Translate

الخميس، 12 يوليو 2007

وانكسر سن القلم

السلام عليكم



فتحت الصفحة وأنا اشتاق للكتابة وأشتهي فتح الف موضوع للنقاش

ولكن.....

إنكسر سن القلم

تاهت الاحرف من علي لساني

وأصبحت امحي الكلمة قبل أن أكتبها


حتي مدونتي....تلفظ ما أكتبه فيها ولا تقبله

كانت حبيبة الي قلبي....كنت اشتاق اليها وانا بعيدا عنها

فيها لا أكذب ولا اتجمل.....

كلما أردت ان أبوح بشئ اميل اليها وأكتب

ولكني أرها الأن تشيح بوجهها عني وتأبي سماعي

هل تعاقبني علي بعدي عنها وهي تعرف انه ليس بيدي؟؟

أم هل وجدت نفسها غير ذات قيمة وفضلت الرحيل في صمت؟؟



فليكن ذلك...ولو بشكل مؤقت

حتي تعود الي مدونتي ويلتئم كسر قلمي



اعتزر للجميع عن التوقف عن الكتابة لفترة لا يعلمها الا الله

ولكن بإذن الله سوف أكون ضيفا علي مدوناتكم قارئ لمواضيعكم في صمت

.
.
.

دون ترك توقعي :

الراقص مع الذئاب


هناك 13 تعليقًا:

سكتم بكتم يقول...

لية ياعم كد بس
أستهدي بالله وحاول تاني
يعني أول مرة أجيلك كدة تقفل الباب في وشي

علي العموم أنا متأكد أنك حترجع بسرعة

ربنا معاك

تحياتي

عالمى ازرق يقول...

طيب والناس اللى بتستنى اجازاتك علشان تشوف مواضيعك الجديده
تعمل ايه ؟

اعتقد ربما هناك من الاسباب مايدعوك للعزوف عن الكتابه
الا ان هناك اسباب اكثر منها تدفع قلمك اليها
فى انتظارك .. وانتظار جديدك
وحمدلله على سلامتك

šσяšαяαα يقول...

السلام عليكم

محمد تسمحلى انقل البوست دا عندى

او مش انقله يعنى بمعنى الكلمة

بس انا كمان بفكر جديا اتوقف عن التدوين على الرغم من ان فى مواضيع كتير اوى برضو كان نفسى اكتب عنها

لكن انت بقى هتسيب الجمهوووور العريييض دا وتروح فين

اتمنى تكون فترة توقف مؤقتة ودايما نكون على اتصال

تحياتى ليك اخى الكريم

Bossy يقول...

السلام عليكم ورحمه الله وبركاته

حمد لله علي السلامه يا بشمهندس
ويارب تكون بخير دائما

للاسف انك هتتوقف عن التدوين لفتره
يارب تكون قصيره علشان انت من الناس اللي مميزين بكتاباتهم
بس انت قررت تنسحب
وكده انت بتعاقبنا يا محمد
ان شاء الله ترجع بمواضيع جميله وفي انتظار الجديد دائما
ونتمني ليك انت دائما تكون بخير

خمسة فضفضة يقول...

السلام عليكم ورحمة الله وبركاته

ايه ده يا باشمهندس ..لأ ما تقولش كده
اتكلم جد وبلاش الهزار ده
ايه اللي حصل هو انت زعلان مننا ولا ايه

ولا شكلك كده بتشوف غلاوتك عندنا

كلنا مش موافقين علي القرار ده واولهم انا
وهانفضل نستناك في الاجازات علشان نقرا بوستاتك الجديده ، يلا كده استهدي بالله واقوم ابري القلم وهات صفحه جديده كده ومن اول السطر ابدأ اكتب
وان شاء الله هاتلاقي كل حاجه بقيت تمام

سلام

رينـــــــــــا يقول...

