Translate

الخميس، 21 يونيو، 2007

يوميات نصاب-3


السلام عليكم

ازيكم يا جماعة ....وحشتوني كلكم

من زمااااااااااان اوي قبل ما اروح الجهادية كنا عملنا حلقات وسلاسل

طبعا انتم نسيتوا

من غير طول كلام كان سلسلة ليها هدف معين

السلسلة الاولي كان اسمها ضد التيار وكنا بنتكلم فيها عن موضة المدونات القذرة بكل انواعها وطبعاً اختلفنا كتير مع الناس في طريقة عرض المواضيع بس الحمد لله اتفقنا كلنا علي رفضنا لهذه الانواع من المدونات

والحمد لله الناس فكرت في حجات كتيرة جدا وواجهت الموضوع دا بإيجابية اكتر واسلوب احسن

وبرضوا كنا اتكلمنا في سلسلة اسمها هو في ايه....للأسف في ناس افتكرت اني بنتقد فيها الشعب المصري واسلوبه ...بس الهدف كان غير كدا خالص يا جماعة

وإن شاء الله في القريب هنكمل سلسلة هو في ايه بمواضيع جديدة ونتعرض لسلبية جديدة في المجتمع...هنعترف بيها كلنا ونحاول اننا علي الاقل نشيلها مننا

وكانت اخر السلاسل هي يوميات نصاب

وديه كانت حاجة ساخرة بتتكلم عن اهم مشكلة احما كشباب عايشين فيها

مشكلة البطالة والبحث عن عمل

اخترعنا شخصية زي شخصية المستثمر الصغير بتنصح الشباب بعمل مشاريع نصب ظريفة

ممكن نضحك عليها....و للأسف الافكار ديه مقتبسة من الواقع...بس بتكون علي كبير

ممكن يكون بطلها شخص..او مجموعة اشخاص..او شركة....او حزب....او وزارة...او حكومة...او بلد بحلها

ممكن تكون في مصر...وممكن كمان تكون في اي بلد

المهم انها موجودة بالفعل...مش بنفس السيناريو والحوار

بس نفس الفكرة

معلش طولت عليكم...بس يمكن الناس تكون نسيت اللي كان بيتكتب زمان وانشغلنا بسالمات علي بعض

بس بعد تجربة الجيش اللي لسا في اولها اتنبهت لحجات كتير اوي...واتعلمت اكمل اي حاجة بدأتها ...وبإذن الله لازم تنتهي

واخترت الناهرده اني اكتب حلقة جديدة من حلقات يوميات نصاب....


تعالوا مع بعض نشوف فكرة الناهرده ايه....ونشوف مهارة الشعب المصري في سد الثغرات


--------------------------
سيادتك هتعمل جمعية خيرية.....انا عارف انك هتستغرب....وهتقولي انك محتاج فلوس مش محتاج تعمل جمعيات خيرية ولا الكلام الفاضي دا
بس اسمعني للاخر...أنت هتنظم جمعية خيرية بينك وبين نفسك وهتخططلها كويس اوي وتعرف الحجات ديه تتكلم فيها ازاي...

عشان فكرة الناهرده هتعتمد علي مظهر حضرتك وطريقتك في الاقناع
سيادتك هتختار اسم للجمعية....

سميها اي اسم وليكن مثلا(( جمعية اصدقاء الفيل)) يعني اي حاجة من الكلام دا انت وشطارتك بقي

في اختيار الاسم اللي يشد الناس ويخليهم يعيطوا
هتطلع علي اي مطبعة وتخليه يعملك 3 دفاتر من بتوع التزاكر ديه...

اكيد كلكم عارفينها...وتخليه يعملك الدفاتر كل دفتر بلون مختلف.....

زي التزاكر بتاعت الاستاد كدا كل درجة بلون محتلف....

