Translate

الثلاثاء، 16 أكتوبر، 2007

هكذا الدنيا

السلام عليكم


كيف حالكم يا إخواني وأخواتي الكرام

مرت الأيام وانقضي رمضان وأيام العيد

وهكذا حال الدنيا

دوام الحال فيها من المحال

وهذا هو موضوعي اليكم اليوم

ولكني سوف أُقلص هذا الأمر المتسع الي موضوع محدود

وهو دوام الصـــــــــــــــداقـــــــــــــــــــــة

وأسألكم سؤال

هل بالفعل دوام الصديق شئ مستحيل؟

وأن المستحيلات الثلاثة التي ثالثها الخلّ الوفي شئ مصدق به؟

عندما يبكي صديق من أجل الآمك وكأنه يشعر به معك ويتألم معك

وعندما تكون أنت صاحب المصاب وتهدئ من روع صديقك الذي يُحزنه أمرك

بالله عليكم.....هل رأيتم صديق صدوق بهذا الاخلاص

وكأني بالامام الشافعي رضي الله عنه عندما أنشد في صديقه قائلاً

مرض الحبيب فعُدته فمرضت من حزني عليه... جاء الحبيب يزورني فبرئت من نظري إليه

ما أجمل أن تفوز بمثل هذا الصديق الذي قد يستحيل وجوده

ولكن العجب كل العجب...أن تمر الأيام وتطوي ويبتعد هذا الصديق عنك وتبتعد أنت أيضاً رويدا رويدا

حتي يصبح سؤاله عنك وسؤالك عنه مجرد مجاملة أو قضاء واجب....أو من باب (أنا عملت اللي عليه وأتصلت بيه)..
حتي إذا قابلته (صدفة) أقسم له بأغلظ الأيمان أني قد حاولت مكالمته

وهو أيضا يفعل كذلك

أين هذا الخلل الذي وصل الأمر اللي هذا الوضع

أين هذا الخلل الذي يجعل أصدقاء تربطهم علاقة الأخوة لا يفكر أحدهم بتهنئة أخيه في أيام العيد

ويمر الأمر مر الكرام

في صلاة العيد هذ العام شاء الله أن نجتمع أنا ومجموعة من أصداقائي..... لم نجتمع سوياً منذ 6 أشهر تقريبا

حتي أننا كنا في غاية السعادة (المصطنعة) لوجود هذا الجمع من الاصدقاء في وقت واحد وفي مكان واحد

وكنا نفتقد الكثير منا وبدأت اسأل عن أخبار الغائبين بحسن نية

والغريب أني كلما أسأل عن أخبار فلان ولماذا لم يأتي ترتسم ابتسامة سخرية علي وجوه البعض ويقهقه الأخرون وكأني أروي نكتة سخيفة أو دعابة سمجة

حتي حوارنا مع بعضنا البعض أصبح مغلف بالدبلوماسية الباردة والمجاملات المحفوظة وكأني أعرفهم لأول مرة

ومرت الدقائق علينا كأنها سنين ومن قبل كانت تمر الايام وكانها لحظات

وبدأ العقد ينفرط ويتحجج كل واحد بأنه مشغول ويستأذن في الأنصراف ...ويودعه الأخرون بكل برود وكأن اجتماعنا أصبح حمل علي أكتافهم

لم نكن كذلك من فترة ليست بالطويلة

ومازال سؤالي إليكم...أين الخلل؟؟


بحكم وجودي في كلية عسكرية ومرافقتي لأصدقاء قد فرضتهم عليّ الظروف أصبح بيننا رباط قوي جدًا

علي الرغم من قصر فترة تواجدنا معا

ولكن صعوبة الحياة ومشقتها في هذا المكان جعلت بيننا روح جميلة وصداقة وحب وإخلاص يجعلني اشعر بالخوف علي ضياعه

نعم سوف يضيع وسوف يسقط برج الصداقة الذي هو مثل الابراج التي تبني بالرمال علي الشواطئ...ويتبقي منه أراقم تلفونات وعبارات دبلوماسية مفتعلة ومجاملات باردة

وسوف يظهر أصدقاء اخرون في مجال العمل أوي في مجال السفر أو اي مجال اخر

وتستمر هذه القاعدة في إثبات نفسها وفي التكرار اكثر من مرة وهي قاعدة دوام الحال من المحال

وسأظل أستبدل أرقام تلفوانات أصدقاء قداما بأصدقاء جدد علي حافظة هاتفي الخلوي


نعم أنا طرف في هذه الأمر ولا أنكر هذا...وأتحمل نصف الخطأ....وهو خطأ ضياع معني كلمة صداقة

ولكن الغريب أني لا أشعر بتأنيب الضمير أو الندم...ولا حتي بالأشتياق والحنين الي أيام قد تكون من أجمل أيام حياتي

حتي لا اشعر بأي نوع من أنواع العتاب تجاه أي صديق (او من كان يسمي بالصديق)....وهذا هو ما دعاني لأفتح هذه الصفحة وأبوح لكم بهذا الامر

هل هذا الامر طبيعي وهل هذه حقاً حال الدنيا

أم هل هناك خلل وأن المثالية والاخلاص والصداقة كلمات مستمرة وتدوم وليست وقتيه وتنتقل من شخص الي اخر

بل ما أريد معرفته حقاً

هل كلمة صديق كلمة حقيقية في هذا الزمن....وإن كانت كذلك فماذا تعني؟؟؟

وهل نحن أيضاً في مجتمع التدوين وما نعرفه من (أصدقاء) سوف يأتي علينا زمن يستبدل بعضنا البعص بأصدقاء جدد وننسي من كان لا ينقطع يوما عن زيارة مدوناتنا؟؟

لا أستبعد هذا الامر

وإن كان حدث بالفعل



انتطر ردودكم التي أعلمها من قبل كتابتها

دمتم في خير أخواني وأخواتي





هناك 41 تعليقًا:

MaYoYa يقول...

