Translate

السبت، 22 ديسمبر 2007

تاج العيد الكبير

السلام عليكم
دا يا جماعة تاج من الاخت رفقة جزاها الله خيرا عيدية العيد بقي
-------------------------------------------------------
ماهى سورتك فى القران(اى احب سوره اليك تقرأها فى فرحك وفى حزنك)؟

كل سور القران محببة الي قلبي ولكني هناك سور احس ان الله قد زينها كما فضل بعض الايات علي بعض مثل سورة آل عمران وسورة الاعراف وسورة إبراهيم وسورة يوسف....من الاخر ال 114 سورة

ماهى احب ايه اليك الايه التى دائما تتمناها؟

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

ماهى اكثر ايه تخاف منها وتدعو الله الا تكون من اصحابها؟

قُلْ هَلْ نُنَبِّئُكُمْ بِالأَخْسَرِينَ أَعْمَالا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

ماهى الايه التى تشعر انها تتكلم عنك؟

وَآخَرُونَ اعْتَرَفُوا بِذُنُوبِهِمْ خَلَطُوا عَمَلا صَالِحًا وَآخَرَ سَيِّئًا عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ

من احب صحابى واحب صحابيه ؟
احب الصحابة بترتيب مكانتهم
ابو بكر الصديق
عمر الفاروق
عثمان ذو النورين
علي الامام كرم الله وجهه
واحب كل من يحبهم الرسول صلي الله عليه وسلم
ولكن إذا كان هناك شخص اتمني ان اكون في مثل شخصيته فسيكون سيدنا عمر رضي الله عنه حتي اني رأيته يوماً في منامي وانا أسقيه لبن....
أحب صحابيه كلهن...وإن كانت اسماء بنت ابي بكر و نسيبة

من احب نبى اليك بعد الحبيب صلى الله عليه وسلم؟
اولي العزم من الرسل
كل نبي ورسول له مكانة في قلبي
اللهم اجمعني والمسلمين بهم في الجنة

اذا كنت على عهد رسول الله صلى الله صلى الله عليه وسلم فمن كنت تحب ان تكون ولماذا؟

عمر بن الخطاب رضي الله عن لأن يوم إسلامه كان يوم الجهر بالاسلام وبداية ظهوره

ماهو منتداك وموقعك المفضل؟
مليش حاجة ثابتة

ماهى احب الاسماء التى تحب ان تنادى بها؟
ابو صابر

من هو كاتبك المفضل؟
اي كاتب غير مأجور او من ذوي الاقلام القذرة

مدون له فضل عليك واستفدت منه؟
اي مدون محترم بيجبرني إني اداوم علي دخول مدونته

من هو قارئ القران المفضل لك؟
الشيخ عبد الباسط والحصري...والشيخان عبد الرحمن السديس وسعود الشريم

ماهو منشدك المفضل؟
مشاري في اناشيد معينة

ماهو نشيدك المفضل؟
ليس الغريب

اذا كان لك دعوه تتدعوه وستتحق باذن الله فبماذا تتدعو؟

احشرني والمسلمين في زمرة نبيك محمد صلي الله عليه وسلم وأدخلنا الجنة بلا حساب أو عتاب

ماهو الداعيه المفضل لديك او شيخك المفضل؟
فضيلة الشيخ محمد حسين يعقوب وفضيلة الشيخ محمد حسان وفضيلة الشيخ مسعد انور وفضيلة الشيخ محمود المصري جزاهم الله خيرا عني وعن المسلمين

ماهى اكثر عبادة تشعرك انك قريب جدا من الله؟
اي عبادة لها وسيلة معينة في القرب من الله عز وجل فلو استشعرنا عظمة الوقوف بين يدي الله عز وجل في الصلاة لما شبعنا منها ...ولو استشعرنا عظمة القران لما قرأنا غيره ولو استشعرنا حلاوة القرب والمناجاة في الدعاء لما جف لسانك من الدعاء ولو علم كل من في الارض ما هي عظمة الاستغفار لما وجدتم احد علي وجه الارض يتركه قط

من احب افراد عائلتك اليك؟
كلهم

ماهو املك فى الحياه؟
إن يقبضني الله عز وجل اليه وهو راضٍ عني
----------------------------------------
واخيراً بمرر التاج لكل اللي عاوزه

هناك 21 تعليقًا:

Mohamed A. Ghaffar يقول...

اشعر وكأنك اجبت التاج تاديه واجب ليس الا

رفقة عمر يقول...

