Translate

الثلاثاء، 6 أكتوبر 2009

لا تحسبوه شراً لكم...

السلام عليكم ورحمة الله وبركاته


طبعاً موضوع الساعة دلوقتي هو موضوع شيخ المنصر المدعوا طنطاوي


زاده الله قبحاً وانزل قدره بين الخلائق


ويكفيه انا يعيش الان في سوء خاتمة...نسأل الله ان يغفر لنا ويرزقنا حسن الخاتمه


انا بس عاوز اضيف تعليق بعض من (احباءه) سيئ به اوكيه كما احب ان اسميه علي طريقة الشيح وجدي غنيم


احباءه قالوا الآتي :


"كان لافتا مسارعة عدد من نشطاء حقوق الإنسان" الأقباط" إلى تأييد قرار شيخ الأزهر بعزمه منع ارتداء النقاب داخل المعاهد الأزهرية، واعتبروه" بطلا" ليبراليا يجب أن يحتذي به من جانب "المتشددين" بالمؤسسة الدينية، على حد تعبيرهم.

وعلق نجيب جبرائيل مستشار الكنيسة ورئيس منظمة الاتحاد المصري لحقوق الإنسان،

قائلا: آن الأوان أن يحتذي كثير من علماء الأزهر بالعالم الجليل محمد سيد طنطاوي على اجتهاده في صحيح الدين، وأضاف: هكذا تعودنا على جرأة شيخ الأزهر وإظهاره الحقائق، مشددا على أن حق الإنسان في أن يرى من يكلمه ويدرس له داخل المؤسسة التعليمية.


في حين قال ممدوح نخلة رئيس مركز الكلمة لحقوق الإنسان: ليس لدينا كلام في الناحية الدينية أكثر مما قاله العالم الجليل شيخ الأزهر، وضرب مثلا بتركيا وهي دولة إسلامية قال إنه النقاب لا ينتشر فيها ومعظم الدول العربية نفس الشيء ما عدا مصر والسعودية، حيث تنتشر "عادة النقاب"، مضيفا: نحن مع حرية الشخص دون أن يضر بالآخرين وأن المرأة ليست عبارة عن جسد.


من جهته، قال هاني الجزيري رئيس مركز المليون لحقوق الإنسان إن حق الإنسان فيما يفعله هي حقيقة ونحن معه كمنظمات حقوقية فيما لا يضر أحد، وإن النقاب داخل المؤسسة التعليمية له مشاكل كثيرة ونسمع كثيرا عن حوادث باسم النقاب، وأكد أن قرار شيخ الأزهر له مغذى ومعنى وهو السير في طريق الدولة المدنية، بالإضافة إلى كونه قرارا صادر من أعلى مؤسسة دينية.


دوله الناس اللي بتحب البطل بتاعنا الناهرده ,,,



انا مش عاوز اتكلم ولا اعلق علي اي حاجة....لأني بجد فرحت ان موقف زي دا حصل

فرحت انه ذل نفسه بنفسه....والبنت طالبة الاعدادي العفيفة ما زادها هذا الي عفة وطهارة وعلو شأنها بين المسلمين هي ووالديها غفر الله لهم جميعاً وثبتهم...علي الرغم من التهديدات اللي هما عايشين فيها من قبل الكلاب العاوية كما تعلمون


كل اللي عاوز اقوله ان ابلغ رد ممكن يتقال في عالم التدوين كان من الاستاذة ماجدة المعدواي جزاها الله خيراً


علي فكرة ...اول مدونة افتحها بعد الموضوع دا عشان اشوف رد فعل المدونين كانت مدونة الاستاذة ماجدة المعداوي

وبجد ردت رد علي طنطاوي لا يستطيع ان يقوم به اعتي الرجال واشدهم صلابة وقوة.

ردت بالفعل لا بالقول كما تعودنا علي صفحات المدونات..... ورزقها الله نعمة النقاب حتي تنضم الي زمرة الدرر والجواهر السوداء


ودا كان من الاسباب اللي فرحتي في موقف حبيب النصاري خاذل المسلمين....




الدبووووووووووووووووووووس


بكره تقعد جنب فاروق حسني يا طنطاوي ونقولك زي ما قولناله في الدبوس اللي فات....