أنا سعيدة انى الأولى المرة دى
أستاذ الراقص مع الذئاب أحسنت
و ضيف بقى للمستحيلات انى أرد أول واحدة على بوست ف مدونة أي حد
بس أهو أنا بقيت
:
فتاة المستحيل
على غرار رجل المستحيل أدهم صبرى



المهم ندخل ف الموضوع الأساسى
و هو الصداقة
أنا بحكم خبرتى العتيدة
ان فيه صداقة طالما انك عايز
يعنى انت لو محتاج صديق بجد
هتتغاضى عن أى عيوب فيه
هو الواحد هيعوز ايه غير ودن يشكلها همومه و يقولها على أسراره
اللى غالبا مش أسرار لأن دلوقتى السر لو طلع من بقك مايبقاش سر
لكن تلاقى حد يمسحلك دمعتك
مفيش
حد يساعدك ف محنتك
متلاقيش
من الآخر
:

خلى صاحبك نفسك و بس

مؤمنه يقول...

السلام عليكم ورحمة الله وبركاته
مهما تكن الصداقه قويه تحتاج الى من يدعمها بمزيد من التواصل والود
فهذا حال كل شئ فى دنيانا فلا تتواجد بيننا القوه المطلقه الا الله سبحانه وتعالى الذى يقول لنا فيما معناه فى حديث قدسى اذا اقترب عبدى منى قربت له واذا ابتعد عنى ناديته
عذرا لا احفظها نصا ولكنى عندما قرأتها أصابتنى القشعريره
الحب فى الله لا ينتهى فعندما يجف صديقنا عن السؤال عنا وجب علينا الاطمئنان عليه
التمس لأخيك سبعون عذرا ولا أجد مانع من أن تعاود الاتصال مره أخرى بأصدقاء الماضى خاصة وقد اعترفت [انك كنت طرف فى برودة هذه العلاقه الحميمه
صدقنى الصداقه شئ نادر الوجود
قربنا نعمله محميه طبيعيه عشان نحافظ عليها من الضياع والسلام عليكم ورحمة الله وبركاته

بنت القمر يقول...

مش اي شخص ممكن يكون صديق وبالتالي في ناس نكتشف زيف معدنها مع الوقت واخرين ما بيكونوش اثروا فينا حقيقه وبالتالي النسيان بيشملهم
متحملش نفسك فوق طاقتها واستمتع بكل مرحله وناسها
حتي الاهل بنفترق عنهم والاولاد الزوجه والوزجه ممكن ينفصلوا بعد عشره
التعلق الزائد بالناس مؤذي ومؤلم
واكيد لما بتكون في صداقه حقيقيه وحميمه بين اتنين والاتنين محتاجينها ها يحافظوا عليها قد ما يقدروا ويتواصلوا رغم بعد المسافه
تحياتي

رينـــــــــــا يقول...

السلام عليكم
اولا كل سنه وانت طيب اخى الكريم
انيا والله كلامى خلانى حزينه اوى لانى مريت فعلا بكل دا
للاسف مش لاقيه كلام اقوله غير ان الواحد المفروض يعيد حساباته فى اختياراته وانه يحاسب نفسه قبل ما يحاسب اى حد تانى
دمتم بخير

خمسة فضفضة يقول...

السلام عليكم ورحمة الله وبركاته

والله يا باشمهندس كلامك جه علي الجرح
فعلا اليومين دول الصداقه ماباقيتش زي زمان ايام ماكان الاصدقاء بيفضلوا اوفياء لبعضهم طول العمر ومهما فرقتهم الايام تلاقيهم يرجعوا لبعض تاني

مش عارفه العيب فينا احنا ولا في الايام اللي بقت عباره عن مارثون كبير للجري وراء لقمة العيش فكل واحد مشغول بحياته وشغله ويادوب ماعندوش الا وقت قليل اوي لعيلته و مافيش وقت تاني لاي حد

عارف المثل اللي بيقول اللي بعيد عن العين بعيد عن القلب
المثل ده اثبت صحته اليومين دول فعلا بقي اللي بيبعد عن عنينا بيبعد عن قلبنا
وزي ما انت قلت الواحد برضو مش بينفي جزء كبير من الذنب عن نفسه ، بس ايه رايك في الصديق اللي انت تبقي محافظ عليه وعاوز تدوم صداقته بيه علي لاخر العمر ، وتجامله في كل المناسبات وهو حتي مايعبركش بتليفون في العيد
وتدعيه في كل مناسباتك ومايجيش ولما يوحشك ترفع سماعة التليفون تسال عليه تلاقيه يرد عليك بكل برود
لحد ما تتيقن انه خلاص بقي رافض صداقتك وتبدا انت تسحب نفسك من حياته بهدوء ، ياتري تعمل ايه مع واحد زي ده


الخلاصه :الخل الوفي فعلا من المستحيلات


تحياتي

الراقص مع الذئاب يقول...