انا جايه ااقولك يابختك شوفت سيدنا عمر بن الخطاب
ماشاء الله يعنى انا مش باحسد ولا حاجه
ربنا يكرمك يارب
ويحقق لك ماتتمناه
ويستخدمك ولا يستبدلك

ToOoKa يقول...

السلام عليكم ورحمة الله وبركاته

انا الصراحه دخلت مدونات كتير اوى ولقيت حكاية التاج دا
بس الصراحه مش فاهمه يعنى ايه

هو حد بيبعتلك اسئله وانت بتجاوب عليها ولا انت اللى بتبعت الاسئله
معلش بس اصلى الصراحه جديده وماعرفش كتير فى عالم المدونات

شكرا

ma_3alina يقول...

كل سنة وانت طيب يا ح الظابط .. وكل تاج وانت طيب

عصفور المدينة يقول...

بارك الله فيك والانطباع اللي أخذه محمد عبد الغفار أنا أخذته بالعكس حسيت الإجابات تلقائية وأغبطك على رؤياك بارك الله فيك

خمسة فضفضة يقول...

السلام عليكم ورحمة الله وبركاته

كل سنة وانت طيب يا باشمهندس


اجابات سريعه ومختصره ، بس في الجون

Ma 3lina يقول...

اجاباتك رائعة يا حضرة الظابط و كل عيد و حضرتك بافضل حال

mohand يقول...

السلام عليكم

مالك مخنوق كده مننا ليه يا عم
لحقت تمشي

كل سنه وانت طيب

مؤمنه يقول...

السلام عليكم ورحمة الله وبركاته
اجابات حياك الله عليها اولا احب اقول ان اسئلة التاج اكثر من رائعه اسمحلى اشكر رفقه جزاها الله كل خير
اما الاجابات لا تمل
ثبتك الله
وانا برده بحب سيدنا عمر اب الخطاب اوى
لكن فى الاولويه سيدنا ابى بكر
لو وزن ايمان الامه فى كفه وايمان ابى بكر لرجحت كفة ابى بكر
وقال رسول الله صلى الله عليه وسلم هيهات هيهات بين عمر وابى بكر
هذا على نحو ما أتذكر
والسلام عليكم ورحمة الله وبركاته

محمد الجرايحى يقول...

أخى الفاضل
السلام عليكم ورحمة الله وبركاته
أحييك على إجاباتك الطيبة
واختياراتك موفقة
وخاصة الآيات القرآنية الكريمة

تقبل تقديرى واحترامى
أخوك
محمد

بيتنا القديم يقول...

تاني مرة اشوف التاج ده عند حد

بجد اسئلتو كده شرحة وبرحة وحاجة

فوللي عالآخر...!!

والإجابات في الجوووووووووووووون

يالا ياسيدي كل تاج وانت طيب..!!

(:

malak يقول...

انا اول مرة اشوف تاج زى ده بس ما شاء الله عليك جاوبت بتلقائية واجابتك واضحة اوى

ربنا يباركك
تحياتى

Vague يقول...

السلام عليكم

عجبتني ردودك يا ابو صابر

وياريت نتواصل

الراقص مع الذئاب يقول...

السلام عليكم
الاستاذ محمد عبد الغفار

وكيف شعرت بهذا الاحساس ومعظم الاجابات عبارة عن آيات قرآنية وإجابات محددة لا تستدعي ابدا سوي ما كتبته
كما ان هناك إجابات علي بعض الاسئلة الغريبة مثل احب افراد اسرتك اليك
اظن اني احب اهلي جميعاً ولله الحمد

جزاك الله خيرا علي مرورك الكريم

-----------------------------
رفقة صاحبة التاج
جزاكي الله خيرا علي دعواتك الجميلة وجمعك الله بنبيه الكريم وصحابته الكرام حتي تريهم حقيقة لا في المنام فقط

------------------------------
توكا

التاج زي ما انتي شفتي
اسئلة وانتي تجاوبي عليها
والتاج دا با ستي هدية مني ليكي

جزاكي الله خيرا علي المرور الكريم

------------------------------
باشمهندس ماعلينا

كل سنة وانت طيب يا هندسة
وإن شاء الله السنة اللي جاية تكون بتدعيلنا وانت علي عرفات

-------------------------------
الاستاذ الجميل عصفور المدينة
جزاك الله خيرا علي كلماتك الرقيقة
وأخجلني ثناؤك الذي لا أستحقه
ولكنها كلمات من شخص احبه واحترمه