الخميس، 1 أكتوبر 2009

هذا ما تعلمته من منظومة القوات المسلحة

السلام عليكم ورحمة الله وبركاته
اليوم ولله الحمد انتهت رسمياً فترة تجنيدي في القوات المسلحة كضابط احتياط
وبنظرية النظر الي نصف الكوب الممتلئ فقط تعلمت كثيراً واضافت هذه الفترة القاسية الي قدراتي العمليه والبدنية والعقلية والنفسية سنوات وخبرات اضعاف ما قد اجده بالخارج
لم اندم قط علي ضياع هذه السنوات بيعيداً كل البعد عن مجال دراستي ومجال عملي في الهندسة الكهربية وضعف الحصول علي فرصة العمل ...ولكن الله عز وجل لا يظلم أحداً وتكفل برزق ما خلق....فعلي الله توكلنا
واليكم خلاصة سنوات من العمل في منظومة في ظاهرها النجاح وقد يتخللها الفساد في اجزاء من داخلها....ولكنها لا تسقط ابداً
ملحوظة....قد لا يوافقني الكثير من الاخوة في بعض النقاط....ولكن عند التجارب العملية سيجد ان ما كتبته هو الصحيح
* قمة النجاح ان تقتنع بانك انجح إنسان في الدنيا حتي لو كنت غارق في الفشل
* الجمال والنجاح والمكسب والخسارة....وكذلك الفشل...اشياء نسبية
* كلما ارتفع صوت حنجرتك واحمرت عينيك وكشرت عن انيابك كلما ازدت نجاح في عملك واكتسبت مهارات القائد...هذا فقط في بلدنا مصر (عشان احنا شعب يخاف وميختشيش)
* في العمل فقط....لا تعترف بخطأك إذا واجهك به من هو اصغر منك....ولا تواجه من هو اكبر منك بأخطائه...
* انجح الاعمال واكثرها انتظاماً ودقة وانضابط هي الاعمال التي (لا) يخطوها النساء (مع الاعتزار للأخوات)
* إذا كنت من الاشخاص الذين وهبوا انفسهم للعمل وكنت اكثرهم اخلاص وتفاني وانضباط وعاتبك مديرك أو قائدك علي (تقصيرك) في عملك واهمالك اعترف بما يراه مديرك ....فهو دائماً علي صواب....لاتتعجب...فثمرة هذا الامر سوف تحصدها بعد فترة .
* الشخص الناجح في عمله هو من يحبه رؤسائه.....وييخافه مرؤسيه....او يكرهوه
* لماذا الرئيس الناجح في عمله دائماً يكره مرؤسيه؟؟ ببساطة لأنه يجبرهم علي العمل....علي العمل فقط....
* ان تتناسي اخطاء مرؤسيك بعد محاسبتهم وان تتزكر دائماً اخطاء رؤساءك دون التلويح بها امامهم...هذا ايضاً من اسرار النجاح في عملك
* لا تظهر لرئيسك في العمل انك شخص مجتهد....فهو يعرف ذلك...وانت ايضاً تعرف من المجتهد تحت قيادتك
* لا تجعل من فلان قدوة لزملائه في العمل (عشان انت بتستخف دمه) ....تكفي عبارة تشجيع بسيطة واجتهد ان يعقبها الف عبارة توبيخ بعد ان تتصيد له خطأ تافه...فهو يتقاضي راتب واجر علي ذلك العمل ....فإن وافق علي التنازل عن جزء من راتبه من اجل سماع كلمات الاعحاب والشكر فلا بأس
* القائد الذي يحب النفاق هو قائد ضعيف....لن يستمر كثيراً....فلا تكلف نفسك كثيراً في التودد اليه.
* لا تطمع في المنصب الاعلي....فهذا بداية سقوطك....ما يناسبك سوف يأتيك.
* اعترف بفضل قائدك عليك حتي بعد ابتعاده عن المنصب...وإن كان قاسي في معاملته لك....فانت غداً ذلك الرجل
* خارج حدود ودائرة العمل اظهر بشخصيتك البسيطة الودودة....فمثلاً اذا حادثك احد علي الهاتف في العمل اظهر له .الحزم والجدية والصوت المرتفع في الحديث....وإذا حادثت نفس الشخص في امر شخصي مثل تهنئة فكن ودود وبسيط ومجامل ورقيق....هذا ليس ازدواجاً في الشخصية...بل هو فصل الامور عن بعضها البعض
* كن ملم بكل كبيرة وصغيرة في العمل ولا تترك شيئاً دون السؤال عنه
* اجعل توقيعك عزيزاً جداً ولا يحصل عليه احد بسهوله
* همش كل من هم دونك....فلا يخرج قرار دون الرجوع اليك.....إنها المركزية...فانت احق بها من غيرك ما دمت انت القائد...هذا لا يتعارض مع الشوري....فانت تأخذ بأراء الجميع والرأي الذي تراه صحيح يخرج عن طريقك انت
* أقوي ذاكرة هي زاكرة القلم....دّون كل ملحوظة تراها عينيك حتي ولو كانت بسيطة...وحاسب وناقش صاحبها
* دائماً هناك أفضل....فلا ترضي بما وصلت اليه من نجاح في منظومتك مهما كان النجاح
اخيراً احترت في هذه المعادلة التي عشتها في الواقع :
ان تكون قائد ناجح ويكرهك مرؤسيك افضل ام تكون قائد محبوبمن مرؤسيك وتفشل في تحقيق النجاح
قد يجتمع الفشل القائد مع كره مرؤسيه.....ولكن يستحيل ان يجتمع نجاح القائد مع حب مرؤسيه.....هذا ما عشته وتعلمته ورأيته رأي العين في فترة خدمتي كضابط في القوات المسلحة
الدبوووووووووووووس بتاع زمااااااااااااااااان
قوماً إذا ضرب النعال وجوههم صرخ النعال بأي ذنب اضرب
إهداء الي الفاشل: فاروق حسني,,,,

