يا خويا أشوف الناس والدنيا

والبداية كانت بأفراح صحابي وبعض المعارف...ربنا يزيد ويبارك...ماشاء الله أفراح كتيرة

مع أني مش بحب أروح أفراح وبقف بعيد عن الدوشة وال(مسخرة) معلش أستحملوا الفاظي الناهرده

قبل ماندخل في الموضوع عاوز اقولكم حاجة او افكركم بيها

يا جماعة أنا مش واحد بيتصيد الاخطاء للناس وبيجي يتكلم فيها

أقسم بالله انا لست كذلك ابدا

ربنا اللي يعلم اني بعد اللي شفته دا واللي سمعته بقيت عاوز أعمل اي حاجة

وعاوز الناس كلها تتكلم والمصايب اللي بتحصل ديه لازم ليها من وقفة

ولازم احنا نتناقش فيها ونتكلم فيها هنا...

امال انا متنيل وعامل البلوج دا ليه؟؟

اكيد مش عشان اعيط وانا مسافر واقضيها سلامات ...لا...

عاوزين نبقي موضوعيين شوية والوقت اللي علي النت دا مهما كان يزود عندنا حاجة...

مش وقت بينقص من عمرنا وخلاص وهنتسأل عنه يوم الحساب

.
.

هنتكلم بقي عن ليلة العمر او الفرح

يعني ايه ليلة العمر ؟؟

يعني البنت تتخلي عن حيائها وعن تدينها ومبادئها وعن حجبها...وعن الادب....وعن ملابسها كمان

ايه الداخلة الغريبة ديه يا ابو حميد؟؟

دا اغلب ما رأيته

هو يا جماعة القلم بيرفع في الافراح وعلي الشواطئ ...يعني ربنا عز وجل مش بيحاسب الناس في الافراح وعلي البلاجات؟؟

والا الملائكة بتقول خلوا الناس تفرح وبلاش تكتبوا عليها سيئات؟؟؟

أصل لازم حد يفهمني

واحدة محترمة مؤدبة الناس كلها بتضرب بيها المثل في الاحترام..

تيجي يوم فرحها حاجة تانية خالص

إن صح التعبير ومحدش يزعل مني بتبقي رقاصة

معلش يا محمد ...انت كدا دخلت في الغلط

لو سمحت التزم بالادب عيب كدا

لا مش عيب

انا برضو اللي التزم بالادب؟؟

جتجوا نيلة وانتوا تعرفوا ايه عن الادب يا شوية بلاليص (انا بتخيل اللي بيعارضني وموافقين علي المهازل اللي بتحصل)...اما كلمة بلاليص فهي شتيمة من النوع الميري التي لا يعاقب عليها القانون..

.عشان بس نعرف اللي لينا واللي علينا وخلينا في موضوعنا

واحدة تخلت عن كل حيائها ومعظم ملابسها وعاملة زي عروسة المولد

ونازلة رقص بكل ما تملك من قوة ومهارة ( والسؤال...هما بيتعلموا الرقص دا كله فين؟؟؟)... والثور اللي اتجوزها او خطيبها واقف يسقف ويرقص هو كمان

...ماشاء الله...متفقين

وكأن المعازيم كلهم محارم...يعني كلهم اخوتها في الرضاعة

....وكأن صحابه مسموح ليهم انهم يشوفوا عروسته وهي في كامل تألقها

ومفيش مانع أن أي حد يجي يرقص شوية معاها

...اهو من نفسه...مش ليلة العمر

وتتساقط أقنعة الحياء من علي وجوه الجميع

ومش بس كدا...دا في دليل ابدي علي هذه الفاجعة

الا وهو شريط الفيديو والمصور الماهر الذي لا يترك اي شئ الا وسجله في حافظة شريطه

ويتعمل من الشريط 48100 نسخة عشان الاهل والصحاب وبرنامج البيت بيتك

وعشان اللي ميشتري يتفرج

ودي قصة واقعية حدثت في احد حفلات الخطوبة ...بقول الخطووووووووبة

...يصيح الارجوز او الميك مان بتاع اللاختراع اللعين المسمي بالدي جي علي الجميع بالصمت

..ويهدد انه لن يكمل حفلته الا بعد ان يقبّل العريس شلبي العروسة شفيقة

فتسمرت في مكاني وتخيلت أبو العروسة وأخواتها اللي عاملين زي مواسير الصرف الصحي الضخمة انهم سوف يهرولون ويضربون الميك مان علي وقاحته