جزاك الله خيرا

------------------------------
دكتورتنا الكبيرة خمسة فضفضة
وعليكم السلام ورحمة الله وبركاته

كل سنة وانتي طيبة
وجزاكي الله خيرا علي مرورك الكريم
ويارب ديما كلامنا يبقي في الجون...جون الاهلي طبعاً...يارب ديما اشوفه مليان جوان

-------------------------------

دكتورة ما علينا
كل سنة وانتي طيبة
جزاكي الله خيرا علي مرورك الكريم

-------------------------------

مهند باشا
وعليكم السلام

لا يا عم مش مخنوق ولا حاجة...في حد يكون بين الصحبة الجميلة ديه ويتخنق
واديني رجعت اهوه يا عم

جزاك الله خيرا علي مرورك الكريم

-----------------------------------
اختنا الكريمة مؤمنة
وعليكم السلام ورحمة الله وبركاته
جزاكي الله خيرا علي كلماتك الجميلة
وطبعا محدش يقدر يقول إن سيدنا ابو بكر رضي الله عنه هو الاسبق في كل شئ...وهو احب الي قلوبنا
اللهم اجمعنا مع من نحب في جناتك في الفردوس الاعلي

---------------------------------
الاستاذ محمد الجرايحي
وعليكم السلام ورحمة الله وبركاته
جزاك الله خيرا علي كلماتك الطيبة
وتقبل مني خالص الاحترام استاذي الكريم
وشرفاً لي ان تخط اصابعك هذه الكلمات في مدونتي الصغيرة وينير اسمك الكبير صفحاتها

----------------------------------

سمسم الجميل
جزاك الله خيرا علي مرورك الجميل
كل تاج وانت كمان طيب وبخير

----------------------------------
malak

جزاكي الله خيرا علي زيارتك الجميلة..وأتمني دوام تكرارها
وربنا يبارك ليكي
وتحياتي لكي

------------------------------

Vague

وعليكم السلام ورحمة الله وبركاته

جزاك الله خيرا اخي الكريم

انا فرحت جدا انك اسمعلاوي...يعنيابن بلدي

وانا طبعا يشرفني التواصل معك اخي الكريم







------------------------------

مروة الزارع يقول...

انا شوفت البوست دة كذا مرة

بس بجد عجبنى جدا

كل سنة وانت طيب مش عشان العيد بس

عشان السنة الجديدة كمان ويارب تكون سنة سعيدة عليك

klmat يقول...

كل سنه وانت طيب
اجابتك جميله
ربنا يبارك فيك
ويحقق امانيك
تحياتى وسلامى

صريح أوي يقول...

HAPPY NEW YEAR

كل عام وانت إلي الله أقرب وعلي طاعته ادوم..
تقبل الله منا ومنكم

ŞoŖśậŖấầ يقول...

هو دا موسم التاجات واللا ايه

بس اجمل حاجة الحلم اللى ذكرته
ماشاء الله ربنا يوعدنا برؤية الرسول والصحابة ويجمعنا بيهم فى الفردوس الاعلى يااااارب

وكل سنة وانت بألف خير وربنا يوفقك لكل اللى تتمناه


__??_??
_??___??
_??___??_________????
_??___??_______??___???? H
_??__??_______?___??___??
__??__?______?__??__???__?? A
___??__?____?__??_____??__?_____
____??_??__??_??________??
____??___??__??
___?___________? P
__?_____________?
_?____?_____?____? P
_?____/___@__\\___?
_?____\\__/?\\__/___? Y
___?_____W_____?
_____??_____??
_______????? NEW
YEAR 2008

البنت الشلبية يقول...

اخى الغالى
ازيك عامل ايه
اجاباتك حلوة وربنا يتقبل منا يارب جميعا يارب ويرضى عنا جميعا

كل سنة وانت طيب بمناسبة السنة الهجرية الجديدة وربنا يجعلها سنة حلوة عليك يارب

klmat يقول...

كل سنه وانت طيب
وربنا يسعدك ويوفقك
ويكتب لك كل خير
سلااااام

عاشقه الفردوس يقول...

ماشاء الله اجابات حضرتك ممتازة


ربنا يزيدك من علمه وفضله
جزيت الجنه وبوركت وتبوات من الجنه منزله
وحشرك مع ابن الخطاب اللهم امين