Translate

الأربعاء، 1 أكتوبر، 2008

تناتيــــــــــــــــــــش

السلام عليكم


كل سنة وانتم طيبين....والسنة اللي جاية كل مسلم علي وجه الارض يكون في احسن الأحوال قولوا آمين

قبل ما نرجع للتدوين والمواضيع التقيلة هنسخن كدا بشوية تناتيش صوغيورة


التنتوشة الأولي :

هو ايه بقي حكاية هند ونور)ديه.....وبالذات اللي اسمه مهند دا.....أدخل موقع او منتدي أو مدونة الاقي صورة البيه محطوطة في البروفيل بتاع الناس...حتي أي واحدة حامل عاوزة تسمي ابنها مهند (يا بختك يا مهند يا باحث عن الحقيقة)

لالالالا...محدش يفهم غلط....انا مش بحقد عليه ولا متغاظ منه عشان هو وسيم وزي القمر والبنات كلها بتموت فيه...
انا بس يعني عاوز اقولكم ان في نسبة وتناسب يعني....ان كان في مهند في تركيا ففي حجات كتيرة في لبنان....
من الاخر كدا احنا لايقين علي بعض....مش كدا برضو؟؟
انتم عارفين ...مشوار صغير للبنان ايه اللي ممكن يحصل...المقررات هناك سهلة اوي...والشاب المصري الاسمر ابو دم خفيف عملة نادرة اوي هناك....يعني بلاش مهند عشان انتوا اللي هتخسروا....مهند مش هينفعكم

طبعاً ديننا الجميل أمرنا رجال ونساء بغض البصر ولم يقصر غض البصر علي الرجال فقط يا جماعة.....لو حبيت يا أخي الكريم تضع مواصفات لفتاة أحلامك خليها كخير نساء العالمين.....تمناها زي مريم ابنت عمران الطاهرة....آسيا إمرأة فرعون التي باعت ملك الدنيا ببيت في الجنة.....خليها زي ام من أمهات المؤمين.....كصحابية جليلة حملت علي كتفيها الأسلام كالرجال

وانتي يا اختي الكريمة....خلي فتي احلامك يكون زي ابو بكر الصديق في رقته وقوته....مثل عمر في ورعه وصلابته....مثل عثمان في حيائه ....مثل علي في حكمته.....تخيلي رفيق عمرك من هو يتخذ رسول الله صلي الله عليه وسلم نبراسه وقدوته



التنتوشة التانية:

الشاعر بيقول ...قوماً إذا ضرب النعال وجوههم صرخ النعال بأي ذنب أُضربُ


يعني ولا مؤخذه بالبلدي كدا لو ضربت فلان او فلانة بالشبشب علي وشه الشبشب هيشتكي ويصرخ انت ضربتني ليه

مفهوم صح؟؟؟

طيب قصدك علي مين

دي بقي هتبقي سلسلة مواضيع بجهز فيها وإن شاء الله قريب اوي هنزلها بأسم شخصيات قذرة

زي وزير الثقافة كدا ووزير الأوقاف وسعاد صالح وخالد يوسف وعاهرات السنيما المصرية اللي حاطين رسنا في الطين جوا وبره...وزي الخنزير مفيد فوزي وغيره من عباد الصليب اللي بقي ليهم صوت
وناس كتيرة اوي هنتسلي عليهم واحد واحد



التنتوشة الثالثة :

كمان 5 أيام ذكري نصر حرب اكتوبر....الحرب ديه غالية اوي علي المسلمين وعلي العرب وعلي مصر يا جماعة