...فهي حفلة خطوبة ....كيف للعريس ان يقبل ابنتهم؟

دا حتي لو كتب كتاب فين الحياء بس؟؟

...دا الدم هيبقفي للركب يا جدعان...والحمد لله المسخرة هتنتهي

والدي جي هيتكسر وإذا بالاهل (اهل العروسة طبعا ) يقومون كرجل واحد

....علي صيحة رجل واحد

قائلين بأعلي أصواتهم:

بوسها....بوسها....بوسها

ويتعالي صراخ كل المدعوين قالئلين

....بوسها ...بوسها ...بوسها

وتدمع عيون الجميع للموقف المؤثر

والواد يبوس...قشطة...مدام العيلة ايزي يبقي بوس يا عزيزي
طبعا انا مشيت لحسن ينادي علي المعازيم واحد واحد ويحلف انه مش هيكمل الحفلة غير لما كل الناس تبوس

و قلت اروح ابوس ايد امي وابويا علي انهم جبولي احمد اخويا اللي دخلني الجيش وبعدني عن الكلام دا

سؤال للشباب الذي الورد اللي بيطلعلهم شنبات تحت مناخيرهم

شعورك ايه لما الانسانة اللي المفروض انها هتشيل امانة بيتك وتربية اولاد وهتغرس فيهم قيم واخلاق بتعمل كدا

انت احساسك ايه وهي في الوضع دا؟؟؟

هل انت فرحان ومبسوط وفخور بين صحابك واهلك وجيرانك والمجمتع والناس؟

إن كنت كذلك فأبشر...قد فزت معنا بالقرن الذهبي وخلعنا عليك لقب خروووووووووف كبيييييير
والا هتفكر الف مرة وهتتخيل نفسك كدا وانت واقف جنبها والدم هيجري في عروقك وهتغير زي الرجالة وهتقول ...لا...الانسانة ديه متنفعنيش انا عاوز واحدة محترمة ..متدينة...تعرف تصون بيتي وتربي اولادي

والمصيبة ان اول شرط للبنت او للولد في مواصقات شرك حياته انه يكون متدين

......

دا حصل معايا شخصياً عند تقدمي لخطوبة بنت رشحتها الي خالتي الغالية بعد ان ُأعجِبت خالتي بكلام البنت وامنياتها في إيجاد شاب متدين

دا إن انا قلت عن نفسي اني متدين

وضحكت علي نفسي وضحكت عليكم عشان محدش ياخد فيا مقلب ويصدق خالتي

البنت عاوزة شاب متدين

ماشاء الله ربنا يكرمها يارب....بس انا ليا شروط

عارفين شروطها ايه؟؟

مش هتلبس نقاب ولا حتي إسدال وهتخرج بكامل زينتها وكمان مش عاوزة فرح إسلامي ومش بيعجبها اللحية ولا الثوب الابيض القصير وطبعاً مفيش مانع من سماع الاغاني والمصيف يكون في شرم الشيخ...

بس تصدقوا نسيت أسالها في موضوع المايوه البيكيني....عاوزاه لونه ايه؟؟؟؟؟؟؟

والاسم ....عاوزة شاب عنده دين...يمكن يكون قصدها عنده تين؟؟

في تين برشومي وفي تين شوكي...هي اكيد كانت تقصد احد النوعين

........................

ماعلينا نرجع لموضوع الافراح والليالي الملاح

طب الحل ايه يا جماعة؟

ليه منفرحش زي ما ربنا امرنا ونتبع سنة الرسول صلي الله عليه وسلم

يا جماعة في حاجة اسمها افراح اسلامية جميلة جدا

وفيها فرحة جميلة

النساء والبنات بيكونوا مع بعض ويفرحوا بدون اي مشاكل...في حدود طبعاً

والرجال يكونوا مع بعض وبرضو يفرحوا في حدود

ويكون في احترام ووقار وادب..

العقد بيكون في اي مسجد والفرح بيكون برضو في اي صالة مخصصة للغرض دا

انا حضرت افرح كتير في قعات افرح كبيرة (عشان محدش يقول العريس بخيل او مش لاقي ياكل) والقاعات فيها جزء مخصص للنساء والبنات

هي ديه الافراح اللي انا اعرفها....مش الملاهي اليليلة .....

ايه الفرق بين الافراح اياها والملاهي الليلية؟

اهو شوية ناس سكرانة بترقص (المعازيم) وراقصة في الوسط (العروسة) وطبال (العريس) والا في خلاف وحد مش موافق؟؟

واحد هيطلع يقولي لو مش عاجبك الافراح التانية مترحش...

