Translate

السبت، 7 يونيو 2008

(س) و (ص) و (ع) .......

السلام عليكم


ازيكم يا شباب

عارف والله إن الجو حر ومحدش طااااااايق نفسه

وكمان الأمتحانات زنقة ناس كتيرة اوي ومحدش فاضي لحد

يااااااااااااه...كانت أيام جميلة أيام الأمتحنات...الله لا يعدها تاني

أيام السهر والدح والتركيز ومعسكر المزاكرة المغلق والأعصاب وفي الأخر برضه مش بحل حاجة وكنت بسقط

بس هتعدي إن شاء الله....ربنا يوفق كل الاخوة والاخوات اللي مشغولين في الامتحنات...ويجعلها عليهم برداً وسلاماً

نيجي بقي لموضوعنا


كنا من زمان قلنا إنننا هنتعرض لبعض السلبيات اللي موجودة فينا وجيبانا ورا خلق الله كلهم

معلش يا جماعة مش هندفن رسنا في التراب ونقول إننا احسن شعب واحسن ناس ونفضل نضحك علي نفسنا

احنا فينا ميزات كتيرة وجميلة مش موجودة عند اي ناس في الدنيا

بس عندنا مصايب تانية لازم نقف ونتكلم فيها


في عندنا فئة من الشعب المصري (ليست بالقليلة) تخاف ومتختشيش

يعني ايه ممكن توضح....

ماشي..هقولهالكم في صورة مشهد تمثيلي بسيط


(س ): راجل عادي مهذب عاوز يركب تاكسي

(ص) : صوته عاالي وبتاع مشاكل وبرضو عاوز يركب تاكسي

(ع ): سواق تاكسي بيخاف بس مبيختشيش



(س) وقف (ع) عشان يركب معاه

(س) بيحاسب (ع) بكل ذزق

(ع) شاف (س) راجل محترم قال اصيع عليه

رد وقال: ايه دا يا أستاذ....هو انا بشحت منك...انت فاكرنا نايمين في بيوتنا والفلوس بتجينا علي الجاهز

ملعون ابوها دي شغلانة....شغلانة بنت (تيييييييييييييت) وزباين ولاد (تيييييييييييييت) وبلد بنت (تييييييييييييييييييت)

والناس اتلمت عشان تتفرج

(س) طلع من جيبه زيادة عشان يسد بيها البلاعة اللي اتفتحت في وشه

ومشي من سكات


(ع) اخد الفلوس ومشي وهو حاطط في دماغة إن س دا إنسان ضعيف وغلبان وانه ضحك عليه



تاني موقف


(ص) عاوز يركب تاكسي

شاور ل (ع) عشان يركب معاه

طلع الفلوس بيحاسب (ع)......(ع ) رد عليه زي ما رد علي (س)

(ص) قاله وقف العربية....ونزل جابه من رقبته ونيمه علي الكبوت وكال له من اللكمات والصفعات ما يكفي لأنعاش مريض مصاب بأزمة قلبية حادة


(ع) اخد العلقة التمام واخد الفلوس اللي رمها في وشه (ص) وعدل هدومه وركب من سكات ومشي وهو مشغل الكاسيت بتاعه علي اغنية العبد والشطان

..................


(س) دا راجل مهذب ومحترم ومش بتاع مشاكل ....عندنا في مصر بنقول عليه غلبان.....وممكن يبقي ملطشة للناس

وطبعاً زي ما احنا عارفين مصر فيها ناس كتيرة اوي زي (ع) ......

ممكن انت نفسك تكون (ع) وانت مش واخد بالك

لو انت مدير في العمل وعندك موظف زي (ص) هتخاف منه ...ولو عندك موظف زي (س) هتفتري عليه


الموقف دا حصل معايا في اول ايام إستلام عملي ...دخلت الوحدة بكل ادب وذوق مع الكبير والصغير

ناس منهم افتكروني )...حبوا يعملوا (ع) ....للأسف اضطريت اني ابقي (ص) وصوتي يعلي ...

ومن بعدها الناس كلها بقت بتحترمني...أو بتخاف مني

طب ايه اللي وصلنا لكدا.....ليه منبقاش كلنا (س) بالمعني الصحيح

ليه منبقاش مهذبين في تعاملتنا من غير ما حد يتهمنا بالضعف أو الجبن؟



(ص) راجل صوته عالي وبياخد حقه بأيده .....الناس بتخاف منه

كله بيعمله الف حساب ...محدش بيقدر يتعدي علي حق من حقوقه ولا يقرب منه


كدا بقت غابة....وقانونها معروف

من عز بز ...ومن غلب افترس


للأسف (س) النقي مش هينفع يا جماعة....لازم يهجن ببعض من الجينات اللي موجودة عند ص

عشان يقدر يواجه (ع) اللي بقوا كتير اوي


يعني لازم يا (س) تلبس قناع (ص) وتتقمس شخصيته في بعض الأحيان


ودي قاعدة واسعة...ممكن تدخل فيها دول العالم

في دول كتيرة اوي زي ).....بتفتري علي دول زي )....بس برضو في دول زي (ص) بتعرف تخوف اللي يخافوا وميختشوش