في اصوات بدأت تظهر من فترة قريبة بتحاول انها تبخس او تشوه صورة الحرب ديه
لدرجة ان في بعض الأقلام القذرة قالت ان مصر انهزمت في 73 ......اقلام مأجورة لتهميش نصر ربنا كرمنا بيه
لما سمعنا حكايات عن الحرب من القادة والمحاربين القدامي ايام فترة الكلية العسكرية السنة اللي فاتت عرفنا حجات كتيرة اوي مكناش عرفينها قبل الجيش
الناس حكت كلام ومشاهد في الحرب يمكن لو حكيتهالكم هتقولوا انهم مجانين ....بس احنا عارفين الناس دي كانت ايه ووضعها كان ايه في الجيش وقت الحرب
ومش ممكن يكذبوا أبداً.......عشان كدا أنا هحتفظ بكلامهم ومواقفهم اللي خلتنا نبكي في المحاضرت اللي كانوا بيلقوها علينا ايام الكلية
والله حسيت بشرف وفخر اني مكتوب في بطاقتي مصري واني فرد مقاتل في الجيش المصري .....اللي هيفضل خير جنود الارض كما اخبرنا صلي الله عليه وسلم
الجيش بتعنا جيش قوي ومحترم....والفرد المقاتل يتم إعداده علي اعلي مستوي وفي اشراف واهتمام بكفائته القتالية من كل القادة
ممكن يكون في ناس دخلت الجيش هنا وخدمت في اماكن مش حيوية اوي وشافت فساد او خمول او اهمال
بس لو في حد اشترك في مناورة او حظه جه في مشروع او تفتيش حرب اكيد هيقول كلام غير كدا
اتمني اني اعرف اوصلكم الحقيقة اللي اختفت وظهر مكانها اليأس وعدم الثقة في القوات المسلحة

التنتوشة الأخيرة بقي :

هيبقي سؤال.......الناس هتسألهولي وانا هسأله لنفسي

يعني ايه تناتيش؟؟؟

وهل ليها علاقة بالدبابيس؟؟؟


اولا انا مش عارف يعني ايه تناتيش...اسم كدا جه علي بالي

وليس له اي علاقة قريبة او بعيدة بالدبابيس.....الدبابيس بنشك نفسنا بيها

اما التناتيش فدردشة في اكتر من موضوع....وبس



وكل عام وانتم بخير

هناك 41 تعليقًا:

حنان شلبي يقول...

كل سنة وانت طيب
بصراحة من زمان ما دخلت عندك واليوم دخلت اهنيك وعجبني البوست الجديد
وعفكرة ملاحظة عن مهند انت حكيت كل البنات ميتة فيه

بلييييييييييييييييز انا وحده من البنات الي ما شفتو حتى امور ولا شوي بالعكس في كلمة وحده ممكن اصفو فيها بس بلاش علشان كلمة عيب ...

عالعموم الرجل بدون ميكون خشن ورجاااااااااااال ما بينفع نضمو للرجال

ويلا باي هلا وعيد سعيد

تحياتي

مهندس مصري يقول...

ياه دا إنت طالع من رمضان سخن قوي
منتظر بوستاتك الجاية بشوق
بس بالنسبة لحرب إكتوبر كانت مليانة بطولات جبارة فوق الوصف و الخيال
أنا شفت بعضها في كتاب الناس و الحرب للعقيد إسامة الصادق
و إتأكدت من جودة التخطيط و الإعداد و القيادة في بداية الحرب من كتاب مذكرات الفريق سعد الدين الشاذلي
لكن أسفت للتدخل السياسي من السادات الذي تسبب بالثغرة و حصار السويس و الجيش التالت الميداني
مما قلل من النصر الذي حققناه في بداية الحرب
ملحوظة : أعتقد تنتوشة جاية من النتشة
تصغير نتشة صغيرة
يعني لمحة بسيطة عن الشئ

أحمد سعيد بسيوني يقول...

بسم الله

كل عام وانتم الى الله اقرب

بانتظار كتاباتك عن الشخصيات القذرة

تحياتي

رفقة عمر يقول...

كل سنه وحضرتك طيب
بخصوص حرب اكتوبر قبل الحرب الشيخ عبد الحليم محمود شاف رؤيه ان الرسول صلى الله عليه وسلم والصحابه رضوان الله عليهم كانوا بيعبروا قناه السويس وراح للسادات وبشره بالنصر وتفاءل السادات بالرؤيه دى يعنى كان نصر من عند الله

لماضة يقول...

حلو قوي قوي البوست ده
واكتر تنتوشه عجبتني بتاعه الشبشب دي
اللهم شبشبهم جميعا

كل سنه وانت طيب

مجداوية يقول...

