Translate

الخميس، 19 يوليو، 2007

البحر




السلام عليكم


منذ فترة ولم اكتب موضوع بهدوء...من ايام خلف التلال وتحت ضوء القمر


وها انا قد قررت أن اختلي بنفسي



وجلسة علي شاطئ البحر




علي كورنيش الاسماعيلية الجديد المطل علي بحيرة التمساح الهادئة




في منتصف الليل...وكأني في ساعة ذروة




تختلط اصوات الناس في مزيج جميل مبهج...فها هو صريخ الاطفال وبكائهم




وها هو زوج يعنف زوجته علي إهمالها لترك الطفل




وينادي بائع الشاي ليلفت نظر الناس ويزكرهم بوجوده




ويضع جانبه كاسيت متهالك تخرج منه اصوات موسيقي صاخبة وكلمات غير مفهومة لا أدري إن كان صاحبها مطرب ام مطربة




ويتحرك بخفة ونشاط وابتسامة خفيفة بائع الفيشار بين جموع المواطنين علي الشاطئ




الكل سعيد ومبتهج....مستمتع بنفحات الهواء التي تمر علي استحياء مشفقة علي الناس تستأذن الحر الشديد والرطوبة في التخفيف عنهم




يجلس هذان الصديقان معا علي يميني يتهامسان ثم يقهقهان بصوت عالي بعد ان يطلق احدهما قفشة او مزحة خفيفة




ويجلس اعلي الشاطئ زوجان في سن ربيع العمر....ينظران في شرود الي البحر ثم تلتفت الزوجة من حين لآخر محدثة الزوج ببضعة كلمات..فينظر اليها ويتبادل معاها اطراف الحديث بمودة وحب قد اصلته السنين


ويأتي طفل جميل ممسكا بحجر ليلقيه في الماء معكرا صفوه ويبتسم ويقهقه لذلك...ومن الخلف تصيح امه عليه متوعده إياه بعقاب شديد بسبب التوجه دون إذن للشاطئ




واسمع خلف ظهري اقدام صغيرة خفيفة تهرول بسرعة مطلقة ضحكة خفيفة وصراخ المداعبة وإذا بطفلة تجري من والدها الذي يجري خلفها ويحمل اخوها الصغير ويهددها بعدم المجئ الي الشاطي في الغد ما دامت لا تسمع الكلام




واقصي شمال الكورنيش يتسلل شاب في مقتبل العشرينات...تبدوا علي وجهه علامات القلق وعدم الارتياح....ملتفتا يمينا ويسارا ناظرا حوله...جذبني حاله وتابعته خلسة بفضول...فإذا به ينزوي معطيا ظهره لنا ناظرا الي الصخور التي في اقصي اليسار....ثم يلتفت الينا مرة اخري وتبدو علي وجهه علامات الارتياح وهو ممسكا بحزام سرواله يشده علي وسطه ويحكم غلقه ويهندم ملابسه ويعود الي اصدقائه مرة اخري...مخلفا بقعة كبيرة من الماء كريه الرائحة علي الصخرة التي كان في مواجهتها


ولا يختلف حال من هم فوق صفحة الماء الجميل


مراكب الصيادين الصغيرة وعليها اصحابها تشتكي ايديهم تعب التجديف...وتأبي اعينهم الا ان تشارك الناس فرحتها وبهجتها


ويطغي علي تعبه فرحته برزق الله الكريم له من السمك الذي يتلاعب في الطاولات المخصصه لحفظه


ويقترب اخر من الشاطي يعرض بضاعته علي رواد الشاطي ويجملها ويتعالي صوت البيع والشراء بين الصيادين والمشتريين


وتذهب النساء لتشتري اصناف الاسماك الطازجة ويدفع الرجال المساكين دون اي مقاومة





اما تحت صفحة الماء الهادئة تقفز من حين لأخر احد الاسماك في رشاقة ودلال وكانها تنبه الجميع بان تحت الماء احتفالا اخر وبهجة اخري......وتقفز اخري وسط صراخ الاطفال الذين يفاجأهم المنظر فيصرخون منبهين بعضهم حالفين بأغلظ الايمان علي أنهم شاهدوا السمكة تقفز خارج الماء...وياتي من فاته المنظر متحسرا ناظرا الي الماء محدقا فيه لعله يفوز بهذا المنظر الذي لا يصدقه عقله الصغير


وكأن السمكة تشعر به وتأبي ان يمشي الطفل الا وقد شاهدها


فتخرج له قافزة برشاقة وبخفة ويصرخ الطفل مصفقاً علي فوزه بهذا المنظر الممتع


واجدني ابتسم معهم واضحك في نفسي...متمنيا العودة الي عالمهم والجري واللعب والقاء الاحجار في الماء....