ولا يتبقي ل (س) الا ...التنديد والادانة والشجب والاستنكار
وهي ديه المعادلة الصعب
امته تبقي )...وامته تبقي (ص)
الدبوووووووووووووووووس
الجو بدء يحرر....والهودم بدأت تخف....وتشف....وتقصر....وتقل......و.....
طب هو بعد كدا في ايه؟؟
هتتنزلوا عن ايه تاني
لا يتبقي الا ورقة التوت....وهيتحججوا إن دودة القز اكلتها
ياريت اللي يعرف حد من الجماعة ديه ينصحها في الله
ويقولهم عيب كدا....مينفعش....
اقعدوا في بيوتكم وخففوا زي ما انتوا عاوزين
بلاش تظهروا للمجتمع انكم معترضين علي الحر
انا بتكلم علي تاء التأنيث طبعاً....
علي ما اعتقد إن في ولاد (تييييييييييت) شتموا في النقاب واعترضوا عليه
من حقنا احنا كمان كأرهابيين إننا نعترض علي البكيني اللي هيبقي موضة صيف 2008 في شوارع المحروسة
خلص الكلام
وربنا يهدي

بعتزر للناس الجميلة عن عدم مروري في مدوناتهم الاسبوع دا وعدم ردودي علي تعليقاتهم في الموضوع اللي فات لضيق الوقت جداااااااا

وإن شاء الله الاجازة اللي جاية امر علي كل الناس

جزاكم الله خيرا

هناك 16 تعليقًا:

nonoymm يقول...

السلام عليكم
والله دايما دبابيسك كدة بتجيب دم
حاضر هننصح الغير في الله وربنا يعيني واتحمل
حضرتك عارف النصيحة من منتقبة مهما اتكلمت بتبقى تقييييييييلة
بس مش هبطل وربنا المعين باذن الله
موضوع س وص وع موجود جداااا
وطرحك ليه واقعي علىى الاخر وقابلناه على محتلف الاوساط
خصوصا المحترم اللي ممكن برضه باحترامه يخرس سواق التاكسي اياه
تحياتي وتقديري

appy يقول...

هههههههههه طيب يا ص ماشى افضل على صوتك كده لغايه لما تبعت لنا اشارات استغاثه وانا ولا اعرفك
ههههههههههههه
بس يا ح الظابط هى دى بلدنا انا مثلا معرفوه انى هاديه ومؤدبه والله الناس بتقولى بس ساعه لما اقلب يا ساتر حاجه وحشه بس برضه مع احتفاظى باحترامى كتير فى الكلام
ومش بحب اللى يستغل حد ولا يضحك عليه ولسه كنت هعض جارتى بسبب كده بس اتنين تانين ادخلوا وانا سكت وقولت خلاص
فيه ناس تفتكرك طيب تقوم تستهبل فدول حلهم كده لما يلاقوا كتير قدامهم بالشكل ده هتجبرهم انهم يحترموا نفسهم ويبقوا مؤدبين بص يا ابو صابر احنا عندنا الكتير اللى عاوز يتربى
ومش هنيأس وانا اجدع واحد تعلى صوتها بس والله بالادي لا بزهق من السلبيات بتاعت الناس
الدبوس بقى مش هتوصل بيكينى هههههههههههههه يا راجل لسه فيه ناس محترمه يعنى عموما ربنا يهدينا جميعا يا رب وينور طريقنا للصح واللى بيرضاه

آفاق الحرية يقول...

هههههههههههههههههههه
س و ص و ع
ايه ياعم المعادلات ده كلها
والناتج طلع كام ان شاء الله
ههههههههههههههه
بس والله الاسلوب جميل اوي
بس هو للاسف اننا بنعمل محترمين وبنبقي كلنا س
هنعمل ايه بقي الالتزام له ضريبته برده
بس طبعا مش مع الحق
بالنسبة لدبوس معاليك
ههههههههه
مش عارف والله ايه اخرة البكيني ده
ده بقت حاجة تقرف

منى يقول...

طيب مش مكن نضيف ل
اللى ياخد حقه ومش يتنازل عنه بس من غير ما يبقى ص او ع
يعنى مثلا لو سواق التكسى قاله مينفعش كده
يديله اللى شايفه حقه
ويسيبه ويمشى
لا يضربه ولا يخضع
انا بقى جربت الحكايه دى بس مش فى التاكسى
تحياتى

مـــــــــــــي يقول...

بعد التحيات والسلامات...

انت قلت الكلمتين اللى كانوا محشورين فى زوري أنا كمان....والله انت عندك حق هو ده مجتمعنا الأيام دي...

كتبت فأجدت !

Vague يقول...

السلام عليكم

ايه الحكاية؟؟ دي تالت مرة ابعتلك كومنت مايظهرش عندك انت بالذات

انا ساعات بكون س مع ال س

وبكون صبادب من غير تيييييييييت مع ال ع

لكني عمري ما بكون ع والحمد لله

د/أبويحيى وادم يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

Sharm يقول...