السلام عليكم

اظاهر التناتيش حتغلب الدبابيس
وتنفع تبقى ولا جلال علام فأنت اتبعت اسلوب الاثارة والتشويق وحتأتى بكل جديد ومثير وجرىء وحتدخل عش الدبابير
انت سميها دبابير أحسن

على العموم الكتاب يبان من عنوانه ونجحت فى اننا نحجز مكان ونشوف التناتيش فكرتنى بالمناقيش
حتقولى ايه المناقيش دى
اقولك دى أكلة فى السعودية بيموتوا فيها حاجة كده بالزيت والزعتر مفرودة على عجينة تشبه العيش بس اختك بقى محبتهاش ابدا
لكن التناتيش اكيد حتكون غير

انا رديت على تعليقك الماتع عندى ولى الشرف دائما انك تكون موجود وتعلق وتسهب كما تشاء

ونحن فى انتظار على أحر من الجمر ومعانا الفشار والكحك والتناتيش والدبابيس عليك

safa7_karmooz يقول...

كل سنة وانت طيب....

والله بقى ليك وحشة جداااااااااااااا

ربنا معاك فى الشغل

وابقى طمنا عليك

عندى واحد صاحبى خدمته فى السلوم...بينزل كل فين وفين

بس مطلع عين القائد بتاعه :D

النجمة الصامدة يقول...

مهند ونور

ببساطة لو عندنا ذرة عقلانية هنعرف ان الشخص دا بكل اللي بيعمله
دور على ورق بيتمثل
يعني الشخص نفسه مهوش حاجة من دا

ولو الدور عاجبنا اوي
ما نعيشه احنا بدل ما نتفرج عليه
!!!


اما الشباشب

فرغم ان في شخصيات كثيرة تسيء للاسلام واخرى تحاربه
الا انني ارفض (التهزيء والتشهير)
واتمنى اسلوب حضرتك في السلسلة دي يكون منطقي بعيد عن السب ..
يعني ميكونش زي المقدمة اللذيذة دي
D:

نصر اكتوبر بقى

نقدر نقول اني مش لاقية حاجة حاليا افتخر بيها كمصرية في تريخنا الحديث
الا نصر اكتوبر
حتى دا كمان عاوزين يحرمونا منه
!!!!!!!

حسبنا الله ونعم الوكيل

***

نهاية

سعيدة بتواجدي هنا

كل عام وانت بخير

عاشقه الفردوس يقول...

اول تنتوشه
رايي زي حضرتك يافندم وربنا يهدي شباب المسلمين لانها بقت سخافه اوي


تاني تنتوشه
منتظرااااااااااااهااااااا


حد يقدر يتكلم علي حرب 73
يااااااااه والله ده فخر لينا كلنا
علي فكره انا سمعت من ظابط (هو انا مش عارفه رتبته تحديدا لاني مبفهمش في الرتب ) بس كان حاجه جامده كدا اوي
بيقول حاجات والله تخلي الواحد راسه تشيب

بجد احنا كلنا حاسين بالفخر من الحرب دي


:)) مكنتش فاهمه تناتيش وكنت هسالك


ربنا يبارك في حضرتك وكل عام وحضرتك الي الله اقرب وعلي الطاعه ادوم وكل عام وحضرتك بخير

الراقـــص مع الذئـــــاب يقول...

السلام عليكم ورحمة الله وبركاته

حنان شلبي
كل سنة وانتي طيبة
رأيك جميل يا حنان...والحمد لله انك مش من رابطة مشجعي مهند

كل سنة وانتي طيبة

---------------
مهندس مصري
مش سخن اوي يعني يا باشمهندس
بس زي ما تقول مفروس من حجات كتيرة
ربنا يسترها بقي
أما بخصوص حر اكتوبر وموضوع الثغرة فدا موضوع يطول شرحه...أن الثغرة ليست عملية حربية....كانت عملية سياسية مش اكتر
ولو تعاملنا مع الثغرة كعملية حربية لما كانت هناك إسرائيل علي وجه الارض
لأن الجيش المصري كان يستطيع ان يمحي سلاح المدرعات الاسرائيلي من علي وجه الارض في منطقة الدفرسوار لولا تدخل أمريكا
يعني الثغرة كانت فرصة لينا مش علينا

جزاك الله خيرا علي توضويح معني التناتيش

كل سنة وانت طيب يا باشمهندس

---------------
احمد سعيد بسيوني
كل سنة وانت بصحة وخير وسلامة
قريباً إن شاء الله هنبدأ في سلخ وشوشهم
ربنا يدينا طولة العمر

الراقـــص مع الذئـــــاب يقول...