مي بنت بلدي
فينك يا عم مي...ايه الغيبة الطويلة ديه
وكممممممممان او كومنت
لا...بجد فتاة المستحيل
بس ياريت تفضلي علي طول فتاة المستحيل

انا بقي مش عاوز حد اشكيله همي...ولا يمسحلي دمعتي...ولا يساعدني في محنتي
كل اللي عاوزة افهم يعني ايه صداقة
عشان انا زمان كنت فاهمه غلط ...كانت فاكر انها اخلاص ووفاء وسوسن ورجاء
فعلا مفيش حد يستاهل اصاحبه في الدنيا ديه غير واحد بس...
انا
شرفتيني يا ميويا..وابقي فوتي سلمي كدا
سلام

الراقص مع الذئاب يقول...

مؤمنة
وعليكم السلام ورحمة الله وبركاته
صح كلامك يا مؤمنة
وانا قلت اني اتحمل نص المشكلة
بس لو كملتي هتلاقيني بقول اني مش ندمان ومش حاسس بأي حنين علي اي صداقة فاتت
وفعلا الواحد يحاول يحافظ علي الاصداقاء اللي معاه دلوقتي ويستفيد من عيوب المرحلة اللي فاتت
ردك جميل ومشاركته بتنورني ديما يا مؤمنة
جزاكي الله خيرا وكل سنة وانتي طيبة

الراقص مع الذئاب يقول...

بنت القمر
اولا اهلا بيكي في اول زيارة للمدونة
واتمني دوام التواصل يا اختي الكريمة
انا مش محمل نفسي اي حاجة يا بنت القمر
بالعكس...دا الغريب اني الموضوع مش فارق معايا
ولو بصينا للموضوع من نظرة عكسية هطلع انا كمان وحش وسبب في قطع العلاقة بيني وبين اللي كانوا زمان صحابي

تحياتي لكي وجزاكي الله خيرا علي مرورك الكريم

الراقص مع الذئاب يقول...

رينا
وعليكم السلام ورحمة الله وبركاته
حمد الله علي السلامة يا ست رينا يا مخصمانا
احنا لسا بنقول الصداقة وبعد الاصدقاء وبنغني
وانتي غايبة علينا وقافلة المدونة
حمد الله علي السلامة
وإن شاء الله ربنا يرزقك بأصدقاء يعوضوكي عن اللي فاتوا
ودمتي في خير

الراقص مع الذئاب يقول...

دكتورتنا الكبيرة
خمسة فضفضة
وعليكم السلام ورحمة الله وبركاته

ممكن فعلا يكون سبب انشغال الناس بالدنيا ورا هذا الجفاء يا دكتورة
دا اكيد مش ممكن

بس ان الموضوع يصل للقطيعة....هو دا بقي الخلل اللي بندور عليه

بس حكاية بقي الصديق اللي انا بحافظ عليه وبشاركه في كل اموري وهو منفض زي ما انتي تفضلتي وحكيتي عنه
دا ميستهلش اني اوصفه بصديق
وفعلا انا انسحب من حياته بكل هدوء ومن غير ما اندم علي يوم واحد من ايام صداقتي معاه

جزاكي الله خيرا يا دكتورة علي مشاركتك الجميلة
ويارب ديما المدونة تفضل منورة بتعليقاتك
والموضوع دا ميتطبقش عندنا في المدونات ونفضل اخوة في الله للأبد
وتحياتي لكي

ياسر شمس الدين يقول...

الصداقة عمرها ما بتموت اللى ممكن يختفى من حياتنا الزمالة الصحوبية
لكن لو هى اخوة بجد من اجل وجه الرحمن عمرها ما بتموت ممكن تبعد شوية لكن لما تحتاج حد هتلاقية جنبك

سى السيد يقول...

كل سنه وأنت طيب
والله وحشتنى جدا ومش كلام مصطنع والله
وكنت سعيد والله على الرغم دا حرمنا منك إنت من المدونين إللى صمموا على رمضان بلا تدوين وعجبنى عزيمتك لان انت شرحت حبك فى التدوين
والله ماهو كلام مصطنع أنا كان نفسر أبقى أول واحد يعلقك بعد رمضان بس كان فيه مشاكل فى النت عندى

بالنسبه لموضوع الصداقه مش أى واحد الانسان هيعرفه هيرتبط بيه ويبقى صدديق الوفى لا
ممكن مثلا فترة الكليه دى يبقى فيها 3ولا4 إلى الواحد عمره ما ينساهم والباقى علاقه عاديه إتصالات بقى دى رأى الشخصى انا اعرف ناس كتير بس أصحابى الاوفياء قليلين وعمرى ما هنساهم دول إخواتى فعلا والله عمرى ماهنساهم أنا كنت أيام الكليه بنزل مخصوص من الكليه عشان أشفهم
على فكره إنت إنسان كويس مش نفاق فى طريقة عرض للموضوع بانت وخصوصا انت حملت نفسك جزء واختيارك يدل على كده
وبعدين هكرر عليك حاجه قولتها قبل كده إنى أحبك فى الله

gohayna يقول...

