Translate

الثلاثاء، 20 مارس، 2007

ضد التيار _الجزء الثاني


السلام عليكم
كنت وعدتكم بعد ما اخلص الجزء الأول من ضد التيار اني هعمل جزء تاني
ومكدبتش خبر
اول نقض كان في الجزء الاول كان علي اللت والعجن والرغي والاسهاب اللي كان في الجزء اللاول
سمعنا الكلام
وهندخل في الموضوع علي طول
ايه بقي...هنتكلم في ايه عن الجزء التاني؟؟؟
هقول انا...هنتكلم عن انواع المدونات والردود عليي الموضوعات اللي فيها من خلال الجولة التدوينية في مدونات الغير

الاخت كلبوزة اللي شرفتني بالرد علي الجزء الاول قالت اننا لا يجب ان ننقد الغير
فكلنا عيبوب
نعم كلنا عيوب...بس انا مش هقول اسماء مدونات او اشخاص بعينهم
هتكلم علي تصنيفات وفئات معينة
مؤقتا يعني لو الامرو مشيت علي ما يرام يبقي مفيش مشكلة.....
عشان في اي لحظة الذئب
اللي
جوايا هيطلع ويقلب التربيزة علي الكل...انا في الدماغ وقلتلكم اني بحب الرومانسية اوي بس لما الاقي حاجة تقرفني مش بشوف ادامي.....

نبدأ التصنيف من الاول خالص

مدونات قذرة موضوعاتها تخاطب الغرائز الجنسية.....وديه عليها اقبال شديد جدا من الجماهير


امم...ضرب نار عشان الضيف يقول تعليقه...لدرجة ان اصحبها بيفلتروا الردود والتعليقات
يا تري بيفلتروها ليه؟؟؟
مش مهم...المهم والأفظع من كدا ان أصحبها بيكونوا سيدات متزوجات
لا حول ولا قوة الا بالله
مش مدونة واحدة....لا كتير...ومشهورين جدا...احنا اتفقنا اننا مش هنقول اسماء
بس يعني هي صاحبة المدونة ديه او صاحبها عاوز يقول ايه؟؟؟
ايه اللي جواه عاوز يتكلم عنه....المفروض هي او هو عدوا مرحلة المراهقة




انا في رأيي انهم عاوزين جلسات طب نفسي.....
في الفاظ وكلام وتلميحات والله مفيش حد عنده ذرة حياء يقدر يسمعها
شطارة ...؟؟؟
والا جراءة...؟؟
والا ايه بالضبط
اولادك او اولادك لما يشوفوا امهم او ابوهم بيعملوا كدا...احاسسهم هيكون عامل ازاي
انا بتكلم علي ظاهرة واضحة....مش مراهق فتح مدونة وحط فيها صورتين....لا دي مدونات من الوزن التقيل.....اصحابها ناس كبيرة ...بس مش محترمة.....وضيوفها برضو ناس كبيرة وبرضو مش محترمين

دي اول فئة من الفئات التدوينية
ودوله هيخدوا رمز الشبشب
يعني لما نجيب سيرتهم في الكلام هنقول عليهم الشباشب
مع الاعتذار للشباشب



حرية شخصية بقي....اقول اللي انا عاوزة

مش هطول عليكم.....في إنتظار التكملة
يتبع......................



هناك 16 تعليقًا:

amira يقول...

مساء الخير

مش عارفة
عادةً بشوف الشتيمة في التعليقات
أول مرة أشوفها في البوست نفسه
عموماً إنت حر طبعاً في تصنيفك للمدونين بس أنا كنت أفضل إنه مايكونش تصنيف علني ، التصنيف بيكون بزيارتك أو عدم زيارتك للمدونة على حسب رأيك فيها

فرصة سعيدة

يا مراكبي يقول...