رفقة عمر

كل سنة وانتي طيبة يا رفقة
هي فعلا كانت حرب ركن فيها المسلمون الي الله عز وجل
فكان النصر المبين
اللهم لك الحمد ....اللهم ارزقنا نصراً نطهر به بلادنا من دنس اليهود والنصاري

----------
لماضة
جزاكي الله خيرا علي المرور الجميل
وكل سنة وانتي طيبة

----------
استاذتنا الكبيرة مجداوية
وعليكم السلام ورحمة الله وبركاته
والله عش الدابابير عش العصافير او المهم نهده علي دماغ اهليهم
ربنا ييسر لنا الامور ونعرف نبدأ نستعرض القائمة القذرة من السرطان اللي بيسري في مجتمعنا

وانا مستني الفشار والكحك

كل سنة وانتي طيبة يا استاذة مجداوية

الراقـــص مع الذئـــــاب يقول...

سفاح كرموز
كل سنة وانت طيب يا باشا
وانت كمان والله واحشني جداً

يا بخت صاحبك اللي في السلوم
اي مكان بعيد عن المركزية بيبقي جميل
لا حد بيفتش عليه ولا بيتصدم بالرتب الكبيرة
انا القائد المباشر بتاعي لواء طيار اركان حرب
شايف الويل يا اخويا
ربنا يعديهلنا علي خير
كل سنة وانت طيب

-------------
النجمة الصامدة

احترم وجهة نظرك يا اختي الكريمة
بس لازم يبقي فيه رد فعل ولو متكافئ
ان احنا نحط ادينا علي خدنا ونعيط زي الحريم دا شئ احنا زهقنا منه
لازم يبقي في حوار ومقال شديد اللهجة
وعاوز اطمنك الحمد لله انا في عالم التدوين اكثر من سنة
ممكن اكتب موضوع شديد اللهجة بس مش بستخدم فيه اي لفظ خارج او بذئ
بس هو يمكن بيت الشعر كان قوي المعني شوية
بس صدقيني.....بيت الشعر في محله جداً

جزاك الله خيرا وكل عام وانتي بخير

--------------
عاشقة الفردوس
كل سنة وانتي بخير وصحة وسلامة
فعلا يا اختي الكريمة لو سمعتي حكيات من الناس اللي كانت في الحرب هتعرفي حقائق جميلة اوي
تخليكي تفخري انك مصرية واجدادك وآبائك كانوا بيحاربوا في 73

ربنا يباركلك ويجازيكي خير وكل سنة واني طيبة

المستنصر بالله يقول...

كل عام وحضرتكم بخير

عيدكم مباررك

تحياتى لحضرتك

التناتيش قويه فعلا ومنتظرين البقيه
ربنا يبارك فيك

همسات دافئه يقول...

محمد
ازيك ياذئبى العزيز
كل سنه وانت طيب يارب يكون عيد مليان خير يارب:)
بالنسبه لمهند انا مش فهمه ليه كل الرجاله كرهته كده مع ان المسلسل انظف من حاجات كتير مسلمين بيعملوها ابقى شوف اللينك ده فى آراء كتير عنه

http://elgazaly.blogspot.com/2008/09/blog-post_11.html#links

وذى ما مهند مش هينفعنا لبنان مش هتنفعكوا على فكره
ويارب يارب يجعل السنه ده بدايه لنصره المسلمين ونشوف ذى حرب اكتوبر يارب
فى انتظار بقيه تدويناتك
شيماء:)

بنت سيناء.. يقول...

موضوع ىالشبشب اضحكنى عن جد

انما فعلا وقفاتك حلوة وجميلة..جذب انتباة

بنت سيناء.. يقول...

كل سنة وانت طيبة

همسات دافئه يقول...

سيدى العزيز
بعد السلامات والتحيات:)
انا مكنتش من المتابعين للمسلسل بس منكرش طبعا انى شفت كام حلقه كده فى الآخر
انا طبعا ضد ان حد يتفرج على مسلسل طويل وممل كده وينفعل معاه بالشكل الغريب الى انا شفته ده بس انا جربت اعمل سيرش على المسلسل ولقيت كميه شتايم واتهامات فى شخص الممثل كتيره اوى ودا الى ضايقنى استغربت اوى ان الناس سابت الدنيا كلها وقعدت تضيع وقتها فى البحث عن اسرار الممثل الشخصيه الى تقلله من نظر الناس الى بتتفرج عليه
هو دا ضياع الوقت والتفاهه الى بجد أكتر من الى اتفرج على المسلسل
بس دا كان قصدى
وعلى فكره لو كان مهند دا وسيم بجد فهو بارد جدااا وتمثيله مكانش عاجبنى اصلاً وانا لا اتمنى ابنى ولا زوجى يبقى زيه عشان انا عايزه راجل ومش شايفاه كذلك
يارب أكون قدرت اوصل وجهه نظرى:)

¨¨¨°~*§¦§ Appyplanet §¦§*~°¨¨¨ يقول...

