Translate

الخميس، 9 أغسطس 2007

تاجات...مش تاج واحد



السلام عليكم
طبعا التاجات بسم الله ماشاء الله شغالة زي الفل

وكان عليا تاجين من زمان لمهند ورينا

قلنا نجمع كله وننزله مرة واحدة عشان نبقي خلصنا اللي علينا

نبدا بالتاج المشترك بين مهند ورينا

--------------------------------------------------------------------


إنسان مستعد تضحي بحياتك – ركز فى كلمة حياتك – عشانه؟

اي عربي مسلم معتدي عليه من قبل اي حد غير مسلم
______________________

ما هو اسم اجمل كتاب كتبه بشر قراته ومحتفظ به حتي الان؟

لطائف المعارف....وهذا الحبيب يا محب...الرحيق المختوم...صفة الصفوة
_______________________
اسم كتاب كتبه بشر برضة- انت متعلق بيه وبتقرأه كل فترة؟

هذا الحبيب يا محب لفضيلة الشيخ ابو بكر الجزائري
____________________________
اهم جهاز منزلى انت متعلق بيه او بتستخدمه كتير؟

مكنة تحميص التوس مع انها مش عندنا ولا عمري شفتها غير في افلام الكرتون بس ...ولا عمري اكلت توست اساسا هو اسمه توست صحيح كدا والا انا غلطان؟
_____________________________
مكان تحس بالراحة عندما تدخله؟

المسجد اللي تحت البيت اللي فتحت عيني عليه من 21 سنة
______________________________

شىء تحس بالراحة النفسية عندما تنظر اليه؟
الصول مصطفي الساعة 5,30 الصبح علي الريق كدا قبل ما اغسل وشي
______________________________

مكان تحس فيه بالحنين الى شىء لا تدرى ماهو و ذكريات جارفة الى لاشىء؟
منطقة انتهاء ترعة الاسماعيلية والتقائها بقناة السويس الصورة الاولي اللي في الموضوع بتاع الرحيل

بحب المكان دا اوي وليا فيه زكريات كتيرة منها المر ومنها الحلو


________________________________
اجمل مدينة زرتها داخل مصر ؟

رفح المصرية
_________________________________
أجمل مكان طبيعي رأيته داخل مصر ؟

برضو مزارع الفاكهة الطبيعية اللي في رفح المصرية واد ايه المكان دا جميل وتحس فيه براحة غريبة وحب مع انها كانت اول زيارة ليا فيه
__________________________________
شخصية كارتونية بتحبها
القذافي
__________________________________
نوع هاتفك المحمول؟
سامسنوج n620
__________________________________
سرعة بروسيسور جهازك؟
1200
___________________________________
تقريباحجم ذاكرة –هارد- جهازك
80

___________________________________

المساحة التى تشغلها المواد الاسلاميةعلى جهازك؟

تقريبا معرفش....بس ممكن توصل لنص المساحة
___________________________________
أهم هدف انت واضعه لحياتك الآن؟

مش عارف
___________________________________
صفات فتاة الأحلام بالنسبة لك؟

هي فين الاحلام اساسا...كلها كوبيس يا معلمين
____________________________________

صف ما يأتى
شعورك لما بتسمع كلمة مصر ؟

بنت جميلة صغيرة شعرها نازل علي عنيها لبسا فستات اخضر قاعدة جنب حط اديها علي خدها دمعيتها في عنيها نفسي اجري عليها واخدها بالحض وامسح دمعيتها
_____________________________________
شعورك لما بتسمع كلام عن اليهود؟
بشم ريحة وحشة
_____________________________________
شعورك لما بتشوف ظابط شرطة؟
المحترم فيهم بيؤدي عمله...ربنا يكرمه ويكون في عونه واللي مش محترم ياخد بالجزمة طبعاً
_____________________________________
شعورك لما بتشوف الكناس العجوز فى الطريق؟

فعلا ببقي عاوز اخد منه المكنسة واكنس بداله واريحه....وبسأل الله ان يرزقني التواضع ويوسع له في رزقه ويبارك له فيه
______________________________________
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

اتمني له الخير والاخلاص في القول والعمل واتمني ان تطوي الايام حتي اعود الي لحيتي وجلبابي مرة اخري
______________________________________
احساس يراودك فى اشارة مرور مغلقة بسبب مسئول كبير؟

لو الوقت هيطول هنزل اشتري حاجة ساقعة وايس كريم
------------------------------
بمرر التاااااااج دا لمين لمين
مش لحد خالص
------------------------------------------------
التاج بتاع مهند بقي
---------------------

انت ليه اخترت الاسم الغريب ده؟
هتلاقي الاجابة في التاج اللي بعده
------------------------------------------------
لو تقدر ترجع الزمن مره واحده,تعمل لموقف ماundo ,ايه الموقف اللي حتختار تشطبه من حياتك؟
ولا حاجة طبعاً....ما أخطأك ما كان ليصيبك وما اصابك ما كان ليخطأك
ـــــــــــــــــــــــــــــــــــــــــــــــــــــــــــــــــ
لو معاك طاقيه الاخفا,حتعمل بيها ايه؟

هغسلها

ــــــــــــــــــــــــــــــــــــــــــــــــــــــــــــــــــ
لو تقدر ترجع بالزمن ليوم واحد بس,لاي وقت او يوم,ترجع لامتي و فين؟


لا مبرجعش ابدا
ـــــــــــــــــــــــــــــــــــــــــــــــــــــــــــــــــــ

لو معاك مصباح علاء الدين,ايه التلات طلبات اللي حتطلبها من الجني؟

1- لما اخلص يسفرني اشتغل في ليبيا

2- هشتري رونالدو

3- اجيب عقد عمل في درفور للصول مصطفي

ـــــــــــــــــــــــــــــــــــــــــــــــــــــــــــــــــــــــــ
لو تقدر تعيش في شخصيه تانيه ليوم واحد,او حتى علي طول,تحب تعيش بدل مين؟


عمر بن الخطاب رضي الله عنه
ــــــــــــــــــــــــــــــــــــــــــــــــــــــــــــــــــــــــــ
سؤال شبه الاولاني,نفس قدره ترجيع الزمن,حاجه حتعملها و انت مش قادر تعملها و خايف من النتيجه بتاعتها,معاك القدره دي,فتقدر تعمل الحاجه دي و لو فشلت ببساطه تعمل ليهاundoو يا دار ما دخلك شر,ايه هي الحاجه دي؟

احط للصول مصطفي ملح انجليزي في الاكل ...بكمية كبيرة اوي................اوي

ــــــــــــــــــــــــــــــــــــــــــــــــــــــــــــــــــــــــــ


خمس حاجات محدش يعرفها عنك


1- عصبي

2- بحب ابقي لوحدي كتير اوي

3- بكتب اشعار وخواطر وبقطعها بعد ما بتخلص

4- بكره الصول مصطفي اوي

5- نفسي اشتري قرد صغير واحطه في البلكونة
بس خلاص...وكل عام وانتم بخير


----------------------------------
----------------------------------


ودا كان تاج من الاخت ما علينا

ما اسم مدونتك؟
الراقص مع الذئاب
ـــــــــــــــــــــــــــــــــــــــــــــــــــــــــــــــــ