وهتخليه يكتبلك علي التزاكر ديه اسم الجمعية ويحطلك عليها ارقام كتير كدا (قال يعني ان الجمعية متسجلة ومشهرة رسميا)
وسيادتك هتكتب رقم تليفون جوز خالتك اللي انت بتكرهه علي التزاكر ديه عشان كل ما بتروح عنده بيطردك
بعد يا سيدي ما تخلص مشوار المطبعة هتطلع سيادتك علي المصالح الحكومية ....

وهتلبس الطقم الكلاسيك بتاع الافراح وهتشتري علبة جيل عشان تسرح شعرك.

...وهتكون عامل كرنيه كدا شكله حلو وعليه صورتك وأنت لابس الكرفات ومعلقه بدبوس ذهبي علي القميص..

وهيكون مكتوب عليه اسم جوز خالتك اللي انت بتكره...

يعني هتكون من الاخر شب محترم وشيك ونظيف ومنتحل اسم جوز خالتك

.....وهتبدأ تتكلم مع المواظفين اللي في المصالح الحكومية وتقولهم أحنا جماعة خيرية عشان كذا وكذا وكذا

...وركز علي الستات ملكش دعوة بالرجالة عشان الستات قلبها رهيف وبتعيط بسرعة...

وتبدأ تلم التبرعات وكل واحد يتبرع تبدأ تكتبله وصل ...(قال يعني انك ما بتخدش حاجة في جيبك وكل حاجة بتتسجل عن طريق الوصلات)..
اي حاجة حد هيتبرع بيها تخدها وأنت مبتسم....

وسعتها الناس هتستريحلك اوي وهتحبك وهتلم قرشين حلوين
في ناس مؤذية وبتحفر كتير ورا الموضيع ديه...

هتلاقيه ماسك الوصل دا وعمال يجيبه يمين وشمال وهيلفت نظره رقم التلفون اللي عليه...

هيتصل بالرقم وجوز خالتك هيرد عليه

وطبعا انت عارف إن جوز خالتك بيخانق في دبان وشه وهيعمل مشكله مع الراجل الرخم اللي اتصل

وهيشتموا بعض والراجل الرخم هيقوله يا نصاب يا حرامي

وسعتها يبقي انت خلصت تارك من الاتنين...جوز خالتك والراجل الرخم اللي كان بيشك فيك وتعيش انت حياتك بالقرشين بتوع تبرعات الناس ذوي القلوب الرحيمة

ولو ضميرك فاق ونأح عليك ابقي اتبرع بجزء منهم لمستشفي 57357 او طلع منهم 10 جنيه رحمة ونور علي روح ام جوز خالتك اللي ماتت مخنوقة بالسكينة ....وبكدا مش هتحس بالذنب

والمرة اللي جاية هرجعلك بفكرة حلوة عشان لما القرشين اللي معاك يخلصوا تعرف تظبط نفسك

-------------------------------

هناك 39 تعليقًا:

SoRsaRaa يقول...

لولولولولولولووليييييي

ايييه الهنا اللى انا فيييه دا يااااربى

بقى انا دخلت عندك وبكتبلك التعليق فى البوست اللى فات

والاقى ايميل جالى انه فى حد علق عندى

انا قلت اخلص الرغى هنا الاول بعدين ابقى افتح البلاعة واشوف مين كتب جديد

الاااااااقى سيادة اللوززززز محمدددد

دا كتيييير عليا والله:))

واااجى كمااان الااااقى بوست جديييد

طبعا مافوتش فرصه اول تعليييق

وهاجى تانى لما اكمل البوست

سلامات

gohayna يقول...

الحق ابقي تاني واحده

تصدقي يا ساره
هنتخانق بقي

اصبر هروح اقرء واجي

SoRsaRaa يقول...

