Translate

الجمعة، 18 مارس 2011

نعــــــــــــــــــــــــــــــم

السلام عليكم ورحمة الله وبركاته
غداً إن شاء الله اول ايام مظاهر الحرية ونزول الناس الي لجان الاستفتاء للتصويت الحر
الله يرحم ايامك يا مبارك كنت موفر علينا الحكاية دي....ومن غير حيرة هي اجابة واحدة
بس بكره بقي في "نعم" وفي "لاْ"
بصوا يا جماعة الخير كلنا بنحب بلدنا وخايفين عليها....وكل واحد خايف عليها بطريقته
اللي بيقول ايوة بيحب بلده....واللي بيقول لأ برضو بيحبها
من غير خلاف ولا شد في شعر بعض يا ريت نسيب كل واحد يقول اللي هو عاوزة بدون اي مؤثر خارجي او اتهامات
بس اهم حاجة اللي رايح يصوت بكره يكون عارف هو بيقول "لأ" ليه او بيقول" نعم" ليه
مش عشان احمد حلمي ومني زكي والبردعي وعمرو موسي وعمرو خالد قالوا لآ يبقي لأ
فكروا شوية قبل من تختاروا
عن نفسي هقول " نـــــــــعـــــــــــــــــم " من أجل الحفاظ علي المادة الثانية من الدستور ...عشان في إتجاهات اخري زي "النصاري والعلمانيين والليبراليين " وغيرهم يتمنوا سقوط الدستور من اجل دستور جديد والعبث بكل موادة واهمها المادة الثانية
بس دا ميمنعش ان في ناس تتمني دستور جديد من اجل اهداف سامية واهداف نبيلة مع الحفاظ علي المادة الثانية من الدستور
لذلك كل واحد يجتهد ويستعيين بالله يدعوا أن يوفقه الله الي ما فيه الخير للبلاد
ياريت نتقبل ثقافة الأختلاف وتواجد الاخر من غير تخوين

الدبوووووووووووووووووووووووووس
كلمة فضيلة الشيخ محمد متولي الشعراوي رحمه الله وكانه يعيش معنا هذه الايام ويري ما هو كائن علي الساحة
فقد قال الشيخ رحمه الله في احد حلقاته حول خواطره في تفسير القرآن الكريم :
الثائر الحق هو الذي يثور ليهدم الفساد....ثم يهدأ ليبني الامجاد

هناك تعليقان (2):

نور الدين يقول...

وحشتنى جدا ياصديقى
أنا كمان نعم ... لايريد لا إلا النصارى والعلمانيين المتعصبون
وعلى كل من حق كل حد يقول اللى هو عايزة لكن نعم أقرب للحرية والاستقرار والاستمرار فى رأيي
كن بخير
اخوك

محمد عبد الغفار يقول...

وانا كمان هقول نعم للأسباب دى
http://inside-view.blogspot.com/2011/03/blog-post_17.html