لماذا اخترته.. وماهى نيتك من وراء اختياره ؟
دا اسم قصة جميلة اوي واتعملت فيلم ...بس مخترتش الاسم عشان الفيلم طبعاً....والنية من وراء اختياره هو اعجابي الشديد بالذئاب وحبي لهم
ــــــــــــــــــــــــــــــــــــــــــــــــــــــــــــــــــ
صورتك فى المدونه رمزيته
صورة ذئب....واضح اوي يعني...والاستاذة نادية طه اطلقت عليه اسم سيزر
ـــــــــــــــــــــــــــــــــــــــــــــــــــــــــــــــــ
هل فكرت فى اغلاق مدونتك والسبب؟
انا مودي متغير ديما يعني ممكن اقرر بكره اني اجيب عاليها واطيها واقفلها...انا فكرت مرة واحدة اني اتوقف عن الكتابة ...والحمد لله مطولتش ورجعت تاني
ــــــــــــــــــــــــــــــــــــــــــــــــــــــــــــــــــــ
حد قل ادبه فى التعليق .. ايه رد فعلك؟
كتيييييييييير....اصلي في معظم الاحوال بناقش امور شائكة وبيكون اسلوبي فيها هجومي فرد الفعل لازم هيبقي كدا وببقي متوقعه...ومش بتفرق معايا مدام اني عارف اني بتكلم صح
ـــــــــــــــــــــــــــــــــــــــــــــــــــــــــــــــ
اسوأ مدونه؟
ارجعوا للأرشيف وشوفوا مواضيع ضد التيار هتلاقوا ملخص للمدونات السيئة كلها..بس انا مش قايل اسامي مدونات...وبرضو موضوع مدونون مثليون
ـــــــــــــــــــــــــــــــــــــــــــــــــــــــــــــــ
هايحصل ايه للأيميل لما تموت؟
سؤال غريب اوي...مش هبقي فاضي افكر في الاميل
وبعدين انا ممتش قبل كدا عشان اعرف
ــــــــــــــــــــــــــــــــــــــــــــــــــــــــــــــــــ
اديت الباسبورد لحد قبل كده؟
استحالة
_____________________
اسمك ؟
محمد صابر
ــــــــــــــــــــــــــــــــــــــــــــــــــــــــــــــــــــــ
عمرك ؟
انا شاب لكن عمري الف عام....بس في الحكومة عندي 25 سنة و8 شهور وشوية ايام من تاريخ كتابة هذا البوست
ـــــــــــــــــــــــــــــــــــــــــــــــــــــــــــــــــــــــــــ
برجك ؟
مبعترفش بالحجات ديه بس لو مصممين يبقي الجدي
ــــــــــــــــــــــــــــــــــــــــــــــــــــــــــــــــــــــــ
مجال دراستك ؟
والله انا كنت من شهور مهندس اتصالات...وبعد شهور إن شاء الله هبقي ضابط في القوات الجوية...ودلوقتي طالب في كلية عسكرية....وبعد سنين مش عارف...يعني حكاية ملخبطة وانا تعبت من التفكير فيها
ــــــــــــــــــــــــــــــــــــــــــــــــــــــــــــــــــــــــ
السفر بالنسبه لك؟
تجديد وتهذيب وتعليم وإصلاح
ـــــــــــــــــــــــــــــــــــــــــــــــــــــــــــــــــــــــــ
المود بتاعك ؟
متقلب لدرجة لا توصف
ــــــــــــــــــــــــــــــــــــــــــــــــــــــــــــــــــــــــــ
وقت فراغك بتعمل فيه ايه ؟
بنام
ـــــــــــــــــــــــــــــــــــــــــــــــــــــــــــــــــــــــــ
الاكله المفضله؟
الجيش علمني احمد ربنا علي كل حاجة
ــــــــــــــــــــــــــــــــــــــــــــــــــــــــــــــــــــــــ
الصفات اللى اخذتها من ابي ؟
الحكمة وبعد النظر
ـــــــــــــــــــــــــــــــــــــــــــــــــــــــــــــــــــــــ
الصفات اللى اخذتها من ماما؟
الاندفاع وطيبة القلب
ـــــــــــــــــــــــــــــــــــــــــــــــــــــــــــــــــــــــــ
اكتر ست حاجات بكرهها ؟
النادي الاهلي
الصول مصطفي
النفاق
التناحة والبرود
البرص - اللي بيمشي علي الحيطه
الاغاني
ـــــــــــــــــــــــــــــــــــــــــــــــــــــــــــــــــــــــــــــــ
لماذا دخلت عالم التدوين من الأساس ؟
اهو غلاسة
ــــــــــــــــــــــــــــــــــــــــــــــــــــــــــــــــــــــــــــــــ
أحلى جملة قيلت في وصف مدونتك؟
اي كلمة حلوة بدون نفاق او مجاملة
_________________________
التعليقات .. بالنسبه لك اهميتها؟
في موضوع كتبته كان اسمه الرحيل...كان قبل ما اروح الجيش بدقايق...وكنت هغيب 45 يوم...كنت مشتاق اوي اشوف التعليقات فيه ايه لما رجعت...وفرحت جدا بإن الناس منستنيش وفضلت تدخل المدونة في غيابي
بس بوجه عام التعليقات في بعض المواضيع بتبقي مهمة اوي عشان معرفة رد فعل الناس هيكون ايه...وعشان فتح باب للنقاش
ـــــــــــــــــــــــــــــــــــــــــــــــــــــــــــــــــــــــــــــــــــ
احلى بوست كتبتيه؟
الابتسامة...انا بحب البوست دا اوي عشان غير حجات كتيرة ادام عنيا
ـــــــــــــــــــــــــــــــــــــــــــــــــــــــــــــــــــــــــــــــــــــ
افضل مدونه قرأتها ؟
اي مدونة كتبت فيهر رد وشكرت صاحبها
ـــــــــــــــــــــــــــــــــــــــــــــــــــــــــــــــــــــــــــــــــــــ
افضل بوست قرأته ؟
كتير جدا
ـــــــــــــــــــــــــــــــــــــــــــــــــــــــــــــــــــــــــــــــــــ
الشغل بالنسبه لك ؟
بحبه اوي
ـــــــــــــــــــــــــــــــــــــــــــــــــــــــــــــــــــــــــــــــــــــ
الانترنت بالنسبه لك ؟
متنفس لحجات كتيرة اوي...وبرضو اختلاط بالناس وثقافتهم المختلفة....بالاضافة ان تقريبا بقي عندي شئ اساسي في حجات كتيرة زي معرفة الاخبار والابحاث
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في النهاية بقول لكل الناس اللي بعتتلي تاجات حراااااااااام عليكم
دا انا غلبان
وانا مش هبعت التاج دا لأي حد...بس اللي عاوز اي تاج من عندي يتفضل ويخده

هناك 44 تعليقًا:

mini arabic يقول...

احترمونا
احنا بنعلق و انتوا ليش تحذفوا تعليقاتنا ما هي اسئلة و السلام و راح عيد وكرر نفس السؤال
هو انت تخرجت من انو معهد للرقص ... ؟
انت مش ملاحظ أنو اسمك مختث حبتين
يا حبيبي دا الرقص حرام
و اما الذئاب فحيوانات لئيمة اوي ... اوعا تكون زيها
بدي جوابني مو تحذف تعليقي
على فكرة أنا بتعت الميني و اذا بتريد اسأل عني فتاة الجنة
تحياتي ليك

الراقـــص مع الذئـــــاب يقول...