طبعا نقول الا ول كل عيد وانت بالف خير وسعيد

ثانيا


انا متا خره كتير اوي وشكلي بقي وحش اوي اوي اوي

ثالثا مش هطلب منك السماح عشان عارفهانك مش بتزعل مني مهماحصل
لانك عارف غلاوتك عندي



رابعا و دا الاهم

الااصدقاء موجودين يا محمد

بس احنا الي مش موجودين

احنا الي بنتغير
والزمن حولينا بيتغير

وبيجبر الجميع انه يتغير كمان

كتير مريت بنفس المواقف دي

وكتير عاشرت ناس وطلعت متستاهلش

ويمكن فيه ناس عشرتني وقالت عليا كدا برضه

الي بيخلي كل واحد يفهم التاني غلط
هيا طيبعه الزمن الي احنا فيه

لو بعدت شويه تبقي خاين وانسان مش كويس رغم انك ممكن تكون بتبعد للمصلحهلانك مقدرتش تتكيف معاه8 وبالتالي بدل ما تجبر نفسك علي علاقه صداقه انت متوقع ليها الفشل بتبعد
الطرف التاني بيفهمها خيانه

وبيبادر باعلان الحرب عليك من غير ما يفغهم اسبابك

ودا السبب في كل المشاكل

لو كل واحد فهم الاول تصرفات التاني ايه ودوافعه


كنا ارتحنا كتير اوي والله


حمد لله علي سلامتي عندك في مدونتك

ويارب مغبش تاني عنك

قول امين

برحب بنفسي شويه فيها حاجه دي؟

تحياتي يا اخي العزيز

hend...hanady يقول...

اولا كل سنة وانت طيب ولو انها متاخرة
المشكلة دى علينا كلنا انا كنت كل رمضان وعيد بقول اشوف اصحابى وابدا انا بس اظاهر انك هتفضل دايما انت اللى تسال ومحدش او القليل بس اللى هيرد الشؤال وده لان الكل مشغول بمشاكله وكتير اوى مبيكونوش اصحاب بمعنى الكلمة ودى مشكلة الاهالى دلوقت بعضهم بيزرع التنافس المكروه فى اولادهم فتلاقى الكل بيعامل الكل على انه نده وليس صديقه وفى اللى متربى على اللى ملكش معاه مصلحة ابد عنه واللى بيقول خليك فى حالك

ما علينا يقول...

السلام عليكم ورحمة الله وبركاته

طبعا يا محمد في صداقة
والصداقة زي ما انت كنت عارفها
صداقة واخلاص ووفاء
وماندة وقت الفرح ووقت الشدة

الصداقة ان صديقك
ما يخافش على زعلك لما يلاقيك غلطان ويفوقك
ما يعملش حساب انك تزعل منه
كل اللي بيهمه انه يفوقك ويشدك من اخطاءك
صديقك اللي يتحملك وبقدر امكانه يحس همومك ويعيش معاك فرحك

صديقك اللي يبقى عارف انت في الموقف دا هاتقول ايه وتعمل ايه
صديقك اللي يرد غيبتك ويغير على اسمك وسيرتك
صديقك معاني كتير جدا
مفيهاش سوسن ولا رجاء

عارف بقولك كدا ليه
لاني عندي صداقة بالشكل دا

الصداقة ممكن جدا ييجي عليها لحظات فتور
بسبب دخولك في مزاج نفسي معين بيفصلك عن الجميع وممكن عن نفسك
او بسبب انشغالك
هنا بقى بيبقى المحك زي ما بيقولوا

بيحصل شبه برود في العلاقة
لكن مع اصرار طرف على التواصل
وانه بحكم انه فاهم
بيصبر وبعدين يعاود تاني بيرجع كل شيء كما كان

الموضوع الكل بيتحمل مسئوليته

انت بتقول انت مش حاسس باي حنين ولا ندم ولا مسئولية

عارف ليه
لانك زي ما بيقولوا كدا
حصل عندك احلال وتجديد

الصداقات الجديدة القوية اللي عملتها
رحمتك من احساس الافتقاد اللي كان المفروض تشعر بيه

وصداقات التدوين
بيحصل فيها كدا فعلا
ان يبقى في صداقة وزيارات متبادلة

ولاي سبب
ممكن اغيب عن الزيارة بوست او اتنين او اكثر
وكنوع من الرد الصديق بيغيب ويتوقف عن الزيارة


الناس لما بتكون صداقة بيتغاضوا عن محاولة فهم جوانب شخصية بعض
بيفرحوا بالصداقة
ولذلك بتنشأ صداقة في ظاهرها قوية ولكنها هشة داخليا

صدقني الصداقة المبنية بقوة
مهما حصل
مش بتتأثر


اللي انت حكيت عنه دا
صداقة ماشي وايام جميلة وذكريات رائعة

لكنها مش هي دي صداقات العمر
ومسيرك ان شاء الله

تصادق
الصداقة اللي ممكن يحصل فيها انقطاع وغياب سنين
ولما تتلاقوا
تحس كانكم
لسه كنتم مع بعض من ساعة


انت لسه ما كونتهاش

المهم خليك قانع دايما ومؤمن
ان الصداقة اخلاص ووفاء وحب

بس لما تلاقيها
هاتعرف

كل سنة وانت طيب

اتمنى ما اكونش طولت عليك

طبعا طولت
رغاية بقى

ما علينا يقول...