كل سنه وانت طيب يا ح الظابط
انا بقى من البنات اللى بتكرهه نور ده واللى بيتفرجوا عليه ايه الفراغ ده بجد
مش عارفه اما الباقى فمستنيه الشخصيات يا ريت

منى يقول...

والله بقالى كام يوم بقول انا وبابا ياريت لو كل حاجه هنا تدار بطريقه القوات المسلحه اللى معرفش عنها حاجه غير الانضباط بس اى حاجه بتدخل فيها بتم على اكمل وجه مع اختلاف الاتجاهات
واخرهم موضوع اطلاق سراح الرهائن

بالنسبه لمسلسل بسمع من كل الناس لكن مشفتوش وما اظنش انى هشوفه
كل سنه وانت طيب

ملك المدينه يقول...

السلام عليكم

كل سنه وانت طيب

أولا

موضوع مهند

يا أخى ويا أختى من يعتبره مثله الاعلى فى راى أنسان فاشل


لابد وان يكون مثلك الاعلى شخصيه تتقى الله

وتعرف أصول الدين بدل ما أنت بتتفرج على مهند أتفرج على قناه دينيه

تعرف فيها دينك

ثانيا الشبشب


فى ناس كتير لو أنضرب هيقول كمان

أنت كده هتظلمه معاهم



ثالثا

حرب 6 أكتوبر والانتصارات والشهداء الى راحوا فى الحرب

الموضوع شرحه طويل

موناليزا يقول...

سبحان الله مارتحتش للعنوان مش عارفة ليه
ولما عرفت ان مالوش معنى عرفت السبب

أنا إنسان يقول...

طبعاً ديننا الجميل أمرنا رجال ونساء بغض البصر ولم يقصر غض البصر علي الرجال فقط يا جماعة.....لو حبيت يا أخي الكريم تضع مواصفات لفتاة أحلامك خليها كخير نساء العالمين.....تمناها زي مريم ابنت عمران الطاهرة....آسيا إمرأة فرعون التي باعت ملك الدنيا ببيت في الجنة.....خليها زي ام من أمهات المؤمين.....كصحابية جليلة حملت علي كتفيها الأسلام كالرجال

وانتي يا اختي الكريمة....خلي فتي احلامك يكون زي ابو بكر الصديق في رقته وقوته....مثل عمر في ورعه وصلابته....مثل عثمان في حيائه ....مثل علي في حكمته.....تخيلي رفيق عمرك من هو يتخذ رسول الله صلي الله عليه وسلم نبراسه وقدوته

.......................
اجمل تنتوشة
:)

محمد عبد القوى يقول...

بالنسبة للتنتوشة الأولى فانا متفق معاك تماماً
اما التانية فأنا مختلف معاك فى الأسلوب والألفاظ
خليك انت احسن ومتغتبش حد
وانقدهم وانقد حياتهم بانك توضح مواضع الخطأ دون اى وصف بالقذارة او الدعارة أو الحيوانية
حافظ على نظافة مدونتك
وبالنسبة للتالتة فانا اتفق واختلف
أنا مؤمن جدا بالجيش المصرى
وكل مأخذي على حرب التحرير العظيمة هى مأخذ على القرارت السياسية اللى اتخذها السادات من وقف إطلاق النار وحتى التطبيع مع اليهود ومعاهدة السلام اللى أتسببت فى المقاطعة العربية
التنويشة الأخيرة هقول ان تناتيش جاية من الفعل نتش ومعناها اخذ خاطفاً ( وده فعل عامى مش فصحى ) ومفرده الصحيح فى العامية نتشة مش تنويشة
سلام

مؤمنه يقول...