السلام عليكم
ازيك يا محمد ...حمد الله على السلامه ..سعيدة انك هتقعد معانا وقت طويل المرة دى

يابنى مش تضايق نفسك اعتبر الاجازة دى اجازة من كل حاجة
ريح حتى دماغك من عناء التفكير والكتابه
اعتبرها اجازة استرخاء من كل حاجة
والقلم متكسرش والا اى حاجة
يمكن هو كمان مجهد من الفترة اللى فاتت
خليه يرتاح هو كمان زيك رغم اننا بنستنى كلامك بس نعمل ايه بئا انت قررت تتقل علينا شويه بس ماشى:P

وبعدين انا واثقه انه شويه صغيرين وهو اللى هيجرك ويقولك تعالى اكتب بيا :D

مش تشيل هم حاجة وكل حاجة باأونها
وبعدين كفايه ياسيدى انك هتزورنا كلنا دا اصلا مكسب لينا بردوا انك تشرف مدونتنا :D

ربنا يقويك واجازة سعيدة

BinO يقول...

عزوف الكلمات وعسرها
وضيق النفس وما يلحقه من الرغبة حتي بمجرد التفكير غن الأحتكاك بالناس
شئ طبيعي وبيحدث من أن لأخر لكل واحد فينا
حمدلله علي السلامة
وانت واحشني جداً
وعلي فكرة انا في الأسماعيلية لحد يوم الأحد أن شاء الله
كان نفسي أشوفك
بس حسني عبد ربه عامل قلق لشعب الأسماعيلية
:(
أتمني لك دوام التوفيق
صحيح أنت بتصلي الجمعة فين
:)

حقوق الضباط الإحتياط يقول...

طيب وماله يا سى دانسر افندى
سيادتك عرفت انى خرجت من الكليه ومش هشوفك هناك تانى فقلت تتمرد وتعمل عصيان عام وتكسر الاوامر العسكريه وتبطل كتابه وده شىء مرفوض يعرضك للمسئوليه الجنائية امام محكمه البلوجز الدوليه وعليه:
العوده للتدوين
الاعتذار لنفسك انك غلطت فى حق نفسك
وحاجات تانيه اقولك عليها
ومتنساش انى لسه ليا رجالتى عندك فى الكليه ومنهم مستجدى جودزيلااااا
مستنيك تانى يا دانسر

tearwhispers يقول...

بقى كده يا باشمهندس عاوز تسيبنا من غير كتاباتك الرائعه
أنا عارفه ان الانسان ساعات بيجيله احساس بالملل او بعد الجدوى لكن اتمنى انك تعدى المرحله دى بسرعه و ترجع لنا
ربنا معاك

محض روح يقول...

اولا حمدالله على السلامه
ويارب تكون المره ديه بخير

ثانيا الي انته فيه كلنا بنمر بيه
يمكن كل التجارب الي بنصعها بتفقد بيرقها مع الزمان
ده شئ طبيعي
ويمكن بيجي فاتره تحس ان في كلام كتتتير جواك ومن كتر مهو كتير مش عارف توصفه في كلامات
مفهومه
اصمت بيكون اختيرنا الاخير
للستمرار مره اخرى
وعلى فكره
الصمت ليه صوت مش شرط نسمعه
!!لكن نحسه

فتره وهتعدي ان شاء الله
على خير
طمنا عليك
يااخي الكريم

الراقـــص مع الذئـــــاب يقول...

السلام عليكم ورحمة الله وبركاته
جزاكم الله خيرا اخواني في الله علي اهتمامكم وردودكم الجميلة
فعلا كانت حالة والحمد لله اخدت وقت قليل جدا ومطولتش زي ما كنت انا فاكر

سكتم بكتم
متزعلش مني...حظك بقي جه كدا...إن شاء الله اتشرف بوجودك معايا ديما

عالمي ازرق
جزاكي الله خيرا علي مجاملتك الرقيقة والكلام اللي مستحقهوش
فعلا في اسباب خلتني ارجع اكتب تاني...وللأسف اسباب مستفزة جدا