ويمر الوقت دون اي ملل...وما زالت الحياة تدب علي الكورنيش وعلي شاطئ




ما أجمل التأمل في نعم الله عز وجل




وما أجمل البحر الذي يسلب الجالس امامه وكأنه مخلوق ذو قلب ينبض بحب من ينظر اليه




عجيب انت ايها البحر


ولكني احبك واحب الجلوس وحيدا علي شاطئك



انتهت



كلمتين وبس
الاجازة خلصت









هناك 41 تعليقًا:

mohand يقول...

السلام عليكم
كلمتين وبس
ترجع بالسلامة
ان شاء الله
سلام

BinO يقول...

كلماتك أشعر بها
كلمة كلمة
كأني كنت عايشها
وصف رائع أخي في الله
---------------------------------
أنت بتصلي الجمعة فين يا محمد
أبقي قلي؟

BizNasEr يقول...

ايوة كده ارجع للهدوء يا اخى, بقى انا طالع من اللى كنت فيه علشان اجى احضر الخناقات دى!!!!!المهم بجد تروح وتيجى بالسلامه يا دانسر بيك ومتنساش تاخد بالك من العلم دا عزيز عليا انت عارف عشرة متهونش برضه
ربنا يكرمك يارب
يالا سلام عليكم

واحدة من الناس يقول...

ياااااااااه أخيرا بقالك زمن عمال تتكلم كلام جد وفى مواضيع شائكه أيوه كده ياأخى فرحتنى
بجد رسمتلى صوره مبدعه شفت وحسيت بكل تفاصلها ياريت الدنيا كانت زحمه أكتر عشان تكتب أكتر:) بس عجبتنى قوى
كلمتين وبس
فى انتظارك:)

Eman Eltaher يقول...

وصف جميل للبحر و للحياة حوالين البحر و بجد كلمات حسستنى بانى قاعدة على البحر وشايفة الأطفال اللى بيجروا و السمك اللى بيقفز م البحر ف خيلاء
حلوة خيلاء دى ؟؟؟؟؟؟
هههههههه

عفوا .. أنا بتأسف على التعميم ف البوست بتاعى و عموما انا عدلته بحيث ميكونش فيه تعميم

تحياتى

fanan fa2eer يقول...

جمييييييل

شوفت المفروض تكتبلي شكر في آخر البوست عشان أنا اللي خليتك تنزل تروح البحر وتكتب الحاجات الحلوة دي هناك
:))))

ربنا يرجعك بالسلامةوأخويا معاك ان شاء الله

تحياتي

محض روح يقول...

حلو جو البحر وتأمل
حساه بوست هادي بتفصيله

على العموم
ترجع بالف سلامه ان شاء الله
ياخي الكريم

ما علينا يقول...

هو في ايه
كلكم على ولا ايه
اروح عند فنان فقير
الاقيها قاعدة على البحر وبتغيظني
واجي اقعد معاها تقوم

واجي هنا
الاقيك جاي لسه بمية البحر وبتغيظني برضوا

في ايه يا جماعة
ومين قالكم
تبقوا مبدعين كدا في وصف الموقف
حرام عليكم
يعني تاخدني لحد البحر واقعد واتفرج على كل البشر دول
وبعدين تقولي الاجازة خلصت

ربنا يسامحكم

خمسة فضفضة يقول...

السلام عليكم ورحمة الله وبركاته


الله ...ايه الجمال والحلاوه والتقائيه والجو الشاعري ده يا باشمهندس محمد

حسستني اني قاعده معاكم ، بجد فنان في رسم الصوره وطريقة سرد الاحداث

ياااه رجعتني لايام الاسماعليه وبحيرة التمساح والنادي الفرنساوي وقناة السويس

تروح وترجع بالف سلامه

Doba يقول...

يعنى كل الكلام ده كله وانت فى مكان زحمة ومطلع الحاجات الحلوة - اومال بقى لو كنت رحت حته فاضية ويكون البحرمنك ليه وبس كنت هتطلع لنا ايه ولا ايه

ماشية معاك يا عم- هديك حبة نق من اللى انا خدتهم - تحياتى

هبة

BizNasEr يقول...