صيف سعيد لك وللجميع

مؤمنه يقول...

السلام عليكم ورحمة الله وبركاته
د
أنا مع المزج بين س وص
فى الاول والاخر مش حد هيتعدى على حقوقى ولا انا هتعدى على حقوق حد
بدون كلمه غلط او مد ايد
واخيرا
ربنا يهدى زى ما حضرتك قولت
والسلام عليكم ورحمة الله وبركاته

عاشقه الفردوس يقول...

استاذنا


ربنا يكرمك خليك (س) معلش كفايه الشوينتين اللي وريتهولهم

بس كلامك مظبوط
وبتحصل كتييييييير

بس هنعمل ايه


ايه التيت دي تقصد يعني شتيمه وبتمنع تقولها يعني ولا فيه فعلا شتيمه اسمها تيت


مممممممم الدبوس ده محترم زي كل الدبابيس التانيه


بس يانونويوم انا مش معاكي مش دايما علشان انتي منتقبه كلامك مش بيتسمع او نصايحك مرفوضه

لان مش شرط اصلا انك تتكلمي يكفي افعالك

وعلي فكره المعاملات الحسنه هي ابلغ النصح وابلغ من الكلام واسرع وصولا كمان



جزاك الله خيرا

عاشقه الفردوس يقول...

كلمه انتي منتقبه هتفهم ناس اني مش منتقبه

بالعكس انا كمان منتقبه والحمد لله
بحاول اامر بالمعروف وانهي عن المنكر وقبلها اكون صلحت العيب ده في نفسي

الراقص مع الذئاب يقول...

عاشقة النقاب
وعليكم السلام ورحمة الله وبركاته
انصحي وأجرك علي الله يا اختنا الكريمة
جزاك الله خيرا علي المرور الكريم

----------------
آبي
انا عارف انك لما بتقلبي هتبقي عاملة ازاي...ربنا يسترها...بس متوصلش للعض...انتي كدا بقيتي زي المدام ام الفسافيس
جزاك الله خيرا علي مرورك الكريم
---------------
آفاق الحرية
النتيجة كومبلكش خالص يا اخي الكريم
الحل مركب وصعب اوي للأسف
تسلم علي مرورك الغالي
---------------

الراقص مع الذئاب يقول...

مني...
بالفعل انا كنت ضايف ل بس عدلت الموضوع...حبيت اركز علي المهمين بس
اصل ل قليل اوي....للأسف مش كتير
ربنا يكتر من ل ...واثبتي علي موقفك يا مني وخليكي ل علي طول

جزاك الله خيرا علي المرور الجميل

---------------------
مــــــي
بعد التحيات والسلامات والغيبة الطويلة
بنت الاسماعيلية ترجع تاني لعالم التدوين
حمد الله علي السلامة يا مي
اسعدني جدا مرورك الجميل

-----------------------
آدم
وعليكم السلام ورحمة الله وبركاته
الشكوي ديه ناس كتير اشتكت منها...عدم ظهور التعليقات...أنا هبقي اكلم المسؤلين وأوعدك ان هتصرف في اقرب فرصة يا أستاذ
مش بتوع الحكومة بيقولوا كدا علي طول؟؟
الواحد فعلا لازم يتشكل ما بين س وص
والحمد لله انننا بعيد عن ع

جزاك الله خيرا علي مرورك الكريم

الراقص مع الذئاب يقول...

شارم
وعلي المسلمين في كل بقاع الارض
اسعدني مرورك

---------------
مؤمنة
وعليكم السلام ورحمة الله وبركاته
زي ما قلنا يا مؤمنة
لازم يكون في هجين ما بين س و ص
ناخد من س احترامه ...ومن ص حزمه ..من غير الخروج عن النص
اسعدني جدا مرورك الجميل بعد الغيبة الطويلة
---------------
عاشقة الفردوس
حمد الله علي السلامة
انا الحمد لله س مع اي حد محترم
وص من غير خروج عن النص مع اي حد خلاق ذلك
التيييت ديه بقي هي الخروج عن النص
هي اي لفظ خارج او شتيمة...بنحذفها ونحط مكانها تيييييييت عشان الرقابة يعني

فعلا يا عاشقة الفردوس زي ما قلتي لأختنا عاشقة النقاب
النصيحة لازم تتقال...مش مهم بقي بالنقاب او من غيره
ومش مهم هتتقبل او لا
المهم تتقال وخلاص

ToOoKa يقول...

السلام عليكم ورحمة الله وبركاته
اولا مبروووووووك وربنا يسعدكو دنيا وأخره

ثانيا بالنسبة للموضوع
فللاسف اخلاقيات مجتمعنا من سىء لاسوء ومن ضغوط الدنيا محدش بقه مستحمل حد

وصدقنى ابى حصلو مشاكل كتير اوى بسبب ذوقو طيبتو لحد ما ساب مصر خالص مع انو اكتر حد بيحبها

الهروب مش حل بس قولى الواحد يقدر يعمل ايه تانى
ربنا يطلعنا من الزمن دا على خير

kiki يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室