صحيح

اوعى ابدا تسيطر عليك فكرة ان احسن صديق لك هو نفسك

اه
حب نفسك لو ما حبيتهاش اكتر من اي حد
تبقى مش طبيعي

لكن مش هي احسن صديق لك

klmat يقول...

اولا احييك على اختيارك الموضوع
الصداقه موجوده وبتدوم لما يكون الطرفين بينموها وبيداموا
على الاتصال وممكن تكون الصله اقوى من
القرايب لأن الصديق بتختاروا
لى صديقه بحبها من قلبى وبدعى لها
هى حاليا فى امريكا
من سنين طويه ماشفتهاش
بس بنتصل ببعض فى الاعياد
وبنتكيب ايميل
صديقاتى من الطفوله
بعد تفرقنا كل منا دخل كليه
وتزوج ظروف الحياه وانشغالاتنا
بتاخدنالكن بنتصل ببعض
حاول ان تعاود الاتصال
كل حاجه فى الدنيا محتاجه رعايه
حتى تدوم بس المهم الاختيار يكون
صح من الاول حاليا اجد جد
صعوبه فى ايجاد صداقات جديده
تحياتى لك

mohand يقول...

السلام عليكم

حبيبي

جيت بس اسلم عليك وهبقي اقري وقت تاني

كيف حالك
علك بخير والاجازه كانت موفقه من الجيش

محض روح يقول...

اولا كل سنه وانته طيب
معلش متاخره
يارب تكون بخير
ثانيا
موضع الصداقه موضع محير
بص استحاله نعيش من غير صحابنا
بجد الواحد بيجي عليه فاتره بيكون عايز يعرف اذكان عايش ولا لا من صحابه
الحياه كتير بتشغل وكتير بتبعد الناس
بس الصحاب الي بجد صعب يبعدو
حتى لو كان البعد لوقت ما
هيفضل الي في القلب في القلب
وبخصوص عالم التدوين
بص هو عالم افتراضي فيه ناس بجد بيأثرو فيك يمكن اكتر من صحبك الي معاك على طول

بس ارجع واقولك دوام الحال من المحال
زي ما احنا دونا هيجي ناس تانيه تدون الحياه هنا مش هتفضل زي مابداءت
يمكن التدوين بيفقد جزء كتير من مذاقه مع الزمن
زيه زي اي حاجه بنعملها

على العموم ربنا معاك يارب
تحياتي يافندم

رفقة عمر يقول...

طبعا البوست دة بيعبر عننا كلنا لاننا فقدنا اصدقاء كتير فى حياتنا وكنا متفقين اننا مش نفترق ابدا
لكن انا من تجربتى خرجت بنتيجه
ان الصداقه بتكون متينه لما يكون هنا اهتمامات مشتركه وظروف واحده للاطراف لما احد الاطراف او الطرفين ظروفهم تتغير تلاقى بدا التباعد واحدة واحدة كمثال واحد صديقك اشتغل وظيفه فى مكان غير مكانك هايبدا يتواصل مع من يعملون معه و تبدا صداقتكم تتلاشى واحدة واحدة
مثلا ودة عن تجربه شخصيه ليا
انا ليا صديقات كنا قريبين من بعض جدا جدا
ولما تزوجوا وانا للاسف لسه لم اتزوج
شويه بشويه بقى بينا تهنئه بعيد تعزيه فى وفاه ومش اكتر من كدة
عارف الصداقه الوحيد المستمره ايه
صداقتى لواحده تعرفت عليها من الجامع والحمد لله مستديمه ومش نقدر نستغنى عن بعض علشان المصلحه المشتركه بينا هى الدين و الحب فى الله
رزقنا الله واياكم الصحبه الصالحه اللهم امين يارب العالمين

البنت الشلبية يقول...

ازيك يا قريبى عامل ايه
بالنسبة للبوست بقى
فدايما البعيد عن العين بعيد عن القلب
الصداقة زيها زى اى مشاعر محتاجة اهتمام واستمرارية من الناس عشان تستمر ..لكن البعد فى الاماكن او عدم التصالات بيضعفها
واحنا بشر
سلام

Bossy يقول...

السلام عليكم ورحمه الله وبركاته

ازيك يا محمد عامل ايه يا بشمهندس
كل سنه وانت طيب
الصداقه

هو في حاجه اسمها صداقه
علي فكره انا كل ما احاول اقنع نفسي ان في صداقه
اقتنع اكتر ان مفيش وجود للاصدقاء
الامام الشافعي قال
سلام علي الدنيا ان لم كن بها صديق صدوق صادق الوعد منصفا

هاتلي حد كده مين هيكون صادق معاك مين هيشاركك كل شئ في حياتك مين مش هيقول نفسي ويكون عنده استعداد يسمعك في اي وقت
اكيد الحد دا مش موجود بينا لاننا كلنا مش كده
الدنيا بتشغلنا
وحياتنا بتتحول لمراحل
مرحله تقابل فيها ناس يوصلوك لمرحله تانيه تقابل فيها ناس تانين
هو دا مش صح
بس الصح مش موجود
انت سالت عن الخلل
؟؟
بس تفتكر هو فين
اخر البوست عجبني جدا
تحياتي ليك يا محمد
وربنا يوفقك وترجع بالسلامه

None يقول...