الي زوراي الكرم

السلام عليكم ورحمة الله وبركاته
الاخوة الكرام زوار مدونتي.....افتقدكم كثيراً لظروف كثيرة خارجة عن إرادتي
إن شاء الله سوف تكون عودتي قريبة الي مدونتي والي مدوناتكم الغالية
اشكر كل الاخوة الكرام الذين تزكروني بالسؤال عني في غيابي
الي اللقاء,,,

الأحد، 8 مارس 2009

موضوع للنقاش

السلام عليكم ورحمة الله وبركاته


ايوة يا ابو صابر يا جامد الحياة بقت مزهزه معاك وبقيت بتزل اجازات والدنيا بقي لونها بمبي

زمان كان الحصول علي وقت فراغ اصعب من تداول العملات المعدنية الجديدة من فئة الجنيه والنصف جنيه

الحمد لله....ضاقت فلما استحكمت حلقاتها فرجت...وكنت اظنها لن تفرج

ومدام الواحد استريح شوية من الضغط اللي كان عليه وفضي شوية هيبدأ بقي يفوق للتدوين وأهله وناسه

حبيبي اللي واحشني كتير(بجزززززز علي سناني).....وعلي رأي المثل اللي بيقول :


إذا كنت بعيد عن التدوين ومشغول .....بكره هتفضي وتفوق يا مذهول


يا سلام عليا...بقول حكم ومواعظ


الناهرده يا جماعة هنركب مع بعض آلة الزمن...وهنرجع للماضي البعيييييييد ...هنرجع للألفية اللي فاتت ونروح لحاجة قديمة اوي كان اسمها مدارس.....


زمااااااااان ايام المدارس....والمدارس يا اخواني هي جمع كلمة مدرسة....واللفظ دا كان متداول في الحقب التاريخية القديمة ....وكان بيطلق علي مبني كبير نسبياً يجمع طالبي العالم من سن 6 سنوات الي سن 17 سنة تقريباً طوال ايام الاسبوع من الساعة السابعة والنصف صباحاً وحتي الثانية ظهراً عدا يوم الجمعة اللي بيعتبر راحة


وكانت المدارس مقسمة الي مراحل....منها المراحل الابتدائية والمراحل الاعدادية والمرحلة الثانوية....وكان في حاجة جميلة اوي في المدارس اللي بكلمكوا عنها....كان كل مدرسة ليها لبس معين (يوني فورم) وكان فيها طابور الصباح والاذاعة المدرسية وتحية العلم


بعد تحية العلم الطلاب بيطلعوا حاجة اسمها الفصول الدراسية....ودي عبارة عن غرف كانت بتتسع في بعض الاوقات الي 10 أضعاف سعتها الرسمية...يعني ممكن الفصل يكون بيتسع ل 30 تلميذ ويوصل عدد التلاميذ فيه ل 300 تلميذ....ايوة يا جماعة...اصل المدارس اللي بقولكم عليها ديه كانت حاجة مهمة اوي في حياة المصريين قديماً