السلام عليكم ورحمة الله وبركاته
تناتيش مشوقه وجميله عندى فضول انى اقرا باستفاضه عنها
جزاك الله كل خير كل موضوع يستحق الكتابه عنه فعلا
فى انتظار القادم
والسلام عليكم ورحمة الله وبركاته

سلوى يقول...

كل سنه وانت طيب وبخير وسلا أنت وكل الأسره

بصراحه كل التناتيش جميله
مهند اللي عامل إنقلاب
وحرب أكتوبر العظيمه اللي خلت المصري يرفع راسه ويقول أنا مصري

والشباشب اللي هتشتكي من ضربها لما تقول كفاايه :)


وجعلتنا نتشوق لباقي التناتيش
تنتوشه .. تنتوشه


ربنا يوفقك
ودمت بكل الخير

أحلى حياة يقول...

السلام عليكم ورحمة الله وبركاته..
اولا احب اسجل تاييدي التام لحضرتك فيما يتعلق بالتنتوشه الاولى اللي بخصوص عام الحاج "مهند" وبركاته اللي حاله ع النت زي ماحضرتك قولت فعلا.. بس احب اضيف حاجه ان مش كل البنات بتموت فيه ولا حاجه اكيد في بنات، واحسبني واحده منهن باذن الله، لما بيشفوه بيدوروا وشهم الناحيه التانيه S:
اما بخصوص مواصفات فتى الاحلام ففعلا الواحده نفسها ربنا يكرمها ويرزقها بحد يبقى فيه كل اللي قلتله دا، طبعا حلم والله ان الواحده ترتبط بواحد يبقى فيه كل مواصفات الصحابه الكرام اللي ذكرتها دي متجمعه كده فيه .. دا لازم يبقا حد تفصيل بقا مش حنلاقيه جاهز متهيالي D:

فيما عن التنتوشه التانيه اللي عن الشخصيات الـ"..." فاسمحلي اخي الفاضل اني اسجل احتجاجي على سب بعض الشخصيات ووصفها بالصفه دي، وان كان المفروض اننا مانسبش حد خالص مهما اختلفنا معاه ومهما صدر منه كما يامرنا ديننا الحنيف، ودا لاني بشكل عام مش بحب السب فكيف وان كان علنا وبوضوح وكمان لشخصيات ورموز دينية. مش معنى كلامي اني بايدها ومعاها تماما على طول الخط، لا ممكن جدا اكون باختلف معاها احيانا وباعترض عليها لكن مش المفروض ابدا ان دا يحصل او يتم التعبير عنه بالسب وما الى ذلك.

بالنسبه لحرب اكتوبر انا فعلا باحس اوي بالفخر بيها وبالوجع في نفس الوقت لما باحس انها اخر فترات العزه والكرامه في حياة مصر. اه دلوقتي مفيش احتلال عسكري لكن في احتلال على كافة الاصعدة والنواحي الاقتصادية والاعلامية والثقافية و...الخ

اخيرا اخي الفاضل عذرا على الاطاله وارجو قبول ملاحظاتي بصدر رحب لانها في النهايه ليست لغرض الا رضا الله وتادية الامانة وجزاكم الله خيرا كثيرا يارب في الدنيا الاخره.

ـ-ـ- أحمد عبد العدل-ـ-ـ يقول...

ازيك ياباشمهندس ياظابط
كل سنة وحضرتك طيب وبخير
حمد الله على السلامة .. منور عالم التدوين تانى
ـــــــــــــــــــــــــــــــــــــ
بيقول ...قوماً إذا ضرب النعال وجوههم صرخ النعال بأي ذنب أُضربُ

شكلها هتكون مقالات مهمة .. أد ايه محتاجين الصراحة

تحياتى

صفا يقول...

بالنسبه لمهند فانا مشوفتوش ومش عاوزة اشوفة بس ممكن ده من الفراغ اللى الجميع بقى فيه وفقدوا حاجات كتير

بالنسبه للجزء التانى فانا معترضة على اسلوب حضرتك ووصفهم بانهم شخصيات قذرة لان مهما كان مش من حقنا اننا نشتم حد واحنا منعرفش مكانتهم ايه عند ربنا

وطبعا حرب 73 غنيه عن التعريف والكل عارف انها اتصار مهما حاول اى حد انه يشوهها


تقبل مرورى:)

الراقـــص مع الذئـــــاب يقول...