ههههههههههههههههههههههههههههههههههههههههههههههههههههههههههههههههههههه

عارفة والله ياجيجى كأننا فمسابقة بس انا ان شاء الله اكون التالته

لولا بس النت فصل كان زمان بقيت التانية كمان:P

وانت بقى يامحمد لو جرالى حاجه هيكون انت السبب.. انا لسا مخدتش نفسى اساسا من تعليقك اللى كتبته فى البوست اللى فات.. ابقى طلع حاجة من فلوس الجمعية صدقة على روحى الصرصارية:D

ههههههههههههههههههههههههههههههههههههههههههههههههههههههههههههههههههههه

ياافكارك الجهنمية.. متأكد انك فى الجيش واللا فعصابة شيكاغو:D

وعلى فكرة محدش نسى اللى كتبته فى الحلقات اللى فاتت

بص اسلوب الكتابة بالظبط زى اسلوب التعليم
لو هتكتب بقى مصطلحات زى حيثما وبم ان ولذلك هتلاقى الناس تدخل وتقرا وتعلق وتقول آه حلو موضوع تمام جدا
وبعدها يقفلو الصفحة وولاكأنك كتبت حاجه

وانت بجد ماشاء الله عليك بتقدر توصل الفكرة اللى بتتناقش عنها وبنستوعبها وبنستفيد من كلامك جدا

(شايف الرغى يااستاذ.. مش انت تكتبلى سطرين وتقولى معلش طولت عليكو:)))

بعدين على ايه التعب دا كله

ماحنا نطبع ورق بتاع الصم والبكم زى مابنشوفهم فى الشوارع وبرضو نركز على النساء اللى كلهم رقة وقلبهم رهيف

ومن غير مانتعب نفسنا فى الكلام خااااالص

نقطع الورقة وناخد الجنيه

وجوز خالتى بقى نبقى نشوفله نصباية فى الحلقة القادمة:))

gohayna يقول...

ما شاء الله

اهه كدا انت رجعت واطمنت عليك

وبعدين قبل كل حاجه

محدش ابدا نسي اي حاجه من الي انت كاتبها

ابدا

بس الفكره دي انت طلعت بيها منين من الجيش

مش كنت عقلت يا بني
هههههههههههه
لا حول ولا قوه الا بالله
وجوز خالتك ماله بس

هدبس الراجل كدا
وكيد خالتك مش هترحمك ولا هترحمه

دا لو فرضنا انك هتعكل كدا اصلا
هههههههههههههههه

صحيح وسائل النصب بقيت علي عينك يا تاجر
الحمد لله كل يوم في ازدياد وجديد
هذا من فضل ربي


حمدلله علي سلامتك يا دانسر

عجبني الاسم دا جدا لما ايهاب قاله

سلام يا دانسر

دانسر
دانسر
دانسر

انت مش بترد له؟

gohayna يقول...

نسيت اقول لساره

انتي كدا كسبانه اتنين صفر

ان شاء الله الماتش الي جايه هتكون سته صفر

اصبري عليا
ههههههههههههه
سلام يا قمر

mohand يقول...

السلام عليكم
انا يا عم راجل غلبان
مش زي اللي بيتسابقو علي الارقام الاولي والتانيه
وهما الاتنين واخدين الخمس تعليقات الاولي
سيبو للناس حاجه
:@:@:@:@
--------------
حمدلله علي السلامه يا غالي
ويا تري الاجازه كام يوم المره دي
ويا تري مرتاح في موقعك الجديد
ان شاء الله تكون مرتاح
---------------------
بالنسبه للنصبه
فيها جزء كده ناقص
صورتي وشكلي وجوز خالتي اللي هيبلغ عني
اعمل فيهم ايه ؟
بس الفكره في العموم شديده
لان صح الستات اصحاب القلوب الرهيفه
ما بيصدقو
تحياتي اخي الكريم

خمسة فضفضة يقول...

السلام عليكم ورحمة الله وبركاته

حمد الله علي السلامة يا باشمهندس

يارب تكون الاجازة دي طويله شويتين عن التانيه

وايه المواضيع الجامده اللي داخل فينا بيها شمال دي

هو انتوا في الجيش بيعلموكوا ايه بالظبط .....ههههههه

تحياتي لك وحمد الله علي السلامه كمان مره

واحدة من الناس يقول...