مسيو دانسر
الحمد لله على سلامتك يا باشا اولا لانك مفروض تكون فى البيت دلوقت ( بفضحك قدام اصحابك وبعرفهم انك جيت)
يا سيدى انا كمان لسه واصل انهاردة الحمد لله وكل شىء تمام والدنيا حلللللللللوة قوى واكيد التفاصيل على الماسينجر باذن الله
يالا سلام عليكم

fanan fa2eer يقول...

حمد الله علي السلامة
يارب تكون نزلت
:)

Hannoda يقول...

فكرتني بالساعات لما تمر بسرعة قوي قدام مشاهد زي ده

و لما تبقى لوحدك وونسااان بكل دول
وهوى البحر يخليك في حالة من النشوة و الروقان و يخلي جسمك كله همدان

فكرتني بكورنيش اسكندرية اللي واحشني

بس أنا زعلانة قوي

أصلك واضح إنك رجعت من غيبتك و سفرك بقالك فترة و أنا كان نفسي أكون من أول الناس اللي تقولك حمدالله على السلامة

بس و الله إتشغلت الفترة اللي فاتت كتير

إوعى تزعل

ماشي؟؟

حمد الله على السلامة ولو متأخرّة

امام الجيل يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

None يقول...

محمد

اولا حمد الله علي السلامه ..واضح اني دايما باجي متأخر..بس عموما النت عندي مش شغال بقاله فترة طويله ولسه متصلح
كان نفسي طبعا اقولك حمد الله علي السلامه اول ماجيت ..واقولك مع السلامه وانت ماشي ..وكان نفسي اكتر بصراحه اني اشترك في النقاش الحاااااامي جدا اللي فات ..وانا اصلا بموت في المناقشات دي زي ما انت عارفD:

عجبني جدا ردودك علي اللي بعدوا عن النقطه الاساسيه في الموضوع وعرفت انك قمت بالواجب معاهم ..وكان نفسي جدا جدا اكون موجوده ..بس كومنتي دلوقتي للأسف مش هايزود ولا هاينقص في الموضوع في حاجه


نيجي بقي للبوست الجميل دا ..عجبني اوي وصفك ورؤيتك للحياه علي كورنيش الاسماعليه وحاسه ان الموضوع يستحق الزيارة جدا .ربنا ييسر واخد الاولاد في نزهه خلويه لكورنيش الاسماعليه


مافتنيش طبعا طبعا ان كورنيش الاسماعليه عندكم خالي تماما من الاخوة الحبيبه اللي بنشوفهم علي الكورنيش مرطرطين عندنا ..ولا البنانيت اللي لابسين شفتشي وماشيين يا ارض انهدي ماعليكي قدي اللي بنشوفهم في كورنيش الاسكندريه ..مش بقولك شكلي هاعزل عندكم قريب

المهم يعني عشان انا بس فتحت في الرغي شويه ..عايزة اقولك في الاخر ..ترجعلنا بألف سلامه وادعيلي بقي الحقك المرة الجايه قبل ما تسافر تاني

Ma-3lina يقول...

الصورة وو صف المواقف اللى حصلت قدامك لرائعة

ترجع بالسلامة ان شاء الله

دكتور مستكنيص يقول...

ايه ياوحش ده كله
دانا رجلي اتبلت من المية بتاعة البحر
وصفك جميل اوي ودقيق نقل الصورة صح فعلا حسيت وانا بقراه اني غبت عن الوعي كام دقيقة وسافرت معاك
جميل فعلا

الراقص مع الذئاب يقول...

السلام عليكم ورحمة الله وبركاته

مهند حبيب قلبي
الله يسلمك يا جميل..جزاك الله خيرا
يارب تكون في احسن الاحوال

مشكور يا هنود

الراقص مع الذئاب يقول...

بينو
ربنا يكرمك يا بينو يا رافع معنوياتي
جزاك الله خيرا علي المرور

انا بصلي في مسجد الكاكولا عند الشيخ عماد
اشوفك يوم الجمعة إن شاء الله
كلمني علي الاميل وهبعتلك رقم الموبيل إن شاء الله

دمت في خير اخي الكريم

الراقص مع الذئاب يقول...