إذن فقد بدات حرب الشواذ القذرة
يبدو انك احدهم يختفي ورا جدار وتلقي بكلمات مضحكة
هل تريد الانتقام لنفسك ولكرامتك من الموضوع السابق؟؟
إذن فأظهر شخصيتك الحقيقية...وتمتع علي يدي بوصف تستحقه ايها الشاذ
هل تعلم انك لم تصل الي درجة حيوانات الشوارع بعد؟؟
فحيوانات الشوارع لم تزل فطرتها سليمة...وإذا نبح الكلب لم يختفي خلف الجدران...اري ان الكلاب غضبت حين شبهتك بها...والله لها الحق في أن تغضب

اما بخصوص سؤالك فأجد ان عقلك لم يرتقي بعد لفهم الاساليب المجازية...ودع الكلمات والمواضيع تلقنك هذا الدرس...ولتنعم عندي بالتعلم المجاني

وأما بخصوص الذئاب فأحذر منها...فإن لها انياب ومخالب إذا غرست في قلب احدهم خلعته من مكانه...ولا تجد في قموسها معني كلمة رحمة او مرادف لها

واما بخصوص حذف تعليقاتك فأنا اقوم من فترة لأخري بحملة تطهير في المدونة...

فكثيرا ما يضع يعض الحيونات الاليفة مخلفاتهم العضوية في حديقتي ....لهذا اقوم بتنظيف هذه المخلفات...وهذا ما سوف افعله معك او معكي....

وتحياتي لك

mohand يقول...

السلام عليكم

ارد الاول علي البوةست يا عم
وبعدين ابقي اقول تعليق علي بتاع ولا بتاعت الميني اصلهم مفيش فرق عندهم ان كان بتاع ولا بتاعه
--------------
بقي بتكره الاهلي يا محمد
ماشي يا حج
بس افتكر انا مش بكره الاسماعيلي
انا مش بحب اسلوب جماهير الاسماعيلي بس


ولما انت بتكتب خواطر واشعار
ساكت ليه ومش منزلها؟
مستني يا عم الاشعار دي
عايز اشوف كل ما هو جديد عندك

-------------
بتاعت الميني
او بتاع الميني

اعتقد ان من الافضل تكتبها صح

انا اللي هرد علي اسالتك

بالنسبه لمدرسة الرقص
اكيد واحد بيرقص مع الذئاب يبقي خريج مدارس ذئاب
يعني اللي بتاكل يام يام

الاسم مخنث في ايه
مش شايف اي تخنيث

والرقص حرام لو بالفعل المادي سعادتك
لكن دا بيتكلم معنويا

والراقص مع الذئاب معنها لو شوفت الفيلم مش الرقص بالطبله وهشك بشك
معناها ملاعبتهم ولو بتعرف عربي هتعرف يعني ايه تلاعب الذئاب

وبالنسبه ان الذئاب لئيمة
يا سيدي لئيمة احسن ما تكون عقيمة

وبالنسبه لحذب التعليق
يا جميل مكتوب مدونين ضد البشتيمة

يعني علق زي ما انت عايز بس متغلطش
هتنقد هحبك
هتغلط هلبك
وسلملي علي الشاشه اللي انت بتتكلم من وراها
يا عم الراجل
:D:D:D
مفيش تحياتي

Bossy يقول...

السلام عليكم

حمد الله علي السلامه يا بشمهندس

كل تاج وانت بخير

يظهر يا محمد ان الصول مصطفي عامل معاك شغل جامد بس ليه لبيبا بالذات
اعتقد ان ليبيا مش محتاجه مصباح علاء
ربنا يكرمك يا محمد
بجد بحييك

البنت الشلبية يقول...

سلام عليكم

الردود كلها دمها خفيف بالمقارنة بردودى على تاج من التاجات دى

بجد ربنا يكرمك ويوفقك فى حياتك ويبعد عنك التاجات هههههههه

سلام

همسات دافئه يقول...

1حمدلله على السلامه
2الردود حلوه قوى انا بقى بحب أقرأتاجات الناس الى بعزهم عشان باعرف أكتر عن شخصيتهم وبيزيد احترامى
وتقديرى ليهم

نفسي اجري عليها واخدها بالحض وامسح
دمعيتها
عجبتنى قوى الجمله ده وربنا يصبرك على الصول مصطفى:)))

3القمر مخاصمنى ومش راضى يتكلم معايا:(بحاول أصالحه بس تقلان على آخر حاجه
4عايزه أقولك كلمه واحده
لو أن كل كلب عوى ألقمته حجرا
لكان الحجر مثقالاً بدينار
فلا تستمع لعويل الكلاب لآنها لا تستحق حتى الأحجار الى نلقيها بها
5أسعدتنى ردودك للغايه ترجعلنا بالسلامه ان شاء الله :)
بس خلاص

البنت الشلبية يقول...

على فكرة انا كمان مبحبش الاهلى
يعنى زى مانت قولت ولاد عم وانا على فكرة بحب النادى الاسماعيلى والمصرى لانى بحس انهم بيحبو نادى الزمالك
وانا كمان من الشرقية يعنى جيران وولاد عم

ابسط بقى يا سيدى

سلام

šσяšαяαα يقول...

السلاااااام عليكمممم

انى اتحدث من مدينة التاجات اللى مابتخلصشششش..هل تسمعنى؟؟؟
الووو الوووو حوووووول

بعدين ايه ياراااجل كمية الكراهية والحقد اللى شايلهم فقلبك دول
ماله يعنى الصووون مصطفى..راجل بيأدى واجبه فى تعقيد البشر..وكل من أدى واجبه بجدارة وضمير يجب ان نقدره ونحجزله اوضتين بحرى فقلبنا.

بعدين انت استنيت لما خلصنا التاجات اللى علينا عشان تكون انت مسك الختام
مااااشى ياسيدى واحنا موافقين
لانه فعلا اجاباتك سخسختنى مالضحك
كلها تلقائية بالمهلبية والمكسرات
ماتكلش الطبق لوحدك انا عينى فيه

وبالنسبة بقى للخواطر اللى بترميها دى
ماتعملها مدونة تانية زيي.. خلليها العالم الخاص بتاعك وبالمرة عشان لما تكتب فيها مش هتعرف تقطعها
واكتب فيها ممنوع الدخول والتعليق
احنا هندخل خلسةً ومش هنقولك

انما اييييه المفاجأة الهاااايلة دى..
برج الجدى..داحنا زمايل بقى.. مش تقول كنا عملنالك تخفضيات على رسم دخول البلاعة..ماكنش العشم برضو

عموما امرنا لله عشان خاطر الشعوب الافريقية مش هنزعل وليك ديسكاونت مخصوووص علشان برج الجدى.. بعيدا عن عيد الاضحى:D

وسلااااامااااات بقى احسن انا رغيت كتييييير

قلب أبيــض يقول...

اولا اسلام عليكم
انا نفسى اعرف هو ايه موضوع التاجات اليومين دول
ايه كل ما ادخل على مدونة الاقى اكتر من تاج فى نفس المدونة
ايه هو فية ايه
اعذرنى على الدخلة الحامية دى
وانتا مدونتك جميلة والله
ربنا يخليها لك
بس ازاى انتا مش عارف هدفك فى الحياة؟
عموما
سلام عليكوووا

Doba يقول...

يا عينى يا بنى - انا حسيتك بتنهج بعد كل صراعات التاجات دى كلها - يلا اهى برده احسن بكتير من تكدير الصول مصطفى كل يوم الصبح

اجاباتاك حلوة بس حسيت انك متمرد بشكل عام على اى شىء لا يتوافق مع المود بتاعك فى الوقت ده - بس اعتقد ده من سرعة الاحداث فى حياتك فى الوقت الحالى - ان شاء الله لما تتخرج وتبقى ظابط فى القوات الجوية مودك هيهدى كتير وتفكيرك واندفاعك هتقدر تتحكم فيهم بطلاقة

تحياتى يا محمد وأمنياتى بتحقيق كل احلامك - سلاموز

هبة

حقوق الضباط الإحتياط يقول...