اول ما دخلت نت كان لازم اجي اسلم الاول

الموضوع اللي انت فتحته موضوع ساخن يا محمد كالعاده

بس هقولك علي حاجه ..صحيح الدنيا بتاخد الانسان وتشغله بس فعلا الاصحاب الصح مهما بعدوا عن بعض ومهما الدنيا شغلتهم بتفضل المعزة واحده في القلوب ..يعني يكفي مجرد مكالمة تليفون عشان تحس ان نفس المشاعر اللي كنت بتحسها تاني رجعتلك وانت معاهم

انا ليا اصحاب من ابتدائي ..منهم اللي اتجوز ومنهم اللي سافر ..بس رغم كدا حبال المودة والحب ما انقطعتش مابينا ..واكيد مع الوقت بيبقي في اصحاب جداد بيملوا عليك حياتك ..[س بردو مش معني كدا انك تنسي اصحابك القدام ..حتي لو انشغلت عنهم ..بس لو احساسك فعلا كان صادق ناحيتهم ..هاتفضل معزتهم في قلبك واحدة وهما بردو هايحسوا بدا

انت بتتكلم عن اصحاب ما شفتوش بعض من شهور..بس انا تجربتي مع اصحاب ما بنشفش بعض بالسنين ورغم كدا المعزة واحده

طبعا انا طولت عليك اوي معلش انت عارفني رغايه

بالمناسبه : معبرين اوي بيتين الشعر اللي انت كاتبهم فوق دول

تحياتي

الراقص مع الذئاب يقول...

ياسر شمس الدين
سي السيد
دكتورة جيهان
hend...hanady
ماعلينا
klmat
مهند
محض روح
رفقة عمر
البنت الشلبية
Bossy
None

جزاكم الله خيرا علي كلامكم الجميل وردودكم اللي قلتلكم في نهاية الموضوع اني متوقعها قبل ما تكتبوها

ولكل الناس اللي كتبت واشتركت في الردود اقسملكم بالله ان كان ليها عامل ايجابي
ويمكن الواحد لما يواجه نفسه ويتكلم بموضوعية وحيادية بيوصل لنتيجة جميلة
ودا اللي حصلي فعلا
وهيكون دا عنوان الموضوع الجديد اللي نفسي انكلم فيه اكتر
علي فكرة مفيش صداقة بتموت ولا بتنتهي مهما طال الزمن...
كل سنة وانتم طيبين

bluesky يقول...

لقد نكأت جرح حياتي....الصداقة؟؟؟ دعني احكي لك شئ تعلمته من الحياة من تجارب الصداقة العديد التي غالبا تنتهي بالكاء و عدم التصديق ..في هذا العالم لا توجد تلكم الصداقة التي يرسمها عقلك البرئ ..لا أقول ان كل من تعرف سوف يخونوك و لكن اقول ان لكل مرحلة في حياتك ستجد اشخاص تعتقد ان الصداقة معهم ستدوم و لكن الواقع دائما يسخر من السذاجة و البراءة...لا يا صديقي الصداقة الدائمة التي تراها في الافلام ما هي الا أحلام الكُتاب بالمستحيل احلام انسان برفيق دائم يحبه دون مصالح يربت على كتفه وقت الضيق دون ان يفكر في ان هذا جميل عليك له او لانه قد يحتاجك بعد ذلك
صدق من قال ان من المتحيلات الخل الوفي لان ذلك مجرد اسطورة نسجها الحالمون

إنـســـانـة يقول...

الموضوع ده فعلا كان شاغلنى اوى خصوصا بعد التخرج .. بعد كل الحشد ده من الصديقات صفصفوا فى الآخر على صديقة واحدة او اتنين اللى لسة بنسأل على بعض

بس بيتهيألى ان صحابنا لما بنقابلهم بعد فترة مش بيبقوا هما .. بيتغيروا كتير واحنا كمان مش بنبقى احنا بتوع زمان

لما بفكر فى الموضوع ده بضايق بجد عشان كدة اتفقت مع نفسى ان اللى حواليا مهما كانوا مين - شرط يكونوا كويسين طبعا - اعتبرهم اصحابى .. يعنى انا دلوقتى مش بشتغل ومش بشوف اصحابى زى ايام الدراسة وكدة ، خلاص يبقى ماما وبابا هما اصحابى ودى صداقة دايمة بإذن الله .. بشكل عام صداقة الأهل بتكون أقوى وأدوم

ولا حد يشيل عنك همك إلا اللى دمك

عشان كدة اختى صدقتى اخويا صحبى وماما وبابا وكدة .. مش دايم ده كله لإن دوام الحال من المحال يبقى الأنس بالله

ده غير ان الدعاء عليه عامل كبير اوى يا اخى وعن تجربة والله ادعى ربنا يرزقك بالأخ اللى يحبك وتحبه بجد وتفضلوا مع بعض على طول فى الدنيا والآخرة اصدقاء واحباب فى الله

اسفة طولت عليك

ربنا يكرمك ويوفقك دايما يارب آمين

سلام عليكم

truelove يقول...

نامل من الله ان تستمر الصدقات التي كونتها في عالم المدونات بس كل شي علشان تحافظ عليه محتاج للمجهود والسؤال الدائم على الناس

ŞoŖśậŖấầ يقول...