ياااه يامحمد أخيرا
حمد لله على سلامتك يارب تكون كويس وبخير دايما يارب :)))
بالنسبه للمدونه الى سعاتك بتفكرنا بيها فهى تقريباً اتحفظت... تحب أسمع؟؟
بس جوز خالتى طيب أوى وأحلى حاجه انك عالجت موضوع الضمير تصدق هى ده كانت هتبقى مشكلتى الوحيده:) برافو يامحمد:))

Bossy يقول...

السلام عليكم

حمدلله علي السلامه يا بشمهندس
والله اليوم دا يوم الاخبار السعيده بجد
حمدلله علي السلامه
نورت المدونه من تاني والاجازه دي قد ايه يا محمد عايزينك تقعد شويه
اما بالنسبه لجوز خالتك
فحمدلله علي سلامتك يا محمد والله زماااااااان بجد والله زمان
مش هتحكلنا عملت ايه المره دي في الجيش يا عم سيبك من الكلام دا طمنا عليك اول ويارب تكون بخير
وحمدلله علي السلامه

mohand يقول...

السلام عليكم
ليك عندي شوية تاجات يا باشمهندس
تعالي شيل
تحياتي

رينـــــــــــا يقول...

السلااااااام عليككككككككم
حمد الله على السلامه يا حضرت الظابببببببببببط البشمهندس :D:D::D
اخبارك اييييييييه يارب يارب تكون بخير ان شاء الله
انا والله زعلانه انى عرفت متأخر كدا
بس معلش بئا التمس لاخيك سبعين عذرا :D

والله زمااااااااااااان البوست
هههههههههههههههههههههههههههههه
دا الجيش بيعلم بلاوى
ههههههههههههههههههههههههههههههههههه
انا هخاف كدا اطلع فلوس ياعم انت
الله يسامحك


الاجازة اد ايييييييييييييييه
يارب المرة دى تكون كويسه

SoRsaRaa يقول...

كلاكيت للمرة الكام دى

ها ياجيجى ماتردى:P

بعدين ايه اللى مضايقك يامهند احنا ماورناش حاجه غير نكتب ونصدع دماغ محمد:D..امال احنا ايه لازمتنا فى الحياة:P

وعلى فكرة انا كمان عجبتنى دانسر دى اوى

قوليها كدا برقة ودلع زى الخواجات:D

محمد شكله هيضربنا

طيب انا معرفتش انام بصراحة غير لما اغلس شويتين وعرف بالمرة ناوى تنورنا كدا كااام يووم

ياااخوفى يابدرااان الاقيك معدى علينا بكرة وبتسمعنا سلام اشوف وشوكو بخير

وكمان ماتنساش تقولنا اجازتك الجاية امتى

وياللا تصبح على خير

مع السلامو عليكو:D

BizNasEr يقول...

ههههههههههههههه لا والله احسن مستوى النصب بس فيه احسن من كده
بس يا سيدى الموضوع كويس جداا وهقولك ليه
اولا الشاب ده هيبقى معاه فلوس بعد النصب وبالتالى مش هيضطر والعياذ بالله للسرقه او للقتل او ما شابه
ثانيا الراجل بتاع المطبعه هيشتغل ويطبع ويدخل له دخل محترم يعيش بيه
ثالثا الناس اللى اتنصب عليها هتحس بالرضا عن النفس لما يظنوا انهم اتبرعوا لاى حد حتى لو كان حيوان السلابندر
يعنى سكة النصب كلها مكاسب
صحيح ابقى فكرنى فى الاعمال الادارية نشوف لنا كام طريقه كده على ذوقك
واهو نبقى نستغل البدله
وبالنسبه للبنات فبلاش خناق بقى المهم ان دانسر بيك( احم احم يعنى) بيشرفكم بانه يقرا تعليقاتكم ومش هتفرق مين الاول, والحمد لله ان دانسر عاجباكم
اراك على خير دانسر

منة الله يقول...

الراقص مع الذئاب

أدعوك للمشاركة في استطلاع راي

اكثر 10 مدونات تاثيرا في قرائها

عل مدونتك واحدة منهم

http://6ef.blogspot.com/

محض روح يقول...