حبيب قلبي
واللي مشي وسبني
ومن بعده الحرمان اخدني

حظابط ايهاب
عامل ايه يا جميل
وايه اخبار المعهد ..يارب تكون مستريح فيه
اما انا بقي منزلتش الاجازة اللي فاتت عشان افتتحت الحرمنات عندي في السرية
اخدت حرمان كدا في اللذيذ
بس طبعا نزلت فيه خدمة غفرة تانية ونمت والسلاح في حضني طول الغفرة وكنت هروح في داهية لكن ربنا سترها
اصعب حاجة انك تتحبس في الكلية في اول اجازة بعد الحفلة
بتحس بعكننة فظيعة..بس تاني يوم كان انتخة والحمد لله الاجازة مش جامدة
انا قلتلك ان مصطفي جمال حططني في دماغة ومش هيسبني
وطبعا استني الفرصة ورزعني علي المنصة في عز ما كان صيام بيجلجل...الحمد لله إن الجزا موصلش لسجن عشان كانت المنصة شايطه وقتها

المهم انت زمانك دلوقتي رجعت إن شاء الله بالسلامة
عاوزك بقي تحكيلي بالتفصيل الممل علي الماسنجر
سلام يا باشا

الراقص مع الذئاب يقول...

واحدة من الناس

طب الحمد لله ان الموضوع كان خفيف المرة ديه
مع إن النية كانت علي موضوع جامد برضو وفي خناقات
بس تصدقي الهدوء اجمل بكتير
الواحد صحته بقت علي اده برضو ومعدش مستحمل

ومن بعض ما عندكم يعني ...بنقلدكم في الشمس والشجرة
وسيبي بقي القمر عليا انا

ويا ستي كلمتين كمان وبس
الاجازة جت
ديه بقي احلي من الاجازة خلصت

جزاكي الله خيرا علي مرورك الجميل ودمتي في خير اختي الكريمة

الراقص مع الذئاب يقول...

الاخت ايمان الطاهر
اولا شرفني جدا تواجدك الجميل في مدونتي الصغيرة
واسعدني كلامك وردك الجميل

ومفيش اسف ولا حاجة وانا كنت متأكد من حسن نيتك بس حبيت اغير الصورة

شوية اللي انتي قولتيها في الموضوع

واشكرك علي التعديل

وربنا يصلح حال شباب المسلمين جميعاً

الراقص مع الذئاب يقول...

fanan fa2eerدكتورة

اولا جزاكي الله خيرا يا ستي عشان انتي كنتي صاحبة فكرة النزول للبحر

الله يسلمك وربنا يرجع اخوكي بالسلامة الناهرده
انا منزلتش الاجازة اللي فاتت عشان كنت واخد جزا
بس المرة ديه عدد الحرمانات قليل والكتيبة الاولي محدش قعد منها كتير...اكيد إن شاء الله يكون رجع بالسلامة دلوقتي

الراقص مع الذئاب يقول...

الاخت الكريمة محض روح
اسعدني جدا تواجدك وكلامك الجميل عن البوست
البوست المرة ديه كان هادي عن اللي قبل كدا..الحمد لله...الجو حر الناس مش ناقصة حورات ساخنة وخناقات
جزاكي الله خيرا مرة تانية علي زيارتك الجميلة

الراقص مع الذئاب يقول...

ما علينا
ازيك يا هندسة اخبارك ايه

يا سيدي ما انا رجعت بمية البحر علي الجيش علي طول
وطلع علي جتتي هناك والله

حط نفسك مكاني بقي لما تكون في اجمل مكان وبعدها بسعات تروح للجحيم

معلش يا سيدي...اهي الاجازة رجعت
نقوووووول كمان ونوصف في البحر
هو احنا ورانا حاجة
اسعدني جداااااااا تواجدك الكريم اخي في الله
جزاك الله خيرا علي المرور

الراقص مع الذئاب يقول...

الدكتورة خمسة فضفضة
وعليكم السلاك ورحمة الله وبركاته
فنان مرة واحدة
دا انا كدا ممكن اصدق واخد مقلب في نفسي بقي
بس بجد انا نقلت اللي شفته...وعشان كنت لوحدي كان الامر وختلف وانا مركز في الناس اللي حوليا
وبعدين تعالي بقي هنا
يعني كنتي بتيجي الفرنساوي والبلاجات ومقلتيش يعني؟؟
ماشي يا دكتورة
كنتي بتيجي اسماعيلية من ورانا

طبعا تشرفيها وتزديها جما انتي وكل الناس اللي هنا
وياريت كلكم تشرفونا في اجمل واهدئ بلد في مصر (من وجهة نظري السخصية)

جزاك الله خيرا علي المرور اختي الكريمة

الراقص مع الذئاب يقول...

