Translate

الخميس، 29 مايو، 2008

حمد الله علي سلامتي

السلام عليكم

ازيكم يا جماعة ...والله وحشتوني جداً

الأول عاوز أشكر الناس الجميلة اللي سألت عليا في غيابي وأفتكرتني

وبعتزرلهم عن إنقطاعي الفترة اللي فاتت

انا عارف إن الهدنة طولت....بس مكنش في نيتي إنها تطول كدا

ويمكن كانت تتحول من هدنة لإنقطاع عن التدوين بالكامل بس صعبت عليا المدونة والناس الجميلة
الشهرين اللي فاتوا حصلت شوية حجات كدا جت ورا بعضها وتصادف إنها اجتمعت في وقت واحد

أولها طبعا خبر سعيد انا بعتزر للناس إني مأعلنتهوش

وهو إني اتخبطت في دماغي وخطبت إحداهن....هي أحد بنات العائلة الكريمة اللي في القاهرة

بس مكنتش اعرفها قبل كدا....هي الحمد لله بنت كويسة بس بتشجع الأهلي

وإن شاء الله كلكم مدعويين في العقد اللي بحاول جاهداً إنه يبقي في شهور الصيف اللي جاية

واحد اسباب إختفائي هو عطل جهازي القبيح

وعدم الرغبة في إصالحه

تصدقوا يا جماعة إن الحاجة اللي هي أمي اخدت الجهاز عشان تصلحوا هي بنفسها وانا مش موجود؟؟

اصلي كنت منفض...بنزل أجازة وبخلص اللي ورايا ومش فاضي بصراحة اصلح حاجة

وبيني وبينكم اكتشفت ان الحياة بدون جهاز الحاسوب جميلة جدا

وإن الدنيا مش هتقف ولا حاجة من غير الجهاز اللعين ده

بتكلم علي الجانب الترفيهي فيه مش إستخدامه في مجال العمل طبعاً

وبرضوا أحد الاسباب المهمة هو إنشغالي بنقلي الي وحدتي الاساسية في الجيش

اللي هخدم فيها بقيت فترة تجنيدي الاحتياطية

وهو مكان في القاهرة يتبع مطار الماظة

وإن شاء الله هترقي ملازم أول يوم الاحد اللي جاي...يوم 1/6 /2008

وبكدا هيبقي بقيلي 14 شهر بالتمام والكمال

يارب يخلصوا علي خير
استنوا شوية بحضر لموضوع جديد....كلمتين بقي محشورين في زوري من ساعة لما رجعت امبارح وانا نفسي اقولهم
وحشتوني اوي ووحشتني المدونة
الي اللقاء,,,,,,


هناك 8 تعليقات:

appy يقول...

ابو صابرررررررر الفين مبروك رجوعك وخطوبتك وترقيتك الجايه وابقى طمتا عليك اعزمنا بقى وهنيجي نعملك احلى واجب ربنا يقويك يا رب

ma_3alina يقول...

السلام عليكم
يا سيدي ألف ألف ألف حمد لله على سلامتك
المدونة ضلمة يا ح الظابط من غيرك

الف مبارك الترقية وخلاص كلها كام نجمة وتعلق غصن الزيتون

:)

والف الف ميارك على الخطبة .. وبارك الله لكما وبارك عليكما وجمع بينكما في خير وعلى خير

يارب تكون آخر هدنة وتفضل معانا على طول .. والجهاز يفضل بعقله كده وما يعملهاش تاني

على فكرة فيه تاج من زماااااان عليك .. انا بفكرك اهو وقد اعذر من زرزر

:))

نورت يا فندم

nonoymm يقول...

السلام عليكم ورحمة الله
اولا الف مليون حمد الله على سلامتك
ثانيا الف مليون مليار مبروك على الخطوبة بارك الله لكما وعليكما
بس اعزمني انا والحاج ونيجيلك لو مشي حضرتك من الشباب الواعيين اللي بنقدرهم ونعتز بيهم
تحية من قلبي ومبسووووطة جداااا رجوعك بالسلامة
ودي وتحياتي

د/اجدع بنوته يقول...

يييييييييييييييييييييه

حظابط ... خبططططططططططط

افرحوا ياولاد يالا وهيصوا رمضان اهو نور فوانيسه

الف مليون مبروك وربنا يتمملكم ع خير

ويوفئكم يارررب

وحمدالله ع السلامه

ومبروك ع الترقيه

لا ياعم انت تحط حسنه زرقا ع اول البوست

مينفعش كده .. ربنا يحرسك يارب

وسلامنا وتهانينا للعروسه

مبروووووووك ياعروسه

صفا يقول...

الف مبروك رجوعك ومبروك الخطوبه وشكرا لمرورك على مدونتى

منى يقول...

حمد الله على السلامه
بس ليه عتاب لو ليه حق يعنى
يعنى تقول هدنه وتمشى وتقول عدولى ولما يبقى فيه خبر حلو تاخره علينا كده؟
بس خلاص مسمحينك
الف مبروك على الترقيه
ومليون مبروك على الخطوبه
وكويس ان العروسه اهلاويه
يمكن تكون السبب فى تحسين العلاقات الاسمعيلاويه_الاهلاويه
المهم ميدخلش حد زملكاوى
كمان مره
حمد الله على السلامه

عالمى ازرق يقول...

حمدلله على السلامه نورت مدونتك
والف مبروووووووووووك الخطوبه ربنا يباركلك ويسعدك يارب

kiki يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人