وكان اليوم الدارسي متقسم لحصص دراسية والحصة ديه بيتدرس فيها المواد المختلفة اللي التلاميذ بيمتحنوا فيها ...وكان في شخصية اسمها المدرس او الاستاذ اللي تحورت وتطورت وبقي اسمه (مستر)....وانثي هذه الشخصية كان اسمها أبلة وفي العصر الحديث بقي اسمها (ميس)...والاستاذ والابلة كانوا بيستخدموا وسائل تعذيب كتيرة ومتنوعة زي حاجة اسمها خرزانة وحاجة اسمها فلكة ...وكان التلاميذ بيخافوا منهم اوي وبيعملوا الواجبات بتاعتهم .....وكان فيه بقي شخصية بشعة اوي اسمها الناظر....والناظر دا راجل اصلع وبكرش ولابس نظارة كعب كوباية وشنبه منعكش وسناه صفرا ومكسره وماسك في ايده سلك كهربا 5 مم بيلوش بيه يمين وشمال...وياسلام بقي لما تخدلك منه لسعه الصبح بدري كدا ايام البرد علي طرطيف صوابعك


كنت تمشي في الشارع الصبح كل يوم تلاقي الاب او الام ماسك ابنه من قفاه وبيجر فيه عشان يوديه المدرسة اللي بقولكم عليها...والابن يعيط وبيبقي كاره نفسه ومش عاوز يروح المدرسة


يعني يا جماعة كانت كلمة مدرسة كلمة يكرهها كل ما هو دون سن ال 15


كان اجمل ايام الاسبوع هو يوم الخميس...كان ليه فرحة كبيرة اوي وكل الناس كانوا بيحبوه....كانوا بيخرجوا بالليل...وبيلعبوا كورة ويسهروا ويتفسحوا.....وكان يوم الجمعة بالليل تسمع العياط والنحيب والصراخ اللي كان بيطلع من حناجر الصغار للإستعداد لبدأ الاسبوع الدراسي تاني يوم الصبح


يااااااااااااااااااه.....الدنيا زمان كان فيها حجات غريبة اوي


دلوقتي بقي الوضع اتغير يا جماعة...التهريج بتاع زمان دا خلص....الحجات اللي اسمها مدارس ديه اتقفلت...معدش حد بيروحها طبعاً...والناس استبدلتها بالدروس الخصوصية ...وبقت المباني (المدارس قديماً) استراحات للمدرسين عشان يناموا فيها بالنهار...عشان الناس ديه شغالة دروس طول الليل وعاوزة تستريح بالنهار....وبقيت تمشي الصبح في الشارع استحالة تقع عينك علي حد لابس (يوني فورم) مدرسة...او حد ماسك شنطة فيها كتب....وبقي الاسبوع كله اجازة ....


وتطورت العلاقة بين المدرس والطالب وبقي الطالب بيضرب المدرس والمدرس بيقتل الطالب وبيتحرش بيه وحجات ومحتجات


طيب اللي احنا في دا مجمله ايه؟؟


مجمله كلمة واحدة.....مهزلة ....والله العظيم مهزلة يا جماعة


ماشي كان زمان التعليم في سلبيات كتيرة....بس دلوقتي التعليم في حالة إنهيار


ليه مخطط العملية التعليمية عندنا هنا في مصر فاشل قديماً وحديثاً...


ليه ميكنش عندنا اسلوب وسطي يحفظ للطالب كرامته وفي نفس الوقت يجبره علي احترام التعليم والتعلم


ممكن يا جماعة المدرسة يرجع ليها احترامها بتاع زمان وفي نفس الوقت الطالب يحبها ؟؟؟


والا احنا بالفعل في إتجاه خصخصة التعليم...واللي معاه فلوس هيتعلم وهيدخل الكلية اللي هو عاوزها....دا بعد إنتشار الجامعات الخاصة ومش مهم بقي انه يحترم النظام او حتي يخاف منه...اصل وقتها هيسود مبدأ (بفلوسي ياكلاب)


واللي مش معاه فلوس يتعلم صانعة عشان يعرف ياكل منها....حتي ولو هو احسن من الراجل اللي معاه فلوس


في إنتظار ردودكم وردود افعالكم وملاحظاتكم في هذا الامر يا شباب ....


الدبوووووووووووووووووووس


والله العظيم الدبوس دا ليا قبل ما يكون لأي حد


عاوزين نبقي ايجابيين يا جماعة....بقالنا كتير بنكتب وبننقد وبنهاجم وبنساند وبنأيد


بس مفيش تغيير...عاوزين نتفق إننا نغير ويبقي لينا فعالية....