حمدالله على السلامه يافندم
الجيش طلع افكار حلوه المره ديه
وايحيك بشده
موضع النصب بالتبرعات موضع ينرفز
ديما بيلعب على وتر ان الشعب ده شعب عاطفي اوي
شويه عياط وكام كلمه هيدفعو على طول

ومش هنكر
برضه احنا فينا مشكله بنكسل ندور
على الناس بنستناهم يجولنا لحد عندنا

وتصور بقى الناس المحتاجه بجد
بيكون عندهم عزه نفس غريبه
وطلبتهم اقل كتير
عكس الاخوه التانين
الي عايز يساعد حد بجد يسئل ويروح لحد بيته
كتير فيهم بيكون محتاجين اكتر من فلوس

الموضع هيفرق جدا لما تشوف نظره عنيهم ليك


الفكره مش في اننا نتصدق
ونتفاخر
الفكره في اننا نفهم مغزى الصدقه
ناس كتير بتتصدق
بس مش كلهم بيحسو بيها

تحياتي يافندم
وحمدالله على السلامه تاني

Sharm يقول...

يا عم يا عم


بقى ترجع من الجيش و محدش يدينى خبر

و كمان داعيلي في البوست اللى فات

جزاك الله خير يا باشا
و ربنا ما يحرمنا منك ابدا

BinO يقول...

أيه يا ابني ده
المفروض تسمي السلسلة ماذا تريد لتكون نصاباً
:)
أنت مظبط للناس الشغلانة علي الأخر
بس أنت نسيت كورسات معهد التمثيل
ولا مالهاش لازمة
الموضوع بسيط
حكايتك انت طارق
حاجة ولا في الخيال
سبحان الله
الدنيا صغيرة جداً جداً
الحمد لله أنك بخير
أتمني أننا نقدر نتقابل أن شاء المولي
ولا تشكرني علي واجب
انت عارف الأسماعلاوية
:)

SAKAyAR يقول...

ايه يا عم ده؟؟؟؟
جمعية أصدقاء الفييييل؟؟؟ انت معرفتش ان الكفار خلصوا من زمان ولا إيييه
بس والله الفكرة دي جامدة جامدة ... بس خايف عليك ليجيبوك م الجيش مقبوض عليك إنك بتعرف الناس ينصبوا إزاي ... وبعدين عندي سؤال ... انت جربت الموضوع ده ونفع؟؟ ولا دي توقيعه منك لينا وعايز تخلص من الناس الرخمة اللي بتدخل المدونة؟؟؟

حوريه يقول...

منور و الله يا بطل
ايه الافكار الجهنمية دى ؟؟
بس عندك حق بخصوص الستات اللى قلبهم رهيف و بيعيطوا بسرعة
تحياتى و حمدالله على السلامة
حوريه

SoRsaRaa يقول...

بلاغ من النائب العام(استرها معانا يارب)

لقد هرب المسجون محمد دانسر من سجن المدونة ورجع تانى لمعتقل الجيش من غير مايكتب تقرير بهذه الواقعة

ومن هنا نناشد سيادتة النائب:
ربنا يكرمك ياخويا اعفى عنه دا غلبان والوولفز النونو محتاجينه

والى الان ايها السادة ماحدش عارف هل سيتم العفو والسماح عن هذا الهربان واللا نو واى

ونلتقى بعد الفاصل

رفقه عمر يقول...

انا اسفه دايما باكون متاخرة بس انا كنت مش بدخل المدونات كتير
وامتى الاجازة الجايه ان شاء الله
ربنا يعدى فترة الجيش على خير اللهم امين يارب العالمين

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

BinO يقول...

معلش بأة
الأسماعيل ي خسر
:(
مش بس كده الأداء كان تعبان جداً جداً
يلا ماعلينا
يارب تكون بخير
:)

عالمى ازرق يقول...

