Translate

الأربعاء، 27 أبريل 2011

علامات استفهام؟؟؟؟؟؟؟؟؟؟؟؟

السلام عليكم ورحمة الله وبركاته
الموضوع دا انا جاي اكتب فيه علامات استفهام وأرجو من السادة القراء في ظل هذه الظروف الصعيبة ان يجاوبوني عليها ...

1- لماذا كل هذا الهجوم الضاري علي التيار السلفي واصبح التيار السلفي هو المحظور علي طريقة الاخوان قبل الثورة ؟
2- لماذا يقبع المدعو يحي الجمل في منصب نائب رئيس الوزراء الي يومنا هذا علي الرغم من رائحته النتنة قبل وبعد الثورة ؟
3- لماذا تحول الاعلام المصري الفاسد دائماً الي ابواق تحكي نفس الروايات كما كان قبل الثورة علي الرغم من فضيحته قبل تنحي مبارك؟
4- لماذا اختفي الدكتور كمال الجنزوري عن الساحة والاعلام في ظل الانتشار الطاغي لأقزام العلمانية ؟
5- هل طهرت الثورة بالفعل كل الخبث ام مازالنا نحتاج الي ثورة اخري للقضاء علي فلول الفساد ؟
6- هل يتحرك الدكتور عصام شرف من تلقاء نفسه ام يتعرض لضغوض من ايادي خفية ؟
7- هل جهاز امن الدولة مازال قائماً تحت مسمي واشخاص مختلفين ام سقط مع الثورة ؟
8- هل تغير المصريين تغير جذري ملحوظ بعد 25 يناير ؟


الدبوووووووووووووووووووووووووووووووووووووس

هل كانت هناك ثورة .......................................؟

هناك تعليق واحد:

مجداوية يقول...



السلام عليكم

مفيش اختيارات ؟

:)

نجاوب وأمرنا لله

اللي بيحمي الثورة ناس عواجيز تفكيرهم غير وتحركهم بسرعة غير وبينفذوا القرارات بطريقة غير

لازم نستحمل شوية طريقتهم اللي مش عاجبانا ,ومش عاجبة الشباب بالذات لأن فيه جيل أكبر منه بيتعامل معاه ففيه فرق في السرعة وفرق في الحمية و فرق في اعمال العقل والعاطفة

لأني لم أحضر ثورة قبل دي فلا أستطيع أن أعرف ما هي مواصفات الثورة المكتملة أو الناجحة ولكن من قراءة التاريخ أنا شايفة إن ثورتنا دي سريعة جدا بالمقارنة بثورة 23 يولية

فيه بطأ نعم فيه , فيه فلول , طبعا فيه لاعتراف الكل , فيه فساد نعم فيه نحتاج كمصريين لثورة تانية عشان احنا نتغير , طبعا ولكن يكفي أن نستحضر أيام الثورة وإزاى كنا ايد واحدة وإواى كنا حلوين أوي , اظاهر الخطر بيجمعنا ومش معقول نعيش في جو ثورة على طول عشان نحسن من اخلاقنا
كل حاجة بتاخد وقت والثورة مش عصا سحرية , الناس مستعجلة جدا النتائج عشان صبرت كتير وكانت فاكرة إنها خلاص طالما اتكلمت وثارت كل حاجة حتتعدل
لأااااااا احنا نستاهل التأخير ده عشان سكتنا أطول من اللازم و لازم نتقلى شويه عشان نحرم نسكت على الباطل تاني
الصبر
الصبر
الصبر
وافتكر أمس واللي كنا فيه وانت تعرف إننا عملنا ثورة كبيرة جدااااااااا
وكله بفضل الله استجاب لدعاء المظلومين


أهو جاوبت على كل الأسئلة الصعبة دي بدون اختيارات ولا الإستعانة بصديق وأنا أهديتك تاج في منتهى السهولة ومركون عندي ولا عبرته !!