السلاااااااام عليكمممم
ياترى ايه الاخبار.. اتمنى تكون بخير دايما
وسبحان الله انا كنت لسا من دقايق بتكلم عن الموضوع دا قبل مادخل مدونتك
والموضوع دا هو اللى مسببلى حالة اكتئاب اليومين دول
لما بفتكر ناس اتعلقت بيهم واعتبرتهم اصحابى ودايما لما نفترق نقول لازم نكون على اتصال ومش علشان خلاص الشىء اللى كان بيجمعنا انتهى يبقى خلاص
انما نعمل ايه بقى فى الزمن دا.. شىء مؤلم بجد
وانا مش عارفه اقلك ايه والله يامحمد
حتى فى الايام دى واحدة من اقرب الاصدقاء ليا هترتبط قريب ودايما انا معاها فكل حاجة بتحكيلى وبتاخد رأيى وانا واقفة جنبها لاخر لحظة بس عارفه كويس اوى انها اول ماترتبط خلاص هتلاقى حياة تانية تشغلها.. مش هنبقى خلاص زى الاول
كلامك بيلمس جرحى اللى مفتوح من زمان وبعمل نفسى مش واخدة بالى وبقول هى الدنيا كدا
بس اكيد مش العيب فى الدنيا.. نفسى بجد نحس بمعنى الصداقة الحقيقى
مش انى اقول ازيك علشان خاطر عاوزة مصلحة منك وبعدها زى مابيقولو ادى وش الضيف
لكن انا عن نفسى مش هتغير علشان الناس اتغيرت.. ولو كل واحد فينا حاول انه يرجع معنى الصداقة تانى اكيد هنلاقى مجموعة لا بأس بها
ومنها احنا ياحضرة الظابط
وزى مانت كاتب انه الايام بتلف وبتلاقى ناس غير اللى عرفتهم وهكذا وبرضو هنا فى عالم التدوين هتعرف ناس وتييجى فترة وتنقطع عنهم دا حاصل معانا كلنا.. يوم بيوم هتلاقى ناس تانية يعجبك طريقة تفكيرهم وتكون دايما على اتصال بمدوناتهم وشوية شوية تلاقيك بتبعد غصب عنك عن ناس تانية كنت تعرفهم
لكن اللى انا متأكدة منهم ان فى ناس دايما هتكون على اتصال بيهم.. واحنا منهم.. واللا انت ليك رأى تانى:)
وانا عن نفسى لو صديق واحد بس يكون عارف صح يعنى ايه صداقة دى عندى بالناس كلها
انا لسا كنت بقول انى زى النحلة اللى بتدور على الرحيق بس بتتصدم لانها بتدور فى ورد صناعى
هترجع تانى للزهر اللى بجد وهتلاقيه.. حتى لو قليل.. ياللا الحمد لله على كل حال

انا حاسة ان كلامى ملخبط.. اعذرنى

وطولت اوى جدا خالص .. اعذرنى برضو

اتمنى تكون احسن دلوقت.. تحياتى ليك

gohayna يقول...

فينك يا اخي العزيز

طمنا عليك

تحياتي ليك جدا

رينـــــــــــا يقول...

السلام عليكم
محمد لعلك بخير
ايه الغيبه دى كلها يابنى

fanan fa2eer يقول...

السلام عليكم ورحمة الله

أولا بس أنا عارفة اني مقصرة في السؤال بس اعذرني عندي امتحانات البكالوريوس

ازيك عامل ايه وايه أخبارك؟؟؟

وفينك من زمان ماجيتش عندي وحتي كمان تاريخ البوست بقاله شهر تقريبا

بس السؤال ده بجد مش مجاملة ولا اصطناع

:))

ان شاء الله تكون بخير



عارف انت بالنسبة لموضوع الصداقة ده

هذا ماتفعله بنا الحياة يا صديقي

نلتقي كي نفترق

لكن دايما بتبقي الذكري في القلب

وهذا أضعف الايمان

الياة بتشغل قوي مابتديناش فرصة نحاول نلتفت مش معني كدة اني موافقة علي اللي بيحصل

بس زي مانت ماقلت برده الخطأ واقع علي الطرفين بس هنضيف هنا طرف تالت الحياة


تحياتي

ToOoKa يقول...

السلام عليكم ورحمة الله وبركاته
انا كنت كتبت ى البلوج بتاعى موقف حصل معايا ممكن بيحمل نفس المعنى
انا عندى تعليق لكلامك مع احترامى وتقديرى لكل اللى علقو واللى الصراحه ماقدرتش اقراهم كلهم لانهم كتير (ماشاء الله) لحسن تقول بحسد ولا حاجه