إيه ده كله؟ إنت كتبت كل ده إمتى؟

شكلك معبي قوي من بعض أصناف المدونين .. وأنا فاهم ده ليه

بس أحب أقول لك إن المدونين زيهم زي أي تجمع أو أي مجتمع .. لازم تلاقي فيه كل الأنواع والأصناف والأشكال

التدوين زيه زي أي شركة أو مصلحة أو قرية أو مدينة .. فيه الكويس والسيء .. فيه اللص والشريف .. فيه السياسي اللي بيعرف يتعامل مع كل الناس وفيه اللي بيصطدم مع الناس

أنا طبعا معجب بإنك قريت لناس كتير وبالتالي هتقدر تحطهم تحت تصنيفات معينه .. ده مجهود رائع

لكن النتيجة في الآخر هي هي .. هتلاقي التصنيفات هي نفس تصنيفات شرائح المجتمع .. هكذا هي الحياة يا صديقي

عموما إستمر .. وكمل موضوعك الشيق ده .. وفي إنتظار الأجزاء التالية

الراقص مع الذئاب يقول...

اميرة.....دي مش شتيمة
دا تصنيف واتفاق علي تسمية فئة معينة من المدونين بتسمية خاصة
ولو فضلتي مستمرة في زيارتي هتشوفي حجات عجيبة كتير
ان كان اللي بعملوا عجيب

شرفتي زيارتك........


جميل جدا يا استاذ (يا مركبي) لفت نظري لحاجة جميلة
وهي تصنيفات طبقات المجتمع عن طريق المدونات
ممكن جدا
جزاك الله خيرا علي تواجدك الجميل

Hannoda يقول...

أنا معاك جدا إن التدوينات اللي بالشكل ده مثيرة للإستفزاز و الغضب... أنا نفسي بستغرب.. طيب ايه الهدف من الكلام؟؟؟

لكن إسمحلي من غير زعلللل

إنت برضه تعرضت لنفس الصور على خفيف... وأعتقد إن الغضب من شيء يعني نبذه وانتقاده و ليس عرضه


أكيد كلامي مش صح 100 في الـ 100 .. احتمال كبير يكون لك وجهة نظر ما

و عموما إحنا في الآخر مدونين... يعني الغالب علينا هو إحترام الآراء السوية

يعني اللي مش زي الجماعة اللي بتقول عليها

تحياتي و شكرا ليك ع الزيارة

الراقص مع الذئاب يقول...

الاخت الكريمةhannoda اسعدني جدا مرورك الكريم
واسعدني اكثر نقدك ....فكما قلت سالفا
كلنا عيوب ولا احد يخفي ذلك
معذرة لم افهم ما الذي لم يعجبك في موضوعي
هل هو طريقة عرضه
ام المسميات التي اطلقتها واغضبت الكثيرون
قد يكونوا محقين...ولكن اود ان اعرف بالضبط ما الذي رأيتيه انتي سلبيا
بدون اي زعل

أميرة البلطجية يقول...

اهلا باشمهندس
انا برضه مبحبش النوعين دول من المدونين
ولسه طبعا حتكتب عن الملاحدة والعلمانين
بس زي ما مراكبي قال
هو ده مجتمعنا
تحياتي

الحصان الأسود يقول...

بص بقى يا عم الديب

انا معاك في كرة النوعية دي من المدونات
وعدم احترام كاتباتها

ووجهه نظري انهم سيدات غير سعداء في حياتهن الزجية والعاطفية او ولا مؤاخذة الجنسية وعندهم كم من الاحباطات والشعور انهن غير مرغوب فيهن

ونفسهم يسمعوا كلام وإطراء و يلاقوا الناس ملمومه حواليهم في رغبة وشغف يعوضوا النقص اللي حاسين بية ويحسول ان الرجالة راغبة فيهم

وما اسهل ان اي واحدة تفتح صفحة وتكتب فيها عن مشاعرها الجنسية ورغباتها وتجاربها واي طلام يلم المدونين يعلوقا علية ويرضوا غرورهم بالتعليقات اللي مليانة كلام اعجاب مبتذل وتأييد لل..... عفوا تأييد للوساخه اللي بيتكلموا فيها

ماتزعلش مني بس فعلا مش لاقي لفظ اوصف بية غير كدة بجد

انا برضة زيك لفيت وقريت واحيانا علقت في المدونات دي بس بعد شوية لما لقيت التفاهه والابتذال زايدة بطلت اعلق او في الاساس ادخل المدونات "الهابطة" دي