مش بتكلم في موضوع معين او حالة بعينها....لا...انا بتكلم علي وجه العموم....ممكن يكون كلامي مبهم


بس الموضوع اللي جاي ممكن يوضح فيه انا عاوز اقول ايه


------------------


الموضوع اللي جاي إن شاء الله هحتفل بيه بعيد ميلاد مدونتي الثاني


وهتكلم فيه عن التدوين بشكل عام ...وعن حجات كتيرة مرت بيا في مجتمع التدوين خلال سنتين


يارب يكون اللي فات حجة لنا لا حجة علينا


استودعكم الله

الجمعة، 20 فبراير 2009

مشهد

السلام عليكم


أول امبارح يا جماعة وبدون مناسبة كدا نزلت وخرجت...أه والله....نزلت وخرجت....

واحد صاحبي من زمااااان فات عليا وشدني ونزلني معاه بالعافية...


طيب فيها ايه ديه...طب ما الناس الطبيعية كلها بتخرج وتتمشي وتشوف الدنيا....


استنوا بس....انتم بتقولوا الناس الطبيعية....لالالالا مش قصدي...متروحوش لبعيد الله يكرمكم...


انا قصدي يعني الناس اللي ظروفها طبيعية بتخلص شغلها او دراستها وبتلاقي وقت فراغ ترفه فيه عن نفسها...


إنما انا بنزل اجازتي عشان انعم بقدر من النوم والراحة والاكل واستعد لخوض اسبوع جديد من العمل دون إنقطاع....عشان كدا بنزل اجازتي اقفل تلفوني واحبس نفسي واستمتع بنعيم الدنيا من الأكل والنوم ودفئ القدمين تحت غطاء ناعم مع كوب من الشاي الساخن ومع شاطر ومشطور وبينهما طازج...


يا سلام...اهو انا كدا ببقي اسعد واحد في الدنيا ...وهو دا اللي بلف وادور حوليه وواجع دماغكم فيه من الصبح عشان اوصله...السعادة وراحة الباااااااال


اوم ايه بقي لما نزلت (غصب عني) مع احد اصدقائي الاناتيخ ....وقررنا نروح نقعد في مكان علي البحر


كنا حوالي الساعة 10 بالليل الجو كان برد شوية...وخصوصاً علي البحر بقي بيكون ابرد بس ممتع وجميل اوي


واحنا راكنين علي جنب جت عربة كارو حديثة


وحديثة عشان منبعدش عن الموضوع دي ليها حكاية....وهي ان المحافظة قررت سحب عربات الكارو من البلد واستبدال اصاحبها بعربات حديثة الصنع تسحبها دراجة بخارية بدل من الحيوان المشهور اللي طلع عين اهله في جر العربات في الحقب التاريخية الماضية


هي حاجة شبيه بالتوك توك.....بس ليها صندوق ورا لحمل الاغراض


وانا في رأيي المتواضع ان الحكاية ديه وراها سببين


الاول : هو ارتفاع اسعار (الحمير) وتهديدها بالإنقراض بعد انتشار محلات بيع الكفتة والكباب


والثاني : هو صفقة مع رجل الاعمال الجميل خالص احمد عز....لأن استبدال الخشب بالحديد يصب في مصلحة الرجل الفلاذي اللي خرب بيت الناس


ماااااااااا علينا....دي كانت قصة العربات الكارو الجديدة اللي اضافت لمسة حضارية الي بلدي الجميلة


كان فيها ايه بقي الكارو المودرن اللي وجعت دماغكم بيها


كان فيها واحدة ست ومعاها عيلين او تلاتة...مركزتش بصراحة....وكان جوزها وأبو عيالها سايق العربية


عشان نتخيل الموقف كدا ..رب الاسرة حاطط اسرته الصغيرة ورا في الصندوق وسايق بيهم بيفسحهم


بصوا يا جماعة المنطقة ديه كان فيها سيارات من احدث الموديلات....وعمنا دا بكل ثقة دخل ما بين الناس وركن ونزل الاولاد

وضرب ايده في جيبه طلع كام قرطاس لب وترمس ووزعهم علي اسرته الصغيرة

تعالوا يا جماعة شوفوا الفرحة و الرضي اللي في عين الاسرة الصغيرة ....