مسيو دانسرررررر
معلش ملحقتش ارد عليك قبل ما تمشى بس حاولت اكلمك على الايميل انت مردتش
المهم يا سيدى مبروك نزولك الاجازة لان النزول دلوقت بقى اقتناص فرصه كبيرة
وصلنى خبر كما كنت جزاءات يا كبير ومبروك الخير بدأ يعم عليكوا اهوووو ( وش بيغمز) ومش قصدى اقرررر ولا احسسسسد
وابسسسسسسط كمان يا عممممم عندى لك خبر مش عارف وصلك ولا اييييييه, واحب افرح بيه حبايبك كمااااان: الصول مصطفى رااااح سين 8 وسابكوا يا سيدى, ابسسسسسسسسط بقى
اراك الاسبوع الجاى باذن الله يا باشا واحب اعرفك انى تقريبا كل يوم او اتنين فى سيتى ستارز وما يقاربها يعنى ابشر فتره المعهد دى فسسسسسسسسح واخر تهريج
سلاااااااااااااام

ما علينا يقول...

السلام عليكم ورحمة الله وبركاته

حمدا لله على سلامتك
ايها الراقص مع الذئاب

كدا يا محمد
بتكره الاهلي
ماعلينا

وصحيح فين الخواطر والاشعار دي

وحرام عليك كل الكره دا للصول مصطفى

خسارة فيه كل الكره دا

عارف يا محمد
في مثل بيقول
مالقوش في الورد عيب قالوا له يا احمر الخدين

اهو البتاع ولا البتاعة دي
زي الاخ مهند ماقال

لو كانوا شافوا الفيلم
او فهموا المعنى المجازي للاسم
كانت عرفت ولا عرف
اد ايه السؤال هايدل على تفاهة وسطحية

لكن معذورين
ناس شهواتهم بتحكمهم
طبيعي تغيب الحكمة عنهم
ويعجز منطقهم ان كان لديهم
عن فهم المعاني البعيدة

حتى وان كان المعنى القريب
اجد ان الرقص مع الذئاب لا يمت
لصفة المخنث بصلة

تصدق
انا كنت ناوية اقولك بلاش تضيع وقتك وجهدك في الرد عليهم
لقيت نفسي باكتب كدا تلقائي

يللا ماعلينا

طولت انا كدا

سلام ايها
مع الذئاب

mini arabic يقول...

أهلا
ردود مهضومة أوى و ضحكتني كثير
أنا مكنتش مصدقة و انا أقرا انكم شاهدتم فيلم الرقص مع الذئاب : دا بيحاكي بطريقة أو بأخرى معاناة شعبنا في فلسطين ، اصل قضية الهنود الحمر بتشبه قضية فلسطين ... دنتوا بقى متفتحين و بتشاهدوا التلفاز ... لا و بتشجعوا منتخبات رياضية كمان ... و أو مال عاوزين تحبسونا في الجلباب ليه ... ؟
بصو بقى
أنا لما سالت أنو الإسم مخنث أو لأ مكنش قصدي التجريح ... ربما سؤال مستفز ... بس أنا كنت أسأل عشان المعني المجازي بيفسر في الاتجاهين : يا إما بطل و راورغ الذئاب يا اما .... و نهشوه الذئاب
مش عايزة أقول الكلمة أصلي أنا ضد البذاءات و مكنتش اتوقع أنكم شاهدتم الفيلم أصلا
لا علينا ... زي ما بتقول اختنا
بس سؤال بسيط انا مش فاهمة ... ايه اقصدكوا بتاع الميني ... ؟
و ابقوا اتعلموا من فتاة الجنة أساليب الحوار المحترم ... و الله بنت سكرة وزي الفل
على فكرة هي البنت دي غايبة بقالها مدة عن التدوين ... ان شاء الله خير
طمنونا عليها بقى
تحياتي و خاصة للمسمى مهند عشان ضحكت كثير و انا اقرا ردو ، اصل ازدواجية المعايير جلية في كلامو ... و لا كلاب و شواذ( هو اللي بتلبس ميني تبقى شاذة ) مش شتائم و بذاءات يا حبيبي
احترموا مبادئكم ليحترمها غيركم ... أما انا فكنت اسأل سؤال مش بردد بذاءات و لا شتائم
سلام

mohand يقول...

السلام عليكم

حبيبي محمد
معلش يا باشا مضطرين نرد بس

علشان هي قالت اللي يسمي مهند

لازم بقي نرد مش معقول حد يندهلي ومردش


نعدد بقي الاجوبة علي الاسئلة

1- لم اذكر كلمة كلاب ولا شواذ في كامل تعليقي

2- لم اعطي اي انطباع بازدواجية المعايير

3- من يحترم الاخرين يفرض علي الاخرين احترامه

4- الميني جيب شذوذ اذا كان في مجتمع لا يقبل به

5- لا يوجد اي تشابة بين الهنود الحمر والشعب الفلسطيني

6- فتاة الجنة استخدمة معكي اسلوب محترم وفي نفس الوقت اسلوبك لم يكن محترم

7- اضحكك الله كثيرا حتي ياتي يوم اجلك وانتي تضحكين ان شاء الله

الضحك حلو طبعا

8- لا يوجد سؤال من ما ذكرتيه لمحمد يدل علي حسن النوايا حتي واذا كان القارئ عبيط

9- لم يفرض عليك احد لبس الجلباب ولم يفرض عليكي لبس الميني جيب او الميكروجيب او حتي الميكروفيلم

الا بالحق هو ينفع يتلبس الاخير ده

10- تعتقدين اننا لم نري الفيلم علي اساس ان التلفزيون في مصر خيال علمي؟

11- تتكلمين باسم الدين ان الرقص حرام وفي نفس الوقت تلبسين الميني جيب وكأنه حلال

من منا له ازدواجية معايير

12- لا تملكين مدونة حتي نعرف ما هي هويتك الثقافية او الفكرية او حتي الجنسية

13- حتي وان كان راقص كراقصة لماذا يعطيكي ايحاء بالتخنث الا يوجد راقصين باليه وتانجو وما الي ذلك

14- اه احنا بنشوف ماتشات ومنتخبات علي اعتبار اننا بطل افريقيا 2006 وعندنا نادي القرن الافريقي وثالث العالم
وخدالي باللك انتي؟

15- من زمان بسال نفسي امتي هتتحرر فلسطين

وعرفت الاجابة من فترة
ودلوقتي اتاكدت من الاجابة دي

لما تتحرر من المستغربين

تبقي تتحر من الاسرائليين


16- ربنا يهديكي ويريحك ويهنيكي ويطمنك ويبسط ويضحكك حتي مماتك

;)

المسمي
الاستاذ السيد المحترم / مهند

:P:P:P:P:

mini arabic يقول...