الاخت الشقية جدا سارة
المشكلة اني مكنتش فعلا مهئ اني اكتب اي حاجة...ودي كانت حاجة غيربة جدا وعمرها ما حصلتلي
بس الحمد لله هرجع اوجع دماغتكم تاني
وانتي كمان هتبطلي حكاية البيات الصيفي ديه

بوسي
الحمد لله الفترة فعلا قصيرة ومطولتش...دا انا اموت لو مفضفضتش
انا منسحبتش ولا حاجة...انا قلت هتوقف فترة...زي هدنة
كلامك جميل جدا يا بوسي ومجاملتك رقيقة
جزاكي الله خيرا علي الاهتمام

الدكتورة خمسة فضفضة
وعليكم السلام ورحمة الله وبركاته
لا طبعا عمري ما هعرف ازعل منكم
دا انتم والله زي اسرة جميلة بحب ديما ابقي معاها
جزاكي الله خيرا علي سؤالك واهتماك الجميل

رينا
وعليكم السلام ورحمة الله وبركاته
ايوة يا ستي قاعد معاكم فترة حلوة بس قربت تخلص :(

فعلا هي كانت زي هدنة من التفكير...بس
انا متعتي في الكتابة والفضفضة
والحمد لله القلم متكسرش فعلا
والله مش تقل ولا حاجة...بالعكس دا انا نفسي ارجع اندمج معاكم زي الاول...انتم وحشني جداااااااااا
كلامك جميل جدا ومش غريب علي رينا
جزاكي الله خيرا

اخي الجميل بينو

الله يسلمك ...وانت كمان وحشتني جدا
ومش جاي تقول انك في اسماعيلية غير الناهرده
سبحان الله يا اخي...والله نفسي اشوفك واتعرف عليك عن قريب...انا واثق انك هتطلع احسن ما انا شايفك في مدونتك
احبك في الله اخي الكريم
انا بصلي الجمعة في مسجد الكاكولا عند الشيخ عماد لو تعرفه
saber133@hot
دا الاميل بتاعي ابقي كلمني عليه وظبط معايا
انا اجازة إن شاء الله اربع وخميس وجمعة كل اسبوع

ملازم ايهاب حرب الكترونية
تهنئة متأخرة يا هوبة
معلش بقي انت عارف الظروف
انا رجعت قرفان اوي من اللي عملوا فينا العقيد احمد صيام بعد ما حضرتكم مشيتوا
والله انا فرحت اوي انكم اتخرجتوا
الحمامات هتفضي والكانتين هيبقي رايق والتلفون هيبقي في متناول الجميع
شفت بقي انتم غاليين علينا اد ايه؟؟؟
:)
ربنا يوفقك في سلاحك وفي الفترة اللي باقية إن شاء الله
وادعيلي اني اخلص علي خير

tearwhispers
كلمات رقيقة ومجالملة جميلة جدا يا اختي الفاضلة
الحمد لله المرحلة عدت بسرعة وإن شاء الله هرجع في اقرب وقت
جزاكي الله خيرا علي اهتمامك الجميل

محض روح
الله يسلمك يا محض


كلماتك عذبة جدا يا محض...وفعلا صادقة وجميلة
انتي بتعرفي الحجات ديه ازي؟؟؟
ماشاء الله عليكي ربنا يزيدك حكمة وفطنة وفراسة
دمتي في خير اختي الكريمة واتشرف بتركك بصمتك في مدونتي المتواضعة

الراقـــص مع الذئـــــاب يقول...

الخي الجميل مهند جزاك الله خيرا علي اهتمامك
كيف لا وانت من اقرب الاشخاص لي من خلال البلوجر
دمت في خير اخي الكريم

gohayna يقول...

طبعا الحمد لله انها كانت حاله وعديت والحمد لله اكتر اني مشفتهاش غير متاخر

عشان بجد كان هيكون الدم للركب

كويس انك رجعت لعقلك يا معلم

حمدلله علي السلامه