انت مالك...كل واحد حر يعمل اللي هو عاوزه....وانت مدام بتقول ان دا غلط بتتفرج عليه ليه.....؟؟

هقولك والله انا لو اعرف ان الموضوع كدا مكنتش فكرت اني اروح ...

دا انا عمري ما دخلت كابريهات في حياتي حتي ايام ما كنت بايظ

مش مهم انا قلت الكلمتين اللي عندي ومش مشكلة ان دم اي حد يتحرق..

.وكلها ايام وهرجع المعتقل تاني وابعد عن القرف دا

وحمد الله علي السلامة يا ابو حميد نورت بيتك ومطرحك والمدونة بتاعتك

وميهمكش من الناس اللي هتطلع تشتم فيك ..هتكون يعني ارذل من الحر والشمس والصول مصطفي؟؟

انتظروا الموضوع القادم......بعنوان

توب علينا يارب من الصيف وبلاويه واللي بيجرا فيه

....

حاجة تقرف

وانكسر سن القلم

السلام عليكم

فتحت الصفحة وأنا اشتاق للكتابة وأشتهي فتح الف موضوع للنقاش

ولكن.....

إنكسر سن القلم

تاهت الاحرف من علي لساني

وأصبحت امحي الكلمة قبل أن أكتبها

حتي مدونتي....تلفظ ما أكتبه فيها ولا تقبله

كانت حبيبة الي قلبي....كنت اشتاق اليها وانا بعيدا عنها

فيها لا أكذب ولا اتجمل.....

كلما أردت ان أبوح بشئ اميل اليها وأكتب

ولكني أرها الأن تشيح بوجهها عني وتأبي سماعي

هل تعاقبني علي بعدي عنها وهي تعرف انه ليس بيدي؟؟

أم هل وجدت نفسها غير ذات قيمة وفضلت الرحيل في صمت؟؟

فليكن ذلك...ولو بشكل مؤقت

حتي تعود الي مدونتي ويلتئم كسر قلمي

اعتزر للجميع عن التوقف عن الكتابة لفترة لا يعلمها الا الله

ولكن بإذن الله سوف أكون ضيفا علي مدوناتكم قارئ لمواضيعكم في صمت

.
.
.

دون ترك توقعي :

الراقص مع الذئاب

يوميات نصاب-3

السلام عليكم

ازيكم يا جماعة ....وحشتوني كلكم

من زمااااااااااان اوي قبل ما اروح الجهادية كنا عملنا حلقات وسلاسل

طبعا انتم نسيتوا

من غير طول كلام كان سلسلة ليها هدف معين

السلسلة الاولي كان اسمها ضد التيار وكنا بنتكلم فيها عن موضة المدونات القذرة بكل انواعها وطبعاً اختلفنا كتير مع الناس في طريقة عرض المواضيع بس الحمد لله اتفقنا كلنا علي رفضنا لهذه الانواع من المدونات

والحمد لله الناس فكرت في حجات كتيرة جدا وواجهت الموضوع دا بإيجابية اكتر واسلوب احسن

وبرضوا كنا اتكلمنا في سلسلة اسمها هو في ايه....للأسف في ناس افتكرت اني بنتقد فيها الشعب المصري واسلوبه ...بس الهدف كان غير كدا خالص يا جماعة

وإن شاء الله في القريب هنكمل سلسلة هو في ايه بمواضيع جديدة ونتعرض لسلبية جديدة في المجتمع...هنعترف بيها كلنا ونحاول اننا علي الاقل نشيلها مننا

وكانت اخر السلاسل هي يوميات نصاب

وديه كانت حاجة ساخرة بتتكلم عن اهم مشكلة احما كشباب عايشين فيها

مشكلة البطالة والبحث عن عمل

اخترعنا شخصية زي شخصية المستثمر الصغير بتنصح الشباب بعمل مشاريع نصب ظريفة

ممكن نضحك عليها....و للأسف الافكار ديه مقتبسة من الواقع...بس بتكون علي كبير

ممكن يكون بطلها شخص..او مجموعة اشخاص..او شركة....او حزب....او وزارة...او حكومة...او بلد بحلها

ممكن تكون في مصر...وممكن كمان تكون في اي بلد

المهم انها موجودة بالفعل...مش بنفس السيناريو والحوار

بس نفس الفكرة

معلش طولت عليكم...بس يمكن الناس تكون نسيت اللي كان بيتكتب زمان وانشغلنا بسالمات علي بعض

بس بعد تجربة الجيش اللي لسا في اولها اتنبهت لحجات كتير اوي...واتعلمت اكمل اي حاجة بدأتها ...وبإذن الله لازم تنتهي

واخترت الناهرده اني اكتب حلقة جديدة من حلقات يوميات نصاب....