حمدلله على سلامتك
هههههههههههههههههههه
بس بجد مقدرتش وانا بقرأ الجزء بتاع جوز خالتك
بس مقولتش بقي الواحد ممكن يعمل ايه لو كان رخم قوى
وقال لجوز خالتك على اوصاف الشخص اللى اخد الفلوس منه
وبمان ان الراجل كاره نفسه واللى حواليه فأكيد هيبلغ بقي
عموما ساعتها نبقي نسلم عنوان الموقع و نقول انها فكرتك وبتاخد نسبه كمان
فى انتظار عودتك وبقيه الاجزاء

رينـــــــــــا يقول...

السلام عليكم
محمد ازيك
والله اسفه جدا على تاخر سؤالى
بس انا مدربكه جدا بخلص ورق سفرى
وكمان كنت مريضه بقالى كام يوم
يارب تكون بخير
ابئا طمنا لما تيجى الله يخليك

الراقص مع الذئاب يقول...

السلام عليكم
ازيكم يا جماعة
والله وحشتوني جدا
اولا انا بعتزر علي عدم اخباركم بمالمعاد اللي مشيت فيه المرة اللي فاتت
بس الاجازة كل مرة بتبقي ثابتة
ارع وخميس وبمشي الجمعة
وملحقتش والله اسلم عليكم قبل ما امشي لضيق الوقت جدا لدرجة اني مسلمتش علي ناس كتير والناس زعلت مني


نبدا بقي نرد علي الموضوع اللي قدم قوي

الراقص مع الذئاب يقول...

الاخت الجميلة سارة
حاجة جميلة جدا والله وبفرح اوي لحرصك علي ردك اول واحدة....وباخد مقلب في نفسي لما الاقي منافسة علي وتقطيع شعور

يكفيني ان اسمايكم كلها تنور عندي المدونة يا جماعة

جزاكي الله خيرا علي الرفع من روحي المعدنية والتعليق الجميل علي الموضوع

الراقص مع الذئاب يقول...

الاخت الفاضلة جيهان..اللي بجد لو المدونة نطقت هتشكرها علي اللي عملتو عشنها
يعني يا جيهان زعلانة علي اول رد وانتي صاحبة المدونة كلها
مش مجاملة والله يا جماعة

بس انا في الاجازة ببقي راجع مهدود وتعبان جدا وعشان خاطر الناس مبعرفش اقعد غير لما اسلم عليهم كلهم وافتح اشوف ردودهم الجميلة

اما بخصوص الافكار فكما يقول المثل الدهن في العتاقي
ويموت الزمار وصوابعة بتلعب
انت عارفة اخوكي دماغ

وعلي فكرة ايهاب رجع الناهرده ودي اخر اجازة ليه قبل الحفلة وبعدها هودعه يوم التلات وهو ماشي من الكلية
شخصية جميلة اوي وهيفرق معايا رحيلة
بس هي ديه الدنيا
وإن شاء الله الموضوع اللي جاي هيكون عن الحفلة والتخرج ولو في صور إن شاء الله هنستأذن ايهاب في إضافتها للموضوع
جزاكي الله خيرا مرة اخري يا دكتورة وربنا ييسرلك امورك في الغربة اللي اتمني من الله عز وجل انك تكوني اخدتي علي الموضوع ومستريحة هناك

الراقص مع الذئاب يقول...

حبيب قلبي مهند
وحشني والله يا هنود
الاجازة علي طول 3 ايام اللي فاتت والاجازة ديه
بس بعد الحفلة احتمال ناخد اجازة محترمة إن شاء الله

بس مفهمتش ايه اللي ناقص في النصباية؟؟
الحكاية كلها المرة ديه مفهاش ثغرة؟؟
ديه دماغ متكلفة يا برنس
لو سهرت باليل الناهرده هكلمك إن شاء الله
سلام

الراقص مع الذئاب يقول...

وعليكم السلام ورحمة الله وبركاته
ازيك يا دكتورة خمسة فضفضة
متخفيش الافكار بتاعتي ديه بعيدة عن الجيش كل البعد
مصر بخير

الراقص مع الذئاب يقول...

معلش يا جماعة انا هسيبكم فترة وراجع

BizNasEr يقول...