آسف أوي للراقص مع الذئاب اني حعلق مرة اخرى و انا حاسة انو مش طيقني حتى
عشان مظطرة اوضح حاجة للبتاع داه او المسمى مهند
أصل أنا لما قلت ازدواجية معايير يا حبيبي ما كنش اقصدي انك استعملت كلمات بذيئة معي ... دنتا كنت دافع عن صحبك الراقص متناسي كل كلماته البذيئة و اللي قال فيها شواذ و كلاب دا بدل ما بتنصحوا زي ما نصحتني دول الاصدقاء أولى بالمعروف ولا أنا غلطانة يا حبيبي
فهمت و لا لسه
و أذكرك بالجملة اللي قلتهالي : وبالنسبه لحذف التعليق
يا جميل مكتوب مدونين ضد الشتيمة
رغم أني ماشمتمتوش دا هو الي شتمني ... حترد تقول ايه ... ما انا عارفة انت البادئة وانت الظالمة ... بس مسامحين
دانا قلبي ابيض زي الفل
و اذا أصر على حذف تعليقي البريء و هو حر لازم كمان يحذف تعليقو المشعشع بالبذاءات و لا انا غلطانة كمان يا مان ... اصل انتو رجالة و بتاع مبادئ و مش بتاع اي كلام
في الاخير أنا لما اعلق مش لأمدح فلان وعلان ... بس لافتح نقاشات و ترقبوني في تدويناتكم القادمة
أو مال حولعها ... دنا بحب النقاش والجدل اوي ... بس ياريت تتسع صدوركم للراي الآخر
سلام

Unknown يقول...

تلاتة مرة واحدة؟

الله يكون في عونك ياراجل والله مش كفاية اللي بيحصلكوا هناك كنتوا ناقصين التاجات ؟
:))

ربنا معاكو

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

mohand يقول...

السلام عليكم

أحم أحم

يا جيبه

يا كميله يا حبيبه

اولا اذا اردتي ان توجهي ليا كلام يبقي تقولي الاستاذ مهند

لعلمك يعني

لا بتاع ولا مسمي
:D:D:D

انا كاتبهالك علشان لو بتعرفي تقري تكتبيها

واخدالي باللك انتي

ثانيا انا كاتبلك تعليق 16 نقطة
رديتي علي نقطة وكلكعتي الباقي

ومع ذلك
نقولك تاني


انتي مثلية
شاذه جنسيا يعني ؟

دا مقصده من الشواذ الشواذ جنسيا

وهو شايف انهم كلاب مع اني معترض علي تشبيههم بالكلاب


تاني مره لما تتكلمي معايا تقولي استاذ مهند
لاننا مش اصحاب علشان تذكرييني باسمي عادي كده

وغير كده انا اقول عليكي بتاعه لانك كاتبه بتاعت الميني

يعني انتي واصفه نفسك بكده

اما انتي متقوليش غير الاستاذ مهند

علشان ارد عليكي بس

يالا بقي وريني مناقشاتك المفيده بعيدا عن ال...... اوك

سلام

smraa alnil يقول...

اولا ازيك يا محمد
اخبارك ايه
واضح جدا كرهك للصول مصطفي بس اشمعني ليبيا يعني

اسمحلي يا محمد اتكلم معاك شوية انت ومهند وبتعت الميني

اولا

محمد

لازم يتسع صدرك اكتر من كدة
ولازم تتقبل اي راي اي كان
وكان لازم تكون ردودك دبلوماسية اكتر من كددة

طبعا انا مش عارفة مين بتعت الميني

ولو هنفترض جدلا
دة جدلا يعني انها من المثليين

تفتكر ان بكلامك وتشبيهك الشواذ والكلاب هل هي كدة هتخضع لكلامك وتعيد تفكير في اللي هي بتعملوا
طبعا لا

اللي عايزة اقوله يا محمد انت وممهند

ان لازم كل واحد فينا يحترم الاخر

بفكره وسلوكه وطباعه وتصرفاته

اي كانت

بتعت المني هي بتحب الميني وبتحب تلبسه
لست انت مسيطر عليها

واذا هي اوضحت ذلك بحبهاواردت ان تكسب ثواب فالنصيحةالهادية والنقاش العقلي الهادئ

علي الاقل هتجبرها انها تحترم رايك وتسمع لكلامك

لكن يا جماعه اللي عايزة اقوله
ان مش في داعي اننا نشتم الملحدين والمثليين والعلمانيني والكفرة حتي

عشان هم يحترمونا لازم نحترمهم

لازم تتقرب منهم الاول وتعرف هما بيفكروا في ايه

جايز يكون كلامي غريب
بس هكحي موقف حصل

كنت في حفلة وحضر واحد من المثليين اللي كنت بسمع عنهم وذلك لشهته ومع العلم هو مش مصري

طبعا كنت بقرا كلامه بس مش كنت بعلق عنده
وعمري ما تخيلت اني ممكن اواجهه شخص يكون مختلف في الطباع والميول

وكانت صدمة لما عرفت ان الخص دة نزل مصر وحضر الحفلة دي

وتلقائة مني سالته هل انت فلان الفلاني

والحق اقول ان بعد كلامي مع الشخص دة وانا مش صغيرة علي حكمي علي الناس
بس اكتشفت انه جدع
ومش عايزة تريقه

الولد طيب اوي ومفتقد حاجات كتير جايز لو المجتمع كان روؤف بيه مش كان وصل للي هو فيه
يكفي اني مديت ايدي وسلمت عليه
ودعتله بالهداية والمغفرة
ومش عايز اقولك كتب عليا ايه لما سافر بلده تاني
ومش عايزة اقولك كمان انه بدء يتجهه للكتابة الادب
بدل من كتابة حكاايته

اللي عايزة اقوله تاني
ان الشتايم والاندفاع في الحكم علي الاخرين لمجرد انهم مختلفين عننا
مش صح
خاطبوا الناس بالمعروف


واذا اردت ان تطاع امر بالمستطاع

افهمها بطريقة تانية

كان هيجري ايه لو كنت رديت عليها بطريقة كويسة من غير شنايم

اما الكلام اللي ليكي
بتعت الميني

ياريت تعملي بلوج ليكي عشان كلا نتشارك بفكرك

وهطلب منك طلب تقريبا زي الطلب اللي طلبته من محمد ومهند


طبعا انا مش عارفة ايه التعليق اللي اتحذف هل هو في البوست دة ولا اللي قبليه


بس اللي بتمناه عدم السخرية من كتبات الاخرين
والهدوء في النقاش


الكلام دة للكل

موقف تاني هحكيلكم عليه

كان من فترة بتكلم مع شخص اسمه محمد
يعني هو مسلم

المهم الضهر ادن عليا طلبت منه يروح يصلي ويديني فرصة اني اصلي انا كمان
فوجئت انه بيقولي انه مش بيصلي
من هنا لهنا اكتشفت اصلا انه مش مؤمن بالاديان

لااتنرفزت ولا استكرت ولا قفرت ولا اي حاجة من دي
عايزة اقولك اني اتكلكمت بمنتهي الدوؤ
وحاولت افهمه

جايز يكون مش اقتنع

بس انا عملت الصح
وبشهادة منه اني اول بني ادمة يسمعلها للاخر وتتكلم بالهدوء دة

انتو فاهمين انا عايزة اوصلكوا لايه

ياريت مش في حد يزعل مني
انا بتكلم بحكم اني اختكم الكبيرة
:)

shermen يقول...

meen el sol mustafa da?
egabatak lazeza awy
ana 3an nafsy ebtasamt lama kra2taha (it make me simle)
bye-bye!!

gohayna يقول...