هبة
طبعا الزحمة والحياة وضع مختلف عن القاعدة في مكان فاضي
وقتها بيبقي في ورقة وقلم وحجات بتتكتب بقي وشغل فنانين
بس بقطعه قبل ما اقوم وبيروح مع الموجة اللي راجعة والحبر بيدوب في الميه
عموما البحر جميل في كل وقت....حتي وهو غضبان وهايج ....برضو جميل

اسعدني جدااااااامرورك الكريم يا اخت هبة وجزاكي الله خيرا علي مجاملتك الرقيقة

الراقص مع الذئاب يقول...

Hannoda
ليكي وحشة والله يا هنودة
بجد سعدت جدا برجوع تعليقاتك الجميلة تاني عندي بعد غياب طويل

الله يسلمك يا هنودة ..هي مش متأخرة ولا حاجة...عشان انا لسا نازل الناهرده اجازة
وبعدين انا لسا مرجعتش ولا حاجة
انا بس بنزل اجازات قصيرة كل اسبوع (لو مفيش عليا جزاءات) وبرجع تاني...هي كانت الفترة الاولي بس اللي طويلة

المهم انتي طمنينا عليكي وربنا ييسرلك احوالك

اما بقي بخصوص كورنيش اسكندرية فهو الاصل
نقدرش اتكلم بقي...والميكرفون معاكي انتي واحكيلنا علي اللي هناك

الراقص مع الذئاب يقول...

نان
اخييييييييرا
انتي فين يا عم نان
والنت دا بقي ايه حكايته

يا ستي الله يسلمك ويبارك فيكي

اما بخصوص النقاش الحامي بتاع المرة اللي فاتت فمكنش حامي اوي عشان الخصم المرة ديه كان ضعيف وحقير
ومتزعليش...الجيات اكتر....وصوتك طبعا معانا
والله يا اختي الكريمة انا كنت متضايق اوي وانا بفتح الموضوع وبتكلم فيه
مكنتش اتمني اني اوصل في يوم اني اتكلم في حاجة زي كدا
بس زي ما قلت....احنا لازم نتكلم مدام الامر وصل للي وصل ليه

المهم انك بخير
وإن شاء الله نشوفك انتي واسرتك كلها في اسماعيلية قريب
حيث الهدوء والجمال ومفيش هناك حد بيلبس شفتشي (عشان ابو العيال عينه مترحش كدا والا كدا...طبعا احنا عارفين انه محترم وعمره ما هيعملها والدليل انه اختارك ام لأولاده...بس طبعكم بقي ومتزعليش مني دي دعابة)...وبعدين بقي انتي ترغي براحتك وتقولي اللي انتي عوزاه
بعد الغيبة الطويلة ديه ومش عاوزه ترغي
يا نهار ابيض

طبعا ردك الناهرده ورجعوك بعد الغيبة حاجة جميلة جدا وفرحتني
جزاكي الله خيرا علي تواجدك الجميل وعلي ردك الاجمل
دمتي في خير اختي الكريمة

الراقص مع الذئاب يقول...

دكتورة ماعلينا

جزاكي الله خيرا علي تعليقك الجميل

الله يسلمك ويبارك فيكي


شرفني تواجدك اختي الكريمة

الراقص مع الذئاب يقول...

دكتور مستكنيص
اولا اسعدني جدا تواجدك وزيارتك الكريمة
هي فعلا كانت الصورة بنفس الوضع دا وتلقائية الناس وعفويتهم كانت جميلة جدا...
وخصوصا لعب الاطفال
وإن شاء الله المرة اللي جاية انتي الللي هتحكلنا بقي
جزاك الله خيرا علي كلامك الجميل لخي العزيز ودمت في خير

خمسة فضفضة يقول...