مساء الخير عليكم جميعا
عقبال عندكم كنت فى فرح ابن خالتى وراجع تعبان وخاصه انى منمتش فى القطار وانا راجع من الكليه يعنى هلكان موت, صحيح يا دانسر القطار طلع من الكليه الساعه 1 مش 12 زى كل مرة يعنى قرف زياده
المهم الواحد حب وجوده بينكم ويارب يستمر
عقبال تخرجك يا دانسر بيك كده واشوفك بنجمه قد الدنيا وباذن الله ايامكم كلها خير فى الكلية, بس صحيح يا واد انت مأدتش ليا التحيه ليه بقالك 4 ايام وانت عارف ان التصديق جه من المشير انى بقيت ضاااااابط؟ اعمل حسابك يوم الجمعه انا هحبسك ::)
المهم يا جماعه كان نفسى اجى لكم الاسبوع اللى فات واطمنكم على دانسر بس الحمد لله كنت واخد جزاء وشرفت معاه ومع دفعته ومنزلتش
بس هحكى لكم على موقف عادى بس لذيذ شوية وهو ان السيد دانسر فى السرية اللى بعدى مباشرة ولازم اعدى عليه فى الرايحه والجايه, وفى يوم ماشى الصبح لقيت الاخ محمد ماسك السلاح وواقف ثبات واخر تمااااااام بس نايم, الاستاذ نايم واقف زى الخيول وفين وفين على ما فاق لما قربت منه,معذره فضحتك
المهم كفايه رخامه منى اسيبكم تشبعوا باستاذنا

mohand يقول...

السلام عليكم
حمدلله علي سلامتك يا حج
بس النصبايه برضه مش قد كده
شكل الجيش هيس دماغك يا حج
علي فكره انا موجود
بس انت تدخل بس هتلاقيني في وشك
المهم لو كنت سافرت هستناك يوم الثلاثاء والاربعاء علي الماسنجر
ولو مكنتش سافرت انا موجود النهارده بكره اجازه من الشغل بقي السبت عندنا اجازه
هتلاقيني سهران
وحشني يا صاحبي
ومنتظرك

ŞoŖśậŖấầ يقول...

السلاااااام عليكممم

حمدلله على سلامتك يامحمد واسفه بجد انى دخلت عندك متأخر

مش عارفه النت معاند معايا كل مادخل يفصل:(

المهم حمدلله عالسلامة وتييجى بالسلامة

والحمدلله ان الاجازات خلاص بقت معروفة

وبالنسبة للبيات الصيفى..هو بس مصطلح من مصطلحاتى:)

انا مش هروح مصيف واللا حاجة بس واخدة فترة توقف عن التدوين ويمكن تطول شوية ويمكن فيها اروح مصيف فعلا

لكن انا معاكم وهتابعكم دايما بإذن الله

اشوفك على خير اخى الكريم

BinO يقول...

السلام عليكم ورحمة الله وبركاته
المفروض نازل بكرة صح
ولا أنا فهمت غلط
عموماً الحمد لله علي السلامة مقدماً

محض روح يقول...

حبيت اجي اسلم

يارب تكون بخير وتيجي بالسلامه

gohayna يقول...

محمد

انت رجعت ولا لسه؟

ايه الحكايه يا ابني

المفروض تبقي موجود امبارح التلات

طمني عليك لما ترجع

تحياتي يا محمد

mohand يقول...

السلام عليكم
بقي انا جاي اشوف اخر حاجه كتبتها بعد رجوعك
الاقيكي تتطسني بالبوست اللي يخنق ده
يا راجل عيب والله
دا انا منتظر اشوف اخر افكارك
الغي اللي انت ناوي عليه ده
واحنا منتظرين جديدك
ال يبطل ال
اشوفك ماسنجر بقي

د/اجدع بنوته يقول...

هههههههههههههههههههه

ايه الجمال ده

ف من ده كتير

ده الواد كام فكره م دول

ويعملهم صح .. ويبدا يبنى مستقبله بقى

لا وكمان مأمن الفكره صح .. يروح فيها جوز خالتك ..

وكلله تحت السيطره