طبعا انا خرجت من موضوع التاج لموضوع الناقاش الحاد بينك وبين بتاعت المني ومهند

وقد ايه زعلت علي كل المقاييس

زعلت انكم بسنكم وعقلكم وتدينكم ودمغكم المفروض تبقي عاليه بتردوعلي اسفاف بالشكل دا

هو دا الي جابينا لورا والله
اننا بنعمل للاشباه قيمه في دنيانا

مجرد خيالت فارغه واحنا بنملاها بهاتممنا

لكن لو سيبنها هتضمحل لوحدها وتختفي لان مسيرها للعدم عاجلا ام اجلا

مفيش قانون ضد الطبيعه بيستمر حتي لو لقي المجال لبعض الوقت

ظاهره زي اي ظاهره بتظهر وتفرقع في وقت من الاوقات وبعدين مسيرها تختفي

صدقني يا مهند

نقاش عقيم وملوش اي لزمه

وبيدي قيمه لمن لا يستحق

ولو فرضنا حسن النيه في كلماها منذ البدايه

عشان افرض حسن النيه لازم الكلام يكون بيدل علي كدا

من البدايه الكلام كان غلط

والردود عليه كمان كانت غلط

محمد
اتسحب لاسلوب مش بتاعه ابدا ولا يليق بيك ابدا

وحتي الالفاظ الي قالها صحيح ممكن تكون حقيقه

لكن مينفعش نقولها برضه عشان مننزلش بمستوانا

ونكون زي ما غيرنا بيعمل

مهند الكلام دا ليك

خلاص متردش
مش عشان ضعف
لكن عشان رقي وسمو
باخلاقك وثقافتك وعلمك واسلوب نقاشك

انت اعلي من كدا بكتير وانت عارف كدا

وانا عافه انك في اي نقاش بيدور لازم تكون دايره صح
بقيم واسمو ورقي

مش ممكن يعني نتسحب لتحت كدا وانتوا مش حاسيين

وقفا المهزله دي بجد

بامانه احسن حاجه محدش يرد

عشان الوهم والسراب ينقشع من غير ما يتعب عنينا ولو للحظه

تحياتي ليك يا محمد رغم زعلي منك

وتحياتي ليك يا مهند
رغم برضه زعلي منك لانك مفهمتش الحيله صح

mohand يقول...

السلام عليكم

صعقت من تعليق سمراء النيل

الصاعقه مش هتخليني اعرف ارد

انا ممكن اناقشك يا سمراء

بس مش هفضل ده

تحياتي واشكرك للنصيحة

----------------------

جيهان

اشكرك برضه بس مينفعش مترديش علي شخصيه ممكن حد يعتبرها ضعف
في ذات الامر انا كنت بتكلم عن محمد

وغير دا كله

انا مغلطش باي كلمة في بتاعت الميني
واتحدي انها تطلعلي كلمة سب فيها


وفي النهاية اشكرك

تحياتي

gohayna يقول...

مهند مجدر ردك عليه في حد ذاته غلط

انا مقلتش انك سبيت او شتمت

لا انت ولا محمد


انا بتكلم ان مجرد الرد علي كلام زي دا يعتبر في حد ذاته غلطه

عشان كدا بنحسس الناس دول باهميتهم وقيمتهم

يعني احنا الي بنخلق وجودهم

يارب تكون فهمتني

smraa alnil يقول...

مهند

ليه صعقت من ردي
لاااااااااااا

اوعي تكون زعلت مني

ياريت تقولي ايه اللي صدمك من تعليقي

وبعدين ناقشني زي مانت قلت

بس وحياة اغلي حاجة يا اخي ما تزعل مني
انا وجيهان بنتكلم بصفة عامة يا مهند

gohayna يقول...

كلامي المره دي للصاحبه المني جيب

حقك ان الناس تحترمك وانهم ميتفوهوش باي لفظ خارج سواء بسلامه نيه او بسوء نيه

وواجب انتي كمان انك توضحي وجهه نظرك بشكل ميكونش فيه لا التباس في الفهم ولا ان الي قدامك يفهمك غلط



لو غلطك الوحيد انك بتلبس مني جيب

يبقي ربنا يكتبلك الهدايه والغفران من عنده

يا ما امثله كتير في دنيتنا وكانت مثال سيء ووجه للانحراف

وربنا تاب عليهم

لو جبنا امثله من التاريخ

عندك رابعه العدويه مثلا

كانت فيها كل العبر

وبقيت مثال للطاعه ربنا يوصلنا ليها يارب


اما لو كنتي او كنت من الشواذ فدي حاجه ترجعلك

بس ساعتها مش هينفع ارد او اساسا

لسبب في نفسي جايز اكون وضحته لمهند

الي عايزه اقوله

اننا نلتزم كلنا باداب الحوار
ووللهجوم
او الدفاع

اصول وطرق

من غير ما نجرح بعض

ومن غير ما نقل ادبنا علي بعض

يارب تكون كدا الصوره وضحت

شمعة أمـــــل يقول...

اجابتك جميله اوى برغم انك بتكره الاهلى بس عشان تعرف ان الاهلاويه عندهم روح رياضيه
وبالنسبه لموضوع بتاعت المينى فخاطبوا الناس على قدر عقولهم
ويظهر انها داخله لمجرد الاستفزاز فحاولوا تكونوا اهدى من كده واتناقشوا بحكمه اكتر

mini arabic يقول...

يا مصبتي
هي مين دي المثلية .... لأ بقى دنتو زودوتها حبتين
مش معقول كده ، هو الي بتقول كلمة و لا اثنين تلفقولها تهمة
لا يهم اصل القذف و الظن و الشك و الهمز و اللمز كلها آثام حتتحسبوا عليها بقى و حياخذ ربنا من حساناتكم و يدينا الكثير ... آه و أو مال
أولا للباش مهندس مهند أنا اسمي ماريه تأسيا يعني بزوجة الرسول القبطية زي ما بتقول امي ... آه و الله
و بلاش تزايد على القضية الفلسطينية
ثانيا للاخت الكريمة سمراء النيل دنتي منورة بأدبك و اسمحيلي اتشكرك كثير
هو الصراحة أنا لما دخلت عالم التعليق فلسبب بسيط هو كسر الجمود ... اصل كل المدونين يمتدحوا في بعضيهم ... و لأتني بردد : لأ بقى مش معقول كده يا بنت يا مارية انت لازم تولعيها زي حبيبنا فيصل القاسم
اتحملونا بقى شوية ... مش معقول صبركم نافذ للدرجة دي يعني
ثالثا لاختنا جهينة : لا لسياسة النعامة
انت لازم تواجهي وتناقشي و مش تهربي و تقولي دول ما بيستهلوش
في الاخير دنتي نفسك رديتي ... يا لا بقى متشكرين يا حببتي
هو الميني مش لبس يعني ... عادي
أخيرا انا مش ضد أحد ولا حتى المثليين و يعيشوا حياتهم زي ما هم عايزين ... الدين المعاملة و مثليتهم شيء شخصى يعنيهم لوحدهم
هو بقى المثليين عاملين مدونات كمان ... لأ بقى انا لازم أزورهم و علق و ولعها زي العادة
يا ريت بس يتحملوني على فضاضتي و طول لسان
سلام و متأسفة للراقص اصل موضوع التعليقات انحرف شوية ... بس على مسؤوليتك ومسؤوليتهم دنتوا الي زودتوها شوية

mohand يقول...