المستنصر بالله
كل عام وأنت بخير أخي الكريم
جزاك الله خيرا علي مرورك الكريم

وبارك الله فيك انت أيضاً

------------------------
شيماء صاحبة الهمسات الدافئة

كل سنة وانتي بخير وصحة وسلامة
جزاكي الله خيرا علي مرورك الكريم

-----------------------
بنت سيناء
موضوع الشبشب اضحكك بس زعل ناس تانية
عشان كدا لازم نحترم رغبات الناس ونتوقف عن المواضيع اللي اعترضوا عليها قبل ما يشفوها....مع اني تنواولها هيكون بموضوعية وصدق
بس يمكن العنوان خضهم
عشان كدا هحاول اوضح وجهة نظري في الموضوع الجديد إن شاء الله

وكل سنة وانتي واهل سيناء بخير وصحة وسلامة

الراقـــص مع الذئـــــاب يقول...

آبي
كل سنة وانتي طيبة وبخير يا آبي
من غير ما اشك انا عارف طبعك يا آبي وعارف موقفك هيكون ايه من البعده دوله
اما بالنسبة للشخصيات فالموضوع اللي جاي إن شاء الله هنتكلم عنها

----------------
مني

القوات المسلحة زي اي منظمة فيها السلبيات وفيها الايجابيات ...بس اللي بيميزها عن غيرها حتة الانضباط والمركزية والقيادة...واللي بيتمسك عليه غلط او يتدبس في الغلط بيكون عقابه شديد...ورادع...ربنا يسترها علينا ونعديها علي خير

كل سنة وانتي طيبة وبخير وصحة وسلامة
-----------------------
ملك المدينة

وعليكم السلام ورحمة الله وبركاته
وكل سنة وحضرتك بخير
جزاك الله خيرا علي مرورك الجميل ونصائحك الغالية
واسعدني جدا زيارتك الجملية الي مدونتي الصغيرة
واتمني دوام تواجدك وتشريفك

الراقـــص مع الذئـــــاب يقول...

موناليزا
كل سنة وانتي طيبة
يارب ميكونش انطباعك عن الموضوع هو نفس انطباعك عن العنوان

-------------------
انا إنسان

جزاك الله خيرا علي زياتك الجميلة وإطراءك الغالي
واتمني تواجدك اخي الكريم دوماً في مدونتي الصغيرة

-------------------
محمد عبد القوي

بالنسبة لموضوع الشخصيات القذرة انا قالت هعلق عليه في الموضوع الجدجيد إن شاء الله

اما بالنسبة لحرب اكتوبر يمكن في حجات العسكريين يعرفوها اكتر من المدنيين
انا لما قعدت مع القادة والناس اللي كانت في الحرب والمباحثات والمفواضات وعرفت حجات وخبايا مكنتش اعرفها قبل كدا عذرت الناس ديه علي الكلام اللي اتعمل
ايوة كان نفسنا نكمل للأخر ونهرس كلاب صهيون
بس اللي اتعمل مش وحش....وحرب التحرير مفهاش ثغرات ....
رحم الله كل من شارك في هذه الحرب وافضت روحه الي بارئها ونحسبهم عند الله شهداء بإذن الله


جزاك الله خيرا علي المرور الكريم

الراقـــص مع الذئـــــاب يقول...

مؤمنة
وعليكم السلام ورحمة الله وبركاته

جزاك الله خيرا علي مرورك الكريم
إن شاء الله ربنا يقدرنا ونعرف نتعرض للموضوع دا من غير اي مهاترات ولا لغط

كل عان وانتي بخير


--------------------
سلوي

كل سنة وانتي طيبة وكل اسرتك واهلك والمسلمين بخير
جزاكي الله خيرا علي مرورك الجميل

--------------------
احلي حياة
وعليكم السلام ورحمة الله وبركاته
اعجبني جدا ردك اختي الكريمة
ولا تعتزري عن الاطالة فهي في صلب الموضوع وهي ما نحتاجه
اما بخصوص اعتراضك فأحترم وجهة نظرك وسوف اتعرض لها في الموضوع الجديد إن شاء الله
شرفتني جداً زيارتك الجميلة
دمتي في خير

الراقـــص مع الذئـــــاب يقول...