السلام عليكم ورحمة الله وبركاته

ايه يا باشمهندس انت نسيت ولا ايه
مش قلتلك قبل كده ان عمة والدي من الاسماعيليه

قعدنا فتره طويله جدا نروح اسماعيليه كل صيف ونقضي مده طويله هناك لحد ما عمتي ربنا افتكرها بطلنا نروح

يااااااه ليا هناك ذكريات جميله وكتيره جدا جدا في كل حته تقريبا

سلام

ما علينا يقول...

السلام عليكم ورحمة الله وبركاته

اولا حمدا لله على سلامتك

عايزة اوضح حاجة بس

انا مش المهندس ماعلينا
انا ماعلينا تانية خالص

وما كنتش اعرف ان في مدونة بنفس الاسم الا بعد ما عملت بتاعتي بمدة

بس هم الاقدم طبعا
الدكتورة مااااعلينا
والباشمهندس ماعلينا


سلام بقى
واتمنى انك تتقبلني كزائرة عندك

Bossy يقول...

السلام عليكم

البوست بجد هادي اوي
وجميل جدا
احلي شئ فعلا التامل

علي العموم حمد لله علي السلامه

eduardo waghorn يقول...

Salaam from chile, Southamerica!
I admire very much arabian culture, my grandparents from my mum was from Syria...
Please, visit me and send a comment, even an arabian:)
shukran!!

صاحب البوابــة يقول...

لثقتنا الكاملة فى وطنيتكم وحرصكم على سلامة شباب الامة
ندعوكم للانضمام الى حملة

( افضحوا تجار الكيف )

وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك

والتفاصيل والبانارات على هذا الرابط

http://tw3ya.blogspot.com/

انتظر تفاعلكم

mesh2dra يقول...

السلام عليكم


الله
سلملي على البحر آوي
واجازة سعيدة يا فندم

وصفك رائع جدا
كنت حاسة انى انا اللي قاعدة على البحر

يالا
سلام

رينـــــــــــا يقول...

كلمتين وبس
احلى دنيا

الراقص مع الذئاب يقول...

دكتورة خمسة فضفضة
وعليكم السلام ورحمة الله وبركاته
تصدقي اول مرة اعرف ان ليكي فروع اسمعلاوي
وبتشجعي الاهلي يا دكتورة؟؟؟؟؟
طب الفرع الاسمعلاوي دا يعرف انك اهلوية والا انتي خبيتي عليهم؟؟

إن شاء الله ترجعي تاني اسماعيلية وتنوريها يا ستي
ورحم الله عمتك
----------------------------
عموما ما علينا
وعليكم السلام ورحمة الله وبركاته
تداركنا الخطأ والحمد لله
طبعا انا اتشرف بوجودك عندي
دمتي في خير اختي الكريمة
------------------------------
بوسي
حمد الله علي السلامة
طبعا البحر جميل وفيه سحر غريب
بس للأسف مكنش عندي وقت انزل الاجازة ديه واقعد عليه
بس إن شاء الله الجايات اكتر من الرايحات
الله يسلمك وجزاكي الله خيرا علي المرور
------------------------------
eduardo waghorn
you are welcome in my blogger
and i will visit your blogger and send a comment....even an arabian
c u

------------------------------
mesh2dra
وعليكم السلام ورحمة الله وبركاته
الله يسلمك
الاجازة برضو خلصت...بس البحر لسا موجود
جزاكي الله خيرا علي كلامك الجميل يا اختي الكريمة
واسعدني جدااااااااا مرورك
دمتي في خير

-------------------------------
رينا
كلمتين وبس
ويلكم باك
يعني حمد الله علي السلامة

gohayna يقول...

محمد

عارف كل الكلام كاني متخيلاه وكاني عيشه فيه

اخدتني في رحله كنت محتاجلها من زمان اوي

شكل البحر
والجو الجميل

والناس
وضحكهم
وتعليقتنا

حتي النسمات الي بتعدي وحشتني جدا

عارف ميحسش بحلاوه الكلام دا غير حد زي

كان في ظيته
وظمبليطه
في مصر
وفجاه لقيت نفسي هنا

صحيح ليا اصحاب هنا برضه
بس مش نفس الجو
ولا نفس الروح

ولا نفس الحياه
كل حاجه هنا ليها طعم مختلف خالص يا محمد

انا عارفه اني طلعت عن الموضوع بس كأني بفضفض هنا

متزعلش من تاخير يا محمد انا مقصره اوي اوي اوي

ربنا يرجعك بالف سلامه يارب

تحياتي

مؤمنه يقول...

الواحد حس ان هو صيف