السلام عليكم

فاهمك والله يا جيهان وفاهم قصدك ايه وانا برد عليكي وبقول اني عمري ما غلطت في حد بشتيمه حتي المثليين

واتحدي اي حد يجبلي تعليق فيه سب وقذف لاي شخص

ممكن بالادب لكن بالشتيمه لا

---------------
سمراء النيل

ربنا ميجيبش زعل

مش هناقش لاني لو ناقشتك انتي وانا هنزعل
وانا بنسحب من الحوار في حالتين
لما الاقي مفيش اي نتيجه ومجرد سفسطه وخلاص
ولما الاقي ان المناقشه هتخليني اخسر شخص
ودا سبب امتناعي عن المناقشه معاكي

بس اللي عايز الفت انتباهك ليه في تعليقك وصدمني

انك بتكلمي الكل بنفس الصيغه والكيفيه والهجوم والنصح

امسكي التعليق وفسري كل الكلام لمين بالظبط

ساعتها ممكن اناقشك لان انا شايف ان اغلب تعليقك مش ليا ومع ذلك انتي ادخلتي اسمي في اغلبه

وراجعيه تاني واتاكدي
واكتبيلي بقي الكلام اللي موجهه ليا انا شخصيا بالظبط
علشان اعرف اناقشك وارد

حاجه كمان
انتي متعرفيش سني يا انجي
دا لمجرد المعرفة بس
واشكرك للنصيحه برضه وصدقيني انا مش زعلان والله ولو عايزه تناقشيني زي ما قولتلك وجهيلي الكلام بالتحديد وانا هرد
----------------------
مارية
احترم فيكي انك شايفه ان الكل بيجامل بعضه والطريقة دي مش كويسه وانا شخصيا مش راضي عنها

بس لما تحبي تفتحي نقاش ناري يبقي في موضوع لكن مش هجوم شخصي علي شخص بذاته وصفاته

بالنسبة لاننا البادئين
حضرتك بدأتي باسلوب معين فيه اهانة الي حدا ما
ومعلش ان كان كلامي كان مستفز شويه
ويا ستي اهو علي الاقل ضحكك

بالنسبه انك مش مثلية
ووجهه نظرك انهم بشر وطبيعين ومن حقهم والكلام ده واللي قالت زيه انجي

انا مش هجادلك فيه لانها وجهه نظرك

دا غير انه لا وقته ولا مكانه
لاني بعلق في مدونة اخ عزيز ايوه بس في النهاية مش بتاعتي

وعموما زي ما قولتلك
متزعليش
واهلا بيكي يا مارية وتعليقاتك الناريه

تحياتي

استاذ مهند
:P:P:P:

mohand يقول...

السلام عليكم

نسيت صحيح

سمراء
تعرفي ليه اهل مدينة لوط كلهم حق عليهم العذاب؟

وليه ربنا انجي لوط وابنتيه فقط حتي زوجته لم ينجها؟

رفقة عمر يقول...

السلام عليكم
عندك هناك مناقشه حاميه جدا خرجت الناس عن الموضوع الاساسى هو التاجات
عجبنى قوى افضل شخصيه كرتونيه القذافى بحسه كدة فعلا ضحكتنى ربنا يكرمك يارب
ويوفقك
اجاباتك لذيذه وخفيفه

smraa alnil يقول...

مهند

كلامك مش كان فيه لا شتيمة ولا اي شئ
وبعدين مين قالك يا استاذ اني هخسرك
ربنا ما يجيب خسارة ابدا

الا اذا كنت هتضربني
ههههههههههه

ساعتها اجيبلك الراجل بتاعي

بص يا مهند

انا طبعا عارفة ليه قوم لوط حق عليهم العذاب وهم اهل به

بس تفتكر ان ربنا سبحانه وتعالي
اتي عليهم العذاب بعد اد ايه

العصر اختلف
والازمنة اختلفت

وقوم لوط منهم كتير اوي من فعل المعصية فقط ليغضب الله

انما في عصرنا دة اختلفت الاسباب

سبب عضوي واللي نفسي واللي اجتماعي واللي تعرض لحادثة زمان
واللي بيقول ان ربنا خلقه كدة

وتلات اربع الناس دي مش عارفين دينهم كويس
سواء مسلمين ولا مسيحين

نيجي احنا بقي ونقول ليهم انتو كفرة وهتروحوا النار

عشان انتو مثلين او علمانين

لا

بس نتكلم براححة ونشوف ايه السبب اللي يخلي واحد زي دة يعمل كدة

اقلها ان كان في واحد مثلي

وبيفعل المعصية عارف ليه
عشان في ناس قالتله انت كدة كدة رايح النار عشان انت كافر

فبقت مش فارقة معاه

لكن اتكلم مع خص براحة وبهدوء

عارف كانت ايه النتيجة
النتيجة انه بعت لعمرو خالد بيحكيلو فيها علي مشكلته

وطبعا عمرو خالد اتكلم معاه بمنتهي الهدوء ودعاه للمغفرة والتوبة

الولد دة لسة ميوله زي ماهي

بس مش بيطاوع نفسه في عمل المعصية

لانه بالعقل والراحة عرف انه غلط

انا راجعت تعليقاتك تاني
وعارفة كويس انك مش غلط ولا شتمت ولا اي حاجة من دي
انا وجهت الكلام للكل ليك ولمحمد

لان انت رديت عليها

ومحمد كمان رد عليها

انا وجهت الكلام للي رد

وبوجهه بصفة عامةة علي اساس برضه انك رديت

فاهمني

وبعدين انت ليه عصبي

يعني فكرة انك تناقشني ياما تخليك تخسرني يا اما هتحس ان مش في نتيجة

في كلا الحالات هتقبل منك اي كلمة
ويا تقنعني يا اقنعك

لكن نخسر بعض دي لا

خلقنا لنختلف

ولو اختلفنا يبقي لازم نحترم راي الاخرين

نرجع بقي في جزء من كومنتك لماريا

ان انت بتقول فيه


بالنسبه انك مش مثلية
ووجهه نظرك انهم بشر وطبيعين ومن حقهم والكلام ده واللي قالت زيه انجي


مهند انا كلامي واضح

انا مش بقول انه من حقهم انهم يعملوا كدة
ولا بشجعهم علي المعصية
استتفر الله العظيم علي دة
لاني عارفة كويس اد ايه دة غلط
وانا عمري ما قلت انه من حقهم
انا كل اللي عايزة اقوله اني لو عايزة امنع دة يبقي من غير شتيمة واتهام صريح للشخصية
احترم احساس الشخص
لكن مش احترم افعاله

احترم ادميته
لكن مش احترم افعاله

اكلمه براحة واعرفه بالعقل والقرآن والسنة مدي جريمة اللي بيعملوا
لكن مش هيفيدني لما اقوله انت زي اي حيوان في الشارع
او كلب
وان مصيرك النار
ما اعلمك انت ان مصيره النار
مش جايز يتوب عن افعاله
ويكون افضل منك
يا مهند

ان الله يفرح بعودة عبيده اليه

ان الله يفرح بعودة التائب

فادعيله بالهداية والرحمة
وانه يتجنب فعل المعاصي
مش بالتريقة عليه

دة اللي كنت اقصده يا مهند

فاهمني ولا اجي اضربك انا
:))

mohand يقول...