أحمد العدل
ازيك يا ابو حميد
الله يسلمك ويبارك فيك يارب
كل سنة وانت وكل المسلمين بخير وصحة وسلامة

جزاك الله خيرا علي مرورك الجميل


--------------------
صفا

جزاك الله خيرا علي زيارتك
وسوف ارد علي اعتراضك في الموضوع الجديد موضحاً وجهة نظري إن شاء الله

اسعدني مرورك يا اختي الكريمة

دمتي في خير

مـــــــــــــي يقول...

أنا بضم صوتي لصوت حنان شلبي
و الله بجد بتغاظ لما بشوف البنات بيعملوا كده < شوهتوا صورتنا يا بنات....يا شماتة الرجالة فيينا..هههه>

عموما بوست رائع كالمعتاد من الراقص مع الذئاب

حاجتين بحب أقراهم دايما جريدة الدستور و بلوج الراقص مع الذئاب :)

ما علينا يقول...

السلام عليكم ورحمة الله وبركاته


كل سنة وانت طيب يارب

وجميلة اوي التناتيش دي

خاصة تنتوشة مهند ونور

من مدة كدا باتصل على صديقة
ردت علي اختها اللي في الجامعه وصوتها معيط وحالتها كرب

مالك يا بنتى
تقولى مهند بيموت

انا والله اتنكدت
قلت لها قريبكم دا او من جيرانكم

قالت لي مهند بتاع نور

فهمت انا حاجة

نور دي خطيبته ؟

بانفعال واستنكار تقولى مهند بطل مسلسل نور

تخيل انى مسحت بيها الارض واتنرفزت منها لانى فعلا اتخضيت من صوتها

واقرا في مجلة
البنات نفسهم في واحد زي مهند
وواحدة يا عيني متواضعة بكل ياس قالت
انها عارفة انه مستحيل يكون في حد شبهه هنا

لكن على الاقل عايزة حد في رومانسيته وشاعريته


تصدق ضغطى على تانى

وبنقول احنا حالنا كدا له

مش المفترض ان هم دول امهات المستقبل
اللي هيربوا عماد الامة


ماعلينا

كل سنة وانت بالف خير
باثر رجعى

عذرا على التقصير

مؤمنه يقول...

السلام عليكم ورحمة الله وبركاته

امتى حضرتك هتكلم عن التناتيش اتاخرت اوى
دومت بخير
والسلام عليكم ورحمة الله وبركاته

بنوتة يقول...

هههههههه
حلوة تنتوشة دي بس عندي تعليق على التنتوشة الاولى انا بكرههههههههههههههههههههههههههههههههههههههههههههههههههههههههههههههههههههههههههههههههههههههههههههه مهند الزفت ده بس عايزة اقولك اني شوفت واحد هو هو بالملي مفيش فرق خالص غير ان اللي شوفته عنيه رصاصي و مهند{الزفت} عنيه زرقا
بالنسبة للتنتوشة التانية
فهماك
التنتوشة التالتة
مش عارفة يعني ايه تنتوشة

maryooom يقول...

السلام عليكم
مش كل واحد جميل وقمر بتكون اخلاقه كويسه يعني
والمفروض ان الواحده تدور في الزمن المهبب اللي احنا فيه علي واحد ذو صفات حميده
تاني حاجه هانتظر مواضيع الناس اللي بتتكلم عنهم
تالت حاجه
زي ما في اعداء في كل مكان (زي شغلي كده) زي ما في الحرب والاقتصاد بتاع الدولة ولا انت مش واخد بالك ان احنا بنقع ومطنشنين بمزاجنا يلا ما علينا المهم تناتيشك جامده جدا
تحياتي

بس خلاص ... يقول...

السلام عليكم ورحمة الله وبركاته
رغم التحذير من الدخول الا اننى عرفت ان هناك شخصية ساخرة وناقدةوهذه شخصية لانجدها كثيرا سعدت جدا بأرائك ونقدك اللاذع البناء وفى انتظار سلسلة التنانيش ...
وسلام الف سلام لابطال اكتوبر وشهداء اكتوبر وادعو الله ان نعمل جميعا بروح اكتوبر هتفرق كتير معانا ...

كلام على بلاطة يقول...

جامد والله جامد

اقصوصه يقول...

عجبتني مدونتك

وعجبتني اكثر تناتيشك

وكل عام وانته بخير

بس حلوه المصري فلبنان هاي

عيبتني :)