المهم
اصلا فى فرق مابين زميل وصديق
الزملاء وهم الشله اللى بتقضى معاها اغلب وقتك فى الجامعه او المدرسه وغالبا بيكون كتيــر
ولما بتقابلهم بعدين بتحس بحنين وشوق للايام اللى فاتت دى
اما الصديق
فاستحاله يتنسى وحتى لو فرقت ما بينكم الدنيا حتى لو انشغلنا بيجى وقت بنفتكر بعض وبنتصل وبنسأل على بعض وسعتها الواحد بيحس انو بقه سعيد اوى
يعنى مثلا انا ليا وحده صدقتى جدا وبالرغم من كده ماشوفتهاش فى حياتى غير مرتين
ايوه مرتين بس
هى غريبه شويه بس والله دى غاليه اوى وقريبه من قلبى
اللى حصل انو ربنا جمعنا واتقابلنا فى المسجد النبوى بالصدفه واحنا الاتنين حسينا انو احنا نعرف بعض اتعرفنا على بعض وارتحنا لبعض جدا وحكينا لبعض حاجات شخصيه جدا واخدت رقم موبايلها وحفظتو
ولما رجعنا مصر اتصلنا ببعض واهو بقالنا 3 سنين بنكلم بعض على التليفون ولسه شايفاها فى الاجازه اللى فاتت دى لما رحت الاسكندريه وانت عارف انها بعيده عن الاسماعيليه ومش من السهل انو نزور بعض وخصوصا اننا بنات وماينفعش نسافر لوحدنا
انا عارفه انى طولت فى الكلام بس انا قصدى انو الصداقه الحقيقيه بتكون نعمه من عند ربنا ومابتحصلش كتير فى حياة الواحد ولو لقيت صديق حافظ عليه وبلاش تبص بس على عيوبو لان احنا بشر ومافيش حد كامل بس الصح انو انت تقيس عيوب ومميزات الصديق دا ولو لقيت انو مميزاتو اكتر حاول تستحمل العيوب لانو هو كمان حيستحمل عيوبك
ونصيحه بجد لو حتى صحابك ما سألوش عليك اتصل بيهم انت وسلم عليهم صدقنى حتحس انك بعد ما كلمتهم سعيد انك افتكرت جزء من احلا ايامك وثانيا حتاخد ثواب لانك بتكلمهم لانك بتحب لوجه الله
وبعدين ماتعرفش مش ممكن فى المستقبل يكون شخصيه مهمه وانت كمان تكون مهم فى مجالك وتحتاجو لبعض
ربنا خلق اختلاف ما بينا وحب علشان نكمل بعض
على العموم انا اسفه علشان طولت عليك
بس انا اتمنى انو ماحدش ينسى اصدقائو ويفضل الحب ما بينا على طول علشان مجتمعنا يكون احسن
ســــــلام

مؤمنه يقول...

السلام عليكم ورحمة الله وبركاته
اين الجديد
والسلام عليكم ورحمة الله وبركاته

عالمى ازرق يقول...

غبت قوى المره دى !!!
ان شاء الله يكون المانع خير
فى انتظار عودتك .. وجديدك

Bossy يقول...

السلام عليكم ورحمه الله وركاته

ازيك يا بشمهندس
بقي اغيب اغيب وارجع ملاقيش جديد

انت فين يا محمد
يارب تكون بخير

عالمى ازرق يقول...

محتجزينك بالجيش ولا ايه ؟

ŞoŖśậŖấầ يقول...

السلااااام عليكمممم
اخبارك ايه يامحمد انت فين كدا؟
طيب ادخل واكتب اى حاجة وطمنا
مستنيينك بجد ماتغيبش علينا
سلاااااااااام

di el2mr يقول...

للاسف انا كنت جاتلى فترة كده واقتنعت ان الصداقه دى اصلا كدبه او حاجه كده زى الساطير نسمع عنها وبس نلاقيها لا
لان للاسف ممكن تتعامل مع اشخاص وتفتكرهم اصداقء بجد وفى اول مطب تلاقى نفسك لوحدك
بس حقيقى دول مش بيكونو اصدقاء ولا حتى زمايل
دول ناس بنقضى معاهم وقت وبيعدى
او حاجه كده حتى مالهاش اسم
لكن وسط كل دة هتلاقى ان فى حد يستاهل بجد كلمه صديق بجد
وصعب ان الانسان يلاقى اكتر من صديق
لان اصلا هتدوخ على ماتلاقى واحد

لكن برضو هتلاقى زمايل كتييييير
مع الاحتفاظ بالفرق بين الزميل والصديق

مؤمنه يقول...

السلام عليكم ورحمة الله وبركاته
حضرتك غيبت علينا كتير نتمنى رجوع سريع
والسلام عليكم ورحمة الله وبركاته

السيد شبل يقول...

على فكرة..
دى اول مرة ادخل على مدونتك ... انا قريت كتير فيها هى مدوة محترمة....

بالنسبه للموضوع الاول...

يا صاحبى لا يوجد شىء اسمه صداقة.. لانه كما علمونا الصديق من صدقك ف القول والعمل...
مين يقدر يكون كدة .. مين يقدر يكون صادق دايما
مككن نسميها صحوبية ايه اللى يمنع المهم انك تكون عارف كدة وانت بتتعامل مع اصحابك وما تتنظرش كتير

انا ساعات بحس ان ربنا" سبحانه وتعالى" له حكمه ق كدة... علشان ما ننشغلش باي عبد من عبادة.. عنه هو سبحانه... وعلشان ما ننتظرش لى شىء جميل غير منه هو.... وهو وحده القادر على ذلك


لنا سعيد جدا بمدونتك
وليك لينك عنى

واتمنى نكون اصدقاء
ههههههههههههههههه

د/اجدع بنوته يقول...

الدنيا كده .. بتفرقنا ومهما كان صديق ومهما كان انتيم ومهما كان قريب

لازم هتيجى الدنيا وتحطكم ع قضيبين سكه حديد

وامشوا بقى .. للاسف هكذا هى الدنيا فعلا