الطفل الصغير ميعرفش يمثل أبداً....وبرضو ميعرفش يحقد او يطمع....اقل حاجة تفرحه وبيبان عليه

اي نعم الجو كان برد والعيال كانوا كمشانين...ولما يروحوا ويناموا هيصحوا الصبح عاملين حجات مش تمام وامهم هينهد حيلها في الغسيل

بس وقتهم اللي قضوا مع ابوهم وامهم والحب اللي هما فيه بالدنيا كلها

ناس كتيرة اوي تتمني تعيش ولو لحظة سعادة وحب زي الاسرة الصغيرة اللي إمكانيتها محدودة جداً ولا تملك من حياة الرفاهية الا ثمن قرطاس لب وترمس


سبحان الله....عبرة وعظة لناس كتيرة اوي...السعادة والرضي بتتحقق بأبسط الاشياء....علي الرغم من ان الدنيا فيها وسائل كتيرة اوي لإشباع الرغبات من حياة الرفاهية بس برضو البساطة تكسب بجدارة


ناس عندها فلوس لو ولعت فيها النار مش هتخلص....بس حياتهم كلها عبارة عن جحيم

وناس زي الاسرة الجميلة اللي بنتكلم عليها....ممكن يكون عندهم مشاكل ...بس عرفوا يسرقوا وقت جميل مع بعضهم بكل الحب اللي في الدنيا كلها



الدبوس بتاع زمااااااااااان


بلدي وإن جارت عليا عزيزة....أهلي وإن ضنوا عليا كرام



يارب تكون وصلت







الجمعة، 23 يناير 2009

ما الذي كشفته الحرب؟؟؟

السلام عليكم ورحمة الله وبركاته

اللهم يا كاشف الغم والهم....يا ناصر المستضعفين...يا سميع الدعاء...لك الحمد علي ما انعمت به علينا من النصر المبين
يارب لك الحمد كما ينبغي لجلال وجهك وعظيم سلطانك
نعم لقد انتصر الاسلام...وها هي الفئة القليلة التي لا عدة ولا عتاد لها ردت كيد الفئة الباغية التي تملك كل الاسلحة



جاءوهم من فوقهم ومن اسفل منهم وزاغت الابصار وبلغت القلوب الحناجر وابتلي المؤمين وزلزلوا زلازلاً شديدا
وجاء النصر الله ورد الله كيد الخائبين
لا تعدوا الشهداء الذين سقطوا خسائر...و تعدوا المنازل التي هدمت فجائع وخراب....انظروا الي آية الله في كونه
الارض ما زالت لنا....قطعة من اجسادنا...لن يمروا فيها الا علي اشلائنا...وهذه رسالة وصلت العالم اجمع ووعاها الجميع



هذا كشفته الحرب علي غزة...وأظن ان هذا الامر فطنه القيل ....وسامحوني إن قلت ضاق افقه من عد الحرب علي غزة خسارة
اتدرون ما كشفته الحرب ايضاً ؟؟
كشفت الحرب عن الفرقة بيننا كمسلمين...وكعرب...وحتي كأبناء البلد الواحد
تشقق الجدار العربي


وهذه هو الأهم في موضوعي اليوم
كلنا يعتبر نفسه هو الوحيد الذي يخاف علي غزة ويحب غزة ويحب فلسطين
وأي رأي خلاف رأيه يعتبر خيانة وتواطؤ

حتي أن الأمر امتد الي كبار المشايخ والعلماء
وقد سمعت لقاء مع الاستاذ وجدي غنيم وما قاله في حق العلماء احزنني بحق
ما احببنا يوماً ان نري تراشق بين رجال الدين أبداً
نحن نحبكم في الله ...ونريد توحيد الكلمة وقلب الامة

وها هي الفرقة تمتد الي أبناء عروبتنا...من ينطقون بلسان الضاد
يرمي هذا بالخيانة...ويرمي ذاك بالجبن والضعف

كيف تصفون الشعب المصري يا أبناء عروبتنا بالخيانة
لا اتلكم علي مستوي ولاة الامر والحكام

والا كانت قطر والكويت وغيرها من البلاد التي زرع (حكامها) شوكت امريكا في ظهورنا بقواعدها التي منها تقصف بلاد الاسلام أول الخونة....واخص بالذكر قطر أو (حكومة قطر) وعلاقتها بالصهاينة

لماذا اتجهت انظار الجميع الي مصر وإلي شعبها وتحمل كل ابنائها كلمة الخيانة
أين سوريا التي هي في جبهة قتال مع اليهود....؟؟
لم نسمع لها دوي رصاصة واحدة....هل بهذا الأمر نحكم علي شعب سوريا وأهلها بالخيانة والضعف والجبن؟؟
وإن كان التاريخ في 67 ليس في صالح اخواننا في سوريا وقتها...لم نحمل ابداً اهلها ما أخطئه حكامها
فنحن نعرف ان اهلها اهل نضال ...وجنودها ذو بأس شديد إن شاء الله