السلام عليكم

النقاش مش هينفع في الردود علشان لو قعدنا هنفضا نبعت ردود للصبح

لان في كلام كتير معترض عليه وكلام كتير متفق معاه

واسالي جهينه انا فهمتها وجهات نظري وهي عارف ومستعد افهمك برضه

بس لا دا المكان ولا الوقت علشان دي مدونة محمد


ارجع بقي لكلامي

هاتيلي برضه كلمة عندي قولت فيها كلام للشواذ

علشان برضه نكون واضحين

انتي بتخاطبيني كأني كلمتها ونصحتها

ولعلمك انا مبنصحهمش اصلا
انا بس اللي فيهمن بيقول ان ده صح بجادله

كونه انه يقتنع ويرجع ولا لا
ميخصنيش

المهم اني اظهر انكاري للمنكر وامري بالمعروف
علشان ميحصليش زي قوم لوط

وبعدين اش عرفك بالزمان اصلا يا انجي

يعني مين قاللك انهم طغوا ميلون سنه


انا خهجبهالك بقي بالزمن

واوريكي انها مكنتش مدة طويله


لوط ابن عم ابراهيم

هاجر لمكان قوم لوط
وبدأو في المعصيه
نصح فيهم
وبدليل انه تزوج منهم دا دليلي ان المعصيه بدجأت بعد هجرته ليهم

المهم حصل ان ربنا بعثلة الملائكة وحق العذاب علي القوم
وذهب الي سيدنا ابراهيم

سيدنا ابراهيم عاش كام سنه بقي؟

علشان اوضحلك ان المدة الزمنيه مكنتش طويلة

وللحديث بقيه الموضوع مينفعش في كومنت صدقيني

لاني معترض علي اكثرية كلامك

تحياتي

mohand يقول...

السلام عليكم

نسيت اقولك اني كمان منصحتهاش علشان متلبسش ميني جيب او غيره برضه
كلامي كان رد علي كلامها لمحمد
ليس اكثر

وانا مش متعصب يا انجي وعمري ما استخدمت العنف كطريقه للحوار
في حياتي كلها

بس انا عندي قول الحق مفهوش تمييع ولا تسييب
متزعليش مني يعني

الحق احق ان يتبع
انا اقول الحق واللي مش عاجبه براحته بقي

وعايز اقولك علي حاجه صغيره صحيح

انتي بتقولي اسلوب الاستهزاء والاستنكار وكده مينفعش

انتي شوفتي القصيده اللي انتي كاتباها للسيد الرئيس

كان فيها استهزاء واستنكار ولا لا؟

الاستهزاء والاستنكار طريقه متبعه في النقد والتعبير الحر عن الرأي خصوصا لو خصمك بيتبعه

مش بقولك الحوار كبير قوي

معلش بقي طولت
السلام عليكم

truelove يقول...

باين يا جماعة في ماسورة تاجات ضربت في المدونات مدخلش مدونة الا والاقي فيها تاج ايه الموضوع مالكم على العموم يامحمد انا ببلغك سلامي الكبير للصول مصطفي وكل الصواليل اللي في الجيش وخصوصا الصول عبدالله علشان هو ده اللي في الجيش مع خطيبي وربنا يكرمك وتخلص على خير

gohayna يقول...

بتاعت الميني

انا مدنتش نفسي ولا حاجه

انا افترضت فرضين حضرتك لو اخدتي بالك
انك اما انسانه متحرره والسلام وعندك مجموعه من التعليقات عايزه تقوليها

او انك مثليه

وفي الحالتين لو ركزتي هتلاقيني رديت وقلتلك لو انتي منهم فانا همتنع عن النقاش تمام معاكيس

ودي اعتقد انها حريه شخصيه

تمام زي ما بتنادي بحريتهم وحريتك

وبما انك طلعتطي براءه من التهمه المنيله دي

فاهلا وسهلا بيكي لو عايزه تتناقشي علي الرحب والسعه
اهو المني جيب اهون برضه من المثليه اكيد بمراحل

تحياي يا ستدي


مهند وانجي بطلو خناق شويه

mohand يقول...
أزال المؤلف هذا التعليق.
mohand يقول...

السلام عليكم

محمد

لو رجعت وتسألت المناقشه توقفت ليه
هي انتقلت لمدونة سمراء النيل

تحياتي
انت مفروض ترجع النهاردة

الاربعاء

R.R يقول...

السلام عليكم
3 تاجات مره واحده
:)
اجاباتك مرنه
بس سؤالين كده
ليه متغاظ من الصول مصطفى
وليه عاوز تشترى قرد
؟
:)
يلا سلامات

محض روح يقول...

اولا حمدالله على السلامه يافندم
واسفين على التاخير
ثانيا شيفه الخنقات لسه مستمره

وزي ماقولت في تعليقي عندك زمان
صعب دول يحسو انهم غلط لسبب واحد هما جين يهربو لعالم افتراضي يطلعه فيه كل اسقاتطهم
مش حبين ومش عايزن يتناقشو

على العموم ربنا يهدي الجميع

ياريت توصل سلمنا للصول مصطفى

على العموم ترجع بالسلامه وتحياتي يااخي الكريم

Ma 3lina يقول...

ايه ده انا مكنتش اعرف ان تاجى لسه مخلل عندك انا قلت طنشت عليه

المهم مبتحبش الاهلى دى احلى حاجة بجد
انضم لنادى كارهى الاهلى

المهم انت ايه الاخبار فينك ؟؟؟

قطوف يقول...

كلام كويس قوى انا كنت مبسوط ربنا يخليك


على فكره مدونه رائعه

ftataljanna يقول...

السلام عليكم

ازيك يا استاذ محمد ان شاء الله ترجع بالسلامة وتبقى طيار اد الدنيا :)

اجاباتك عالتاج ما شاء الله

بس فعلا انا حابه اعرف اشمعنا قرد واشمعنا فى البلكونة:)

انا عرفت مدونة حضرتك من تعليقك عندى مع انى شفت تعليقات كتير لحضرتك فى مدونات تانية وكنت ناوية ازور مدونتك لما الوقت يسمح

على اى حال خى مدونة جميله وان شاء الله اكمل بقية مواضيعها قريب

جزاك الله خيرا

رينـــــــــــا يقول...

السلام عليكم
ال ال ال ايه المناقشاااااااااات دى
خرجنا عن التاجااااااااااات الجامدة
بجد اجاباتك جميله جدا وضحكتنى وعايزة اعلق على حاجات كتير بس طبعا كفايه عليك اللى هتقراه
ومش عايزة ادخل فى النقاش
لانك ااكيد عارف رأى
ومش كل مرة هقول انى برفض تماما طريقه واسلوب النقاش دا
ودا مش بيكون نقاش اسمحلى ان جاز التعبير بحس ان اتنين بيردحوا لبعض وانا مش بحب كدا خالص
الاسلام امرنا بحسن الاختلاف فى الرأى
وللاسف احنا بنطبق الاسلام فى الاجزاء اللى بتعجبنا بس مش فى كل حاجة

النقاش احترام وجهات النظر وان كنا مختلفين
ومعتقدش ان ربنا امرنا ان لما حد يغلط فينا نرد عليه بالاساءة!!!!
معلش يا محمد اسمحلى انت ومهند
انتوا اللى بتجيبوا لنفسكم ان اى حد يتطاول عليكم
ممكن كلامى يزعلك ويزعل الناس
بس هو دا وجهه نظرى
وانت عارف اد ايه انا بحترمك وانك اخويا
بس انا شايفه انك بالطريقه دى بتقلل من نفسك

تقبل احترامى

M A K I يقول...

ماقدرتش أمنع نفسى من عدم الرد على البوست الهايل ده
أولا ردودك تحفة وهايلة جدا
أما ردك على الحيوان _آسفة ماقدرتش أسميه لفظ أليق_ اللى ف أول الردود كان أكثر من رائع