وبعد اذنك احب اضيف ان فية نوع من المدونات برضة لاحظت ان فية اتجاة لة ومش عاجبني من اولة وهو مدونات العوانس المعقدات اللي بتهاجم الرجالة وخلاص وتألف شوية قصص مفتعلة ان دلت على شيء فإنما تدل عن عقد نفسية دفينة و حقد اجتماعي على كل رجل سيد قرارة وان كان قرار كل الرجال هو تركها جنب الحيط لتحمل لقب عانس

وبلغ الامر ان تتجة بعضهن لطلب ان اي واحد او واحدة عندة قصص عن الزواج والعنوسة و اشياء من هذا القبيل ان يرسلوها لهن لنشرها في بلوجها الخاص
وقد علقت على هذا في وقتها ان ذلك هو إفلاس فكري وطبعا اتمسح الكومنت في نفس اليوم وكان رأيي أنة ان لم يكن لديها موضوع لتكتبة فلتصمت وانما ان تتجة لطلب ان يرسل اليها من لديهم قصص مواضيعهم بالايميل وهي تنشرها في بلوجها المرموق فأنا فعلا لا أفهم هل هو بريد القراء أم هي جريدة حكومية او برنامج اريد حلا

من لدية موضوع فليذهب و يفتح بلوجاً ينشر ويكتب فية ما يريد انما ان يعطية مكتوبا لبلوجر تنشرة في بلوج معمول مخصوص؟؟؟؟ فما الفكرة

وبالذات ان انشاء بلوج لا يأخذ اكثر من دقائق معدودة ولا يتكلف مليماً

اعذرني ان كنت قد أطلت

لكن كلامك اعجبني و اثارني ان اكتب رأيي وادلو بدلويي

تحياتي

الراقص مع الذئاب يقول...

الاخ الكريم الحصان الاسود
نعم من الافضل عدم الدخول في هذه المدونات القذرة...وانا اشرت ان اصحبها بيكونوا مرضي نفسيين وعاوزين علاج


اما بقي مدونات الباحثين عن الزواج ومشاكلهم فدا شئ طبيعي
ممكن يكون عندهم كبت وفراغ...مش مشكلة انهم يشتموا في الرجالة او يشتكوا منهم

سبهم يا عم ومتضيقش نفسك...اكيد ضررهم اقل بكتير من الفئة الاولي


اشكرك علي تواجدك

واحدة من الناس يقول...

هى حرية شخصيه يمكن انت شايفها غلط ( وأنا معاك ) بس أكيد هم شايفين الغلط انك تتعرض ليهم بكلام وتشبيهات مسيئه( وانا معاهم )
عارفه ان فى ناس بتفهم الحرية غلط بس ان يبقى قدامك الصح والغلط وتختار بينهم ده برده حريه
ده مش دفاع عنهم بالعكس أنا باحس انهم ميستهلوش انى أقرأ مدونتهم أصلا

الراقص مع الذئاب يقول...

واحدة من الناس

ممكن يبقي معاكي حق
الكلام والتشبيات هما يشفوها زي ما يشفوها
هو رأيهم ومشاعرهم هيفرقوا معانا
اصل انا لو في نظرهم صح يبقي في نظر المحترمين غلط...والعكس صحيح

إذا اتتك مسبة من ناقص فهي الشهادة لك بأنك كامل
مش كدا برضو؟؟



لو كلامي هيحرق دمهم وتسميتي ليهم هتزعلهم وتعكنن عليهم
يبقي دا عز طلب
هو انا عامل البوست دا ليه...
انا عاملة عشان اشتم فيهم واعكنن عليهم...

عالمى ازرق يقول...

اولا احب اسجل اعجابي بمدونتك
فعلا فيه كتير من المدونات بالشكل ده لكن الغريب فعلا هو كم التفاعل مع النوعيات دى سواء بالمشاركه او بالزياره
واكيد من حقك تعبر عن رأيك لكن تقدر تعبر عنه من دون اساءه حتى لو هما يستحقوا الاساءه دى ... لكن علشان تحافظ على نظافه مدونتك انت
تقبل تحياتى

خمسة فضفضة يقول...