أين الاردن وشعبها في الحرب علي غزة...؟؟
نعم إنما يقال علي حاكمها جملة مشهورة (الخائن ابن الخائن ابن الخائن الاعظم)
والادلة والبراهين تكشف هذا في إخفاء خبر حرب العاشر من رمضان وستره بين سوريا ومصر وعدم إطلاع الملك حسين عليه
ومعرفة الجميع بسفر الملك حسين الي الصهاينة صبيحة يوم الحرب عندما تسرب الخبر اليه
والتاريخ والادلة لا تكذب أبداً
هل يعني هذا ان شعب الاردن خائن ....لا والله فهم رجال ....وعند الشدائد قادرون علي الصمود
أما الحزب المزعوم الذي يقوده هذا الشيعي متخفياً في بردته ملوحاً بأصبعه يحمس اهل مصر ويرميهم بما هو ليس فيهم
لا...لست انت ولا حزبك من يدير عجلة الحرب ...فنحن علي خلاف (عقائدي).....والخلاف العقائدي معروف
فلن اتحرك الي الجهاد بامر مرتد (ولن اخوض في تفاصيل كفر هؤلاء الاقوام فقد كفرهم علماء المسلمين)
والا اين كنت ايها الشيعي من العراق....اين اصبعك التحذيري...واين صواريخك ..؟؟
الا إذا كانت الحرب علي (سنة) العراق تصب في مصلحتك أنت...رحم الله صدام حسين....رقصت علي جثته الكلاب
وهذه سياستهم التي لا تختلف كثيراً عن سياسة الصهاينة

فرق ...تسد
تحركها اصابع ايران.....والمخطط الصفوي الذي لا يقل خطورة عن المخطط الصهيوني بل يزيد


انتبهوا ايها السادة...الاخطار تحاصركم...والامم تتداعي عليكم كما تتداعي الاكلة الي قصعتها
نحن في غفلة وفي فرقة وفي تشتت
هذا الذي كشفته الحرب
لمصلحة من ان يكون مسلمين في هذه الفرقة...اين قلب الرجل الواحد؟
كانت الحرب علي الغزة كمثل النار علي الحديد...اظهرت الخبث
فهل من أيد ترفعه...حتي يتنقي المعدن الاصيل....وتنكشف الغمة عن المسلمين

صححوا النية اخواني في الله....لا تغضب لنفسك أبداً

وحدث ما حدث في مجتمع التدوين....فقد دب الخلاف بين الكثيرين....ولا أحد يشكك في نية احد مدامنا علي ملة الاسلام
فكل من نطق الشهادة بحق له نفس الهدف
قد تختلف السبل الي تحقيق الهدف....
قد نكون انت وأكون انا وتكون هي علي حق....ولكن كل منا اتخذ طريق مختلف عن اخيه
ولكن ما دامت لنا نفس نقطة اللقاء فلا بأس....


قد لا أكون مع التظاهرات والهدافات....ولكني لا اسب ولا اهاجم اصحابها
قد أكون متوافق مع حملة المقاطعة....ولكني لا (أكفر) الذي لا يقاطع
قد لا اري جدوي من المواضيع والمقالات والشعارات والاناشيد التي يهدر فيها الأوقات ولا نجني من ورائها اي ثمار
ولكني لا أسفه او أقلل من شأن كاتبيها
مادامت النية واحدة....والمراد والمبتغي واحد...وعدونا واحد....فلا نشكك في نوايا بعضنا البعض

لماذا نقاطع بعضنا البعض ونحمل الضغائن ويتشتت شملنا ونحن في احوج ما يكون الي الوقوف كرجل واحد ضد عدو واحد؟؟
في النهاية اوجه كل كلمة في موضوعي الي نفسي قبل الاخرين
وادعوا الله ان يكشف الغمة عن الامة
وان يصلح فساد قلوبنا
واعتزر عن كل اخ أو اخت (ظن) اني قد اخطأت في حقه...
جزاكم الله خيرا



السبت، 10 يناير 2009

عذراً ليس الامر بيدي

السلام عليكم

تحديث

اما بخصوص الاستاذة الفاضلة مجدوية فأنا لا اتهمك بشئ.....قد تكوني فهمتي المغزي من موضوعي خطأ...فأنا اصحح صورة الجيش الذي يراه كل من خارجه بنظرة ساخطة (ومعهم الحق في ذلك) لا احملك اي ذنب يا استاذتنا الفاضلة....نعم نحن مطالبون بالكثير....وكل ما نويته هو توضيح بعض الامور التي تعلقت بجمل حضرتك:

" لماذا التجنيد اذا كنا لن نحارب "

" فلم يعد للجيش دور بعد أن تواطئت مع العدو الصهيوني"


وكان موضوعي هو توضيح لما في صدوركم من ضيق ....وما في صدونا نحن ايضاً..جزاكي الله خيرا يا استاذة ماجدة....واعتزر إن كنتي انتي قد فهمتي موضعي علي انه عتاب لك او غضب منك..واعتزر ايضأ عن تأخري في الرد علي ردودك لأني بالفعل كنت في العمل واجازتي تكون في نهاية الاسبوع ولضيق الوقت وكثرة الانشغال لم استطيع الرد الا الآن

أما بخصوص الزميل (الــــوافي) فلنا لقاء في موضوع منفصل للمناظرة...فقد اشتفت لمناظرتك بعد تعليقك علي الموضوع

إني قد عزفت عن الكتابة وزيارة المدونات الأخري منذ أخر موضوع لي في مدونتي

لأن المواضيع والكلام والآهات والاستغاثات والمظاهرات وحتي حملات التبرعات لن تجدي....

الف لسان ولسان والف مدونة والف موضوع وموضوع يتكلم ويتحدث...حتي إن المرء ليمل من كثرة الحديث دون جدوي....ولا يتحرك اي ساكن

لا شئ يتغير سوي عداد الشهداء الذي يلهث للوصول لرقم 1000....ويعلم الله متي سوف يتوقف

ومع كل قطرة دم تسقط من مسلم يزداد همنا وغمنا ونحن نقف مكتوفي الايدي

اما ما دفعني للعبث( دون جدوي) علي صفحات مدونتي هو تعليق الاستاذة مجداوية علي الموضوع السابق

والتي كان لسان حالها مثل كل مصري....نظرة ساخطة الي كل ما هو عسكري وينتمي للجيش المصري

قد اعاد هذا الوضع الزمان الي الوراء...الي ما بعد نكسة يونيو 67 ....لما كان الجيش المصري يمشي منحني الرأس يعلوه الخزي

ليس بذنب اقترفه ابناءه...ولكنها السياسة التي تقتل العزة والكرامة في اغلب قراراتها...والتي تكبح جماح ثورة الشرفاء


وها قد اعاد الزمن نفسه....وأصبحت نظرات الناس كخناجر تقطع كل جسد يتزين بالزي العسكري....نعم يتزين بالزي العسكري

استاذتنا الفاضلة...ليا اشرف اني اقضي فترة تجنيدي ضابط بالقوات المسلحة....واتشرف بإنتمائي لها ولتواجدي بين رجالها

لا ذنب لنا بتواطئ زعيم أو تهاون وزير او خيانة مسؤل....واحسبكم جميعاً تعرفون احداث 67 التي لم اتعايش معاها
ولا احد منا يملك قرار اشتعال الحرب حتي اكبر قائد في الجيش...الامر ليس مجرد كلام واهواء وأمنيات تحقق بمجرد التفكير فيها...
كل ما اعرفه اني أمني نفسي بالجهاد والشهادة.....وقد اعدت زي القتال لهذا اليوم.....وأسميته زي الزفاف....وإن شاء الله رب السموات سوف يتزين زي زفافي بدمائي وسوف تكتحل عينايا وتتخضب يدايا بدماء اليهود....وكلي يقين بذلك اليوم لأن الله قد وعد به

الا إن نصر الله قريب


هذا لسان حالي ولسان حال كل مقاتل....وإن لم يقدر الله ليا رؤية هذا اليوم فسوف اربي عليه أبني وأعده واجهزه لهذا اليوم

ولسنا في إنتظار تحميس واستنفار كاذب من فأر شيعي او زعيم مهووس أو تابع صفوي من زعماء العرب الذين يعلوا نباحهم ويقضون اجازاتهم الصيفية في منتجعات تل ابيب....الذين هم في الاصل رأس الفساد....فمن من الابطال الشرفاء الذين تترقص السنتهم علي الفضائيات هب للجهاد؟؟

لا استطيع ان ادافع عن حكومة بلدي في ما حدث...وأن أنفي الخيانة عن بعضهم...ولكننا لسنا شعب خائن....ولسنا جيش خائن.....علي الاقل اتكلم علي مد بصري
التوقيع,,,,,,,
احد أبناء الجيش المصري