تعالوا مع بعض نشوف فكرة الناهرده ايه....ونشوف مهارة الشعب المصري في سد الثغرات

--------------------------
سيادتك هتعمل جمعية خيرية.....انا عارف انك هتستغرب....وهتقولي انك محتاج فلوس مش محتاج تعمل جمعيات خيرية ولا الكلام الفاضي دا
بس اسمعني للاخر...أنت هتنظم جمعية خيرية بينك وبين نفسك وهتخططلها كويس اوي وتعرف الحجات ديه تتكلم فيها ازاي...

عشان فكرة الناهرده هتعتمد علي مظهر حضرتك وطريقتك في الاقناع
سيادتك هتختار اسم للجمعية....

سميها اي اسم وليكن مثلا(( جمعية اصدقاء الفيل)) يعني اي حاجة من الكلام دا انت وشطارتك بقي

في اختيار الاسم اللي يشد الناس ويخليهم يعيطوا
هتطلع علي اي مطبعة وتخليه يعملك 3 دفاتر من بتوع التزاكر ديه...

اكيد كلكم عارفينها...وتخليه يعملك الدفاتر كل دفتر بلون مختلف.....

زي التزاكر بتاعت الاستاد كدا كل درجة بلون محتلف....

وهتخليه يكتبلك علي التزاكر ديه اسم الجمعية ويحطلك عليها ارقام كتير كدا (قال يعني ان الجمعية متسجلة ومشهرة رسميا)
وسيادتك هتكتب رقم تليفون جوز خالتك اللي انت بتكرهه علي التزاكر ديه عشان كل ما بتروح عنده بيطردك
بعد يا سيدي ما تخلص مشوار المطبعة هتطلع سيادتك علي المصالح الحكومية ....

وهتلبس الطقم الكلاسيك بتاع الافراح وهتشتري علبة جيل عشان تسرح شعرك.

...وهتكون عامل كرنيه كدا شكله حلو وعليه صورتك وأنت لابس الكرفات ومعلقه بدبوس ذهبي علي القميص..

وهيكون مكتوب عليه اسم جوز خالتك اللي انت بتكره...

يعني هتكون من الاخر شب محترم وشيك ونظيف ومنتحل اسم جوز خالتك

.....وهتبدأ تتكلم مع المواظفين اللي في المصالح الحكومية وتقولهم أحنا جماعة خيرية عشان كذا وكذا وكذا

...وركز علي الستات ملكش دعوة بالرجالة عشان الستات قلبها رهيف وبتعيط بسرعة...

وتبدأ تلم التبرعات وكل واحد يتبرع تبدأ تكتبله وصل ...(قال يعني انك ما بتخدش حاجة في جيبك وكل حاجة بتتسجل عن طريق الوصلات)..
اي حاجة حد هيتبرع بيها تخدها وأنت مبتسم....

وسعتها الناس هتستريحلك اوي وهتحبك وهتلم قرشين حلوين
في ناس مؤذية وبتحفر كتير ورا الموضيع ديه...

هتلاقيه ماسك الوصل دا وعمال يجيبه يمين وشمال وهيلفت نظره رقم التلفون اللي عليه...

هيتصل بالرقم وجوز خالتك هيرد عليه

وطبعا انت عارف إن جوز خالتك بيخانق في دبان وشه وهيعمل مشكله مع الراجل الرخم اللي اتصل

وهيشتموا بعض والراجل الرخم هيقوله يا نصاب يا حرامي

وسعتها يبقي انت خلصت تارك من الاتنين...جوز خالتك والراجل الرخم اللي كان بيشك فيك وتعيش انت حياتك بالقرشين بتوع تبرعات الناس ذوي القلوب الرحيمة

ولو ضميرك فاق ونأح عليك ابقي اتبرع بجزء منهم لمستشفي 57357 او طلع منهم 10 جنيه رحمة ونور علي روح ام جوز خالتك اللي ماتت مخنوقة بالسكينة ....وبكدا مش هتحس بالذنب

والمرة اللي جاية هرجعلك بفكرة حلوة عشان لما القرشين اللي معاك يخلصوا تعرف تظبط نفسك

-------------------------------