السلام عليكم ورحمةالله وبركاته

وكأنك تقرأ افكاري ، فمن فترة طويله وانا اتصفح المدونات علي مختلف الوانها وحتي من قبل ان انشأ مدونة خاصه بي
وكم انتابني احساس بالاشمئزاز من هذه النوعيات من المدونين بالرغم من ذلك لم تكن عندي الشجاعه الكافية لمناقشة هذا الامر علي مدونتي ،
واكثر ما استغربت له ايضا هو هذا الكم الهائل من الابتزال والكلمات الخارجه والسباب -الذي يعاقب عليه القانون والذي اعتقد ايضا انه يندرج
تحت بند الحرمانيه-الذي كان يصادفني عند الدخول الي مدونات بعينها وللاسف هي مدونات شهيره و يدخلها يوميا الآلاف
شعرت انهم لا يستطيعون العيش بدون هذا الاسلوب الرخيص .....!!!!!
لم اعد اتابعه هذه المدونات وبالرغم من ان احيانا يكون بها بعض الموضوعات الهامه الا ان الاسلوب المبتذل في عرض الموضوع يولد عندي شعور بالغثيان فلا استطيع ان اكمل الموضوع واخرج في الحال ...؟؟؟؟؟

لا اعرف لماذا يفعلون ذلك ......اعتقد انهم كما تفضلت بالقول مرضي نفسيين يحتاجون الي علاج سريع

شكرا علي التوبيك الرائع وفي انتظار البقيه

الراقص مع الذئاب يقول...

عالمى ازرق
جزاكي الله خيرا علي اعجابك بالمدونة
اما بخصوص وجهة نظرك في موضوع المسميات اعتقد اني مش بقول حاجة قبيحة اوي يعني
او لفظ خارج
دا إذا كان الاعتراض علي تسمية مدونتهم بالشباشب

دا رأي ناس كتير اوي انا غلطت لما قلت عليهم شباشب

بس بجد صدقوني....انا عاوز اعبر عن كرههي ليهم بأي طريقة....

جزاكي الله خيرا علي حرصك والتزامك بأداب الحوار...وزادك الله ادباً وحياء

اسعدني جدا مرورك

الراقص مع الذئاب يقول...

خمسة فضفضة

المدونات ديه لافتة نظر ناس كتيرة جدا
والله مجرد ان الواحد بس يفتح الصفحة بالصدفة ويتصدم بكم الاسفاف اللي فيها يخلي الواحد يكره النت اللي اتاح لكل ساقط وساقطة التمتع بحرية لا يجرأ عليها وسط اي جماعة آدمية

وزي ما حضرتك قولتي الوزار بيكونوا عليها بالالف...وهي ديه المشكلة
انسان مريض نفسي طلع وهبهب.....ايه بقي اللي يدخل الناس عنده

حسبنا الله ونعم الوكيل

شرفتيني يا دكتورة...

mohandat يقول...

السلام عليكم
عايز اقول علي حاجه تانيه عجيبه قوي
ونفسي اعملها بوست بس خايف ازعل حد مني
في بقي مدونات اصحابها مش مصريين وفاتحين خط النار علي مصر كان مصر بس الدوله اللي فيها مساوء مع ان بلدانهم اوسخ مننا سوري في اللفظ بس يا تري ده اقدر اقول عليه مؤامره ومشترك فيها مصريين ولا لا؟
السلام عليكم
مهند المصري

الراقص مع الذئاب يقول...

mohandat
وعليكم السلام ورحمة الله وبركاته

اول نصيحة مني اوي تراعي شعور الناس في كتابات مدام هتتكلم صح....الناس مش هترضي عنك ابدا في اي موضوع
لازم هيخلفوك
يبقي تتكلم صح وميهمكش...افتح الموضوع واتكلم بجرأءة مدام بتقول حاجة صح

اما بخصوص المدونات اللي شبه قناة الجزيرة فدي انا لسا مصدفتهاش....بس انا واثق طبعا انها موجودة ....بس الغلط مش عليهم..الغلط علي اللي اداهم الفرصة في تشويه صورة مصر

حسبنا الله ونعم الوكيل
اسعدني